ثمرة الماضي

part 4

ثمـرة المـاضـي...

زهــراء الـــﻜناني

يلم بيه الحزن ساعه ..
ولم بيه ..
وعليكم گلبي يوجعني وألم بيه ..
الحزن تفصال مخيط ..
ولم بيه ..
لبسته وماقبل يعتك عليه ..

ـــــــــــــــــــــــــــــــــــــــــــــــــــــــــــــــ

يجدي انه معندي شي وياهه..
بس ما نطيتوهه مجال تحجي..ما اعرف شكول ..المهم
هسه كل شي صار كدامك يجدي..انته تتصرف بعد..
الجد : هاي هي يا صگر..و انت رضوان..مالك محط رجل بديرتي..ما راح احاسبك..

القانون كافي و وافي..يالله اخذوه..دمرت نفسك..الله يسامحك..يله توكل يبه..
صگر : هم و نزاح مني..ما معقوله بنيه صغيره ترضا بهذ ..

الا اذا جانت مغصوبه..و انه اعرف هنا شيسوون..
ضليت كاعد عند جدي..لحد ما صار صوت صياح..ردت اطلع كمشني..

الجد : اكعد لا تطلع..هذا محيي..متخبل ع البنية..
- ضليت كاعد..يمكن ما كتلهه..لأن ماكو صوت..بس صياحه هو..شبيك وي البنيه ياللع..والله ما شفت مثل هدوئهه..

ما اعتقد تسوي شي..يأذي غيرهه.. كبل نفسهه..سمعته يصيح لا تفتحولهه الباب..
شلون اب ظالم هذا..شتريد من البنت..
بس لو تصح الفرصه..اخ الله..

بلكي تنفض و يرتاح گلبي..يول شبسرعه فكرت بيهه .. يمكن مو هي البالك..بس نفس الاسم..
مر الوكت..و صار الليل..محد جاب طاريهه..و لا وصل يم الباب..جي لا حول و لا قوة هج تسوون بيهه..

الكل نام صارت بـ ٢ تقريبا متحملت..كمت ع المطبخ .. اخذت كم شغله من الثلاجه و كلاص مي و رحت للغرفه..
المفاتيح جانت اكو نسخه جبيره..بيهه بيبان الغرف .. موجوده فوك الثلاجه..

رحت قريت اسم الكيلون..و جبت المفتاح علي..اكيد هسه منايمه من الجوع..
ليش انه كلبي هجي ميت عليهه..و انه ما ادري اذا .. عدهه نفس الشعور لو لا..اكيد لا..

خوما مثلك يا صگر..عمري ما عاينت و شغلت بالي وحده گبل..من عداها..جنهه مختلفه..والله هي نفسهه .. التحجيلي عنهه الوالدة..

يوم التصوبت صارت جدام عيني..نسيت نفسي و جتفي .. من الصبح على نفس التضميد..ادور ملجوم..

و الدم باين بس مو هواي..رحت فتحت الباب..
دخلت و هي صافنه و متفاجئه..و شعرهه منسدل
على جتافهه..و طويل جوه الخصر..
ادور اجت تعاين بعيوني..

ما احسهه متقصده تعاين بعيوني..متدري انه اعاينلهه بغير نظرة..طلعت قفلت الباب و رجعت للغرفه..

كلبي يرف..مرتاح جي شفتهه..كعدت ثاني يوم..
ما الي نفس بأي شي ..كمت خابرت احمد..
خاطر اتفقد الوضع عنده..احمد شسويت اليوم..

احمد : سيدي تمت المحاكمة امس..سجن عشرين سنه بتهمة الاشتراك مع عصابه مجهولة الجهة و الهويه..و تسريب معلومات العسكر..اضافة الى اطلاق الرصاص الحي على مقدم عسكري..