ثمرة الماضي

part 9

ذكروهـــا.....
و عـادة اليذكر يحن .....
‏و الروح لـ أهل الروح..
   حَنت.....
مَلت من ونينهه.....
و عذالهه من اللوم
مَلت....

زهــراء الـــﻜناني
ــــــــــــــــــــــــــــــــــــــــــــــــــــــ

انتظرت دقايق شفت عمي لواء طالع من غرفته
استغليت الفرصه ورحت للغرفه
دكيت الباب على كيف طلعتلي مرته
مخليه الشال على راسهه وعيونهه مفتوحه نصهه

- خير ياحافظ شصاير جاي تالي الليالي

- لا خير ولا مير
باجر الصبح اريد اشوفج بالمزرعه وحدج
وياريت متكولين لورود و لا لعمي
چي شغله تخصج انتي

- شكو متحجي الا اجي

- اي لازم

باجر اشوفج بالمزرعه وره الغده ومثل ما وصيتج
يله لازم اروح خاف يجي عمي مو تنسين عفتهه بحيرتهه ورحت لغرفتي تمددت ومخطط ببالي كلشي
والله لاگلبهه لحياتك اخليك ما تثق حتى بخيالك

قبل شوي اثناء ما ورود جانت تحجي
كلتلي ان صگر كامش الجماعه الخاطفين دنوة
بس لاگيهه شارده

يعني صرت بوضع الامان اعرف شتصرف منين ابلش و وين اخلص كعدت ثاني يوم الصبح رحت للمركز قبل كلشي بس تأكدت صگر موجود بالبيت خاطر لا اشوفه هناك و يشك دخلت للمركز مالكيت احد بس واحدسألته عن اسمه كال منتصر

- هلا بيك  المن رايد...؟
- رايدك الك بشغله ضروريه و الك الخيار تقبل لو ترفض

- انا؟..انا شعلي

- دقايق من وقت انا بسيارتي بره. انتظرك
طلعت بالسياره كعدت و انتظرته يجي
اريد طريقه افتح بيهه الموضوع وياه بدون ما يشك
او بدون ما يكول لصگر

شويه و انفتحت الباب مال سياره صعد بصفي

- نعم شرايد؟؟

- شوف خويه
هذا صگر اذاني بحياتي و ماخلاني اعيش براحه
لو احجيلك شمسويلي والله تترك المركز و متعاين بوجهه بعد المهم انا ادري ان الجماعة الي بالمركز الهم علاقه بصگر

يعني خوما هو جابهم على عمى عيونه؟..
اكيد اكو سبب موش؟؟..
اكو واحد منهم التقى بي البارحه تعرف اسمه؟..

- اعتذر منك خوي
بس هاي معلومات ما اكدر انطيكياهه
و المشاكل الي بينك و بين صگر انا ما الي دخل بيهه تكدرون تفضوهه سوى

انا شغلي مسؤول عن الغرف و ملحقاتهه
اما ان تريد مني انطيك معلومات عن شي يخص المركز فه تعذرني چي انا مراح افرط بشغلي
و صگر تراه خوش زلمه و كفو
ما تجي منه الشينه

بس هو عصبي شوي كيد بسبب الاحداث الصارتله
ف موش من مره وحده اجت منه الشينه
مثلا صار يصيح لو شي تريدني انطيك معلومات عنه
ما اكدر تعذرني
محتاج شي ثاني؟..