ثمرة الماضي

parte 22

وداعت عيونك حبيبي ..
عمري بس وياك أحسة ..
ومن تغيب الدمع بعيني ..
اغرگ وما ألكى مرسى ..
انته ع الحب علمتني ..
وابد ما لحظة عفتني ..
بيدي روحك سلمتني ..
أتمنى اموت ابحر حُبك ..

زهــراء الـــﻜناني

ـــــــــــــــــــــــــــــــــــــــــــــ

حنين : كعدت الصبح على صوت مصايح عقيل وروان.. مليت منهم كل يوم نفس القرص ينعاد..من يوم الطلك دنوة ما يطيق روان..اقل غلط تسوي يكلب البيت عليهه..يكللهه عود انتي مثل دنوة..شلون نظيفة ومرتبة..اجي الگى ملابسي مصفطه والحمام محضر..انه اللازم اتحسر عليهه مو هي..هي الف واحد يتمناهه..بس الله بلاني بيج..

انتي بلوة وانه جنت حاسبج نعمة ..وهي تكب..لعد انته ضحكت علي بالحب مالك بعدين تكلي مغشوش بيج..وهاي هج يضلون يتعاركون ومصايح لحد ما تكوم تبجي وهو يعوف البيت ويطلع..

كمت من الجرباية ورحت للممر..هلمرة ردة فعله تختلف عن كل مرة..ابوي جان كامشة وامي جدامة وتدفع بي وهو يصيح

عقيل : عوفنيييي داكلك..اريد اهد عليهه..هاي الما تستحي

كاظم : غير نفتهم شكووو..شبيكم يمعودين..انتي شبيج خرسيتي ما تحجين.. يحجي ويأشر على روان..

روان بخوف : ع..عمو والله ماكتلة شي..
ابوي زمخ بيهه..فزت من مكانهه..كللهه : اكو وحده ادمية ما مسوية شي يجي رجلهه يريد يضربهه الا اذا جان خبل

عقيل : اخذي ملابسج وطلعي من البيت يله..يللللهههه.. ما اريد اشوف خلقتج جدامي..
روان : بس اني حامل..

عقيل : طبج طووب..انتي وحملج..بليتيني حمل وحمل.. حسرة اكلج سويلي شغلة ولو بگد النمنماية صحتي حملييي..

ام عقيل : يمه استهدي بالرحمن..مو جنت رايدهه تحبل ويجيك وليد تفرح بي..شنو التغير هسة..
عقيل : اذا ابنهه يطلع عليهه ما اريدة..

كاظم : كافي مزعطة عاد..فهمونة شصاير..تردون تتعاركون روحو تعاركو بغرفتكم..بس مال تتعاركون جدامنه وتردونه نوكف نعاينلكم مثل الاصنام ما ندري شكو هاي مالهه داعي

عقيل : كل يوم طالعتلي بسالفة جديده..يعني اجي تعبان من الصخام الشغل اريد ارتاح..وين ارتاح وييين؟..اذا بالبيت وبغرفتي اطب واطلع عركات وتلاسني ع اقل شي..چي احبهه واسكت..لا والله لا تاخذينهه نقطة ضعف..شخطة قلم وتولين لبيت اهلج..عمي لعبت روحي بالقران..كافييي.. كافيي.. كام يجر بفانيلته ويصيح..كافي اعتقيني..هسة ادور طالعتلي بسالفة صفح..

تكلي نروح لبيت امي نعيش..اي مو احنه مهجولين وفگوره..لج لوووما اهلج الفگر يافگر بت الفگر..
حنين : كام يريد يضربهه وابوي كمشة بالگوه ويصيح بي وهي واكفة بالباب وامي بسدهه..