ثمرة الماضي

part 30

لفني بأحضانك حبيبي .. اني محتاج لحنانك ..
ارتاح بس بحضنك اني .. ما ارتاح بأي مكان ..
بين اديك .. ارتاح وابچي ..
واني ساكت كلشي احجي .. ما احتاج عيوني اني ..
مثل ما محتاج الك .. وين هلغيبة حبيبي .. وحرمتني شلون منك ..
واني عندي الدنيا كلهه .. تروح فدوه لأثر رجلك ..
   اني ما اكدر اعوفك ..
   روحي ترجع من اشوفك ..
 

                     «زهــراء الـــﻜناني»
ـــــــــــــــــــــــــــــــــــــــــــــــــــــــــــــــ،

بهاي ال٣ ايام جنت داغسل مواعين العشه..سمعت صوت الحجية تكله لصگر اسم الله يداده..شبي الرجال ..سديت المي ورحت للصالة حتى ايدي بقى بيهه الزاهي..عاينت لصگر : منو..ماجاوبني..اخلاص حجت مناك..

اخلاص : ابوج متخربط بالمستشفى..
صگر بصياح : شي ميخصج لا تدخلين بي..الف مره كايلج .. يله دروحي منا ..اندار علي.. عيني روحي بدلي اخذج..

مجاوبته..درت وجهي وصعدت فوك انه وابجي..شبي ليش متخربط..ليش هشكل صاير..بعده مو حيل جبير .. من صحتي على صحته والله..

لبست شلون مجان حتى مشفت من الدموع..نزلت بالعجل اخذني صگر ورحنه..طول الطريق بس ابجي صگر يهديني وانه بالطالع..

صگر : يابة سكتي..هسه نوصل انطيني مجاال..
كتله انه وابجي : انت ماعندك احساس..
صگر : ميخالف..يله نزلي وصلنه..

نزلت وهو اجه وراي..طبيت جوه عمامي موجودين وجدي همات بس البنات مشفت احد منهم..شذى ماكو..شعجب .. هي وياه خطوه بخطوه..اجه صگر وكف بسدي وحجة وياهم

صگر : شلونه هسه..
فيصل : خلوله اوكسجين ودننتظر الدكتور شيكول..
عفتهم يحجون وكعدت ع الكرسي..دنجت ودموعي تصب ما سكتت..اجه صگر كعد يمي..حاوطني من جتفي بدون ميحجي شي..وره دقايق اجه الدكتور..رفعت راسي ارد اسمعه شحيكوللهم..

قاسم : بشر دكتور..
الدكتور : ماريد اخوفكم .. بس جلطة دماغية..مبدئيا وضعه مستقر بس لسانه حيصير ثكيل بصعوبة يحجي .. فلازم يرتاح .. بس اريد احجي مع شخص منكم..

صگر راح وياه شوي واجه بس وجهه مصوفر..
الجد : هاه شكلك الدكتور..
صگر : كال بس يفيق يكدر يطلع..

گلبي ضل يلعب..ليش اجه مثل المصدوم بس من سألة جدي ما كال شي..اكيد كله شي وميقبل يحجي ..

ضلينه ننتظر نص ساعه تقريبا وراهه صحى..ردت اطب صگر كمش ايدي

صگر : اصبري..يطلعون ودخلي شوفي براحتج..
سكتت..انداريت علي : شكلك الدكتور..
رفع حاجبه ودنج : ما كال شي..

سكتنه ثنيناتنه..وره ربع ساعه طلعو..عمي فيصل والباقين رجعو .. بقى بس جدي واحنه..صگر كلي فوتي شوفي .. طبيت لكيته كاعد..

كعدت يمه بسته من راسه..كتله : شلونك يابة .. شلون صرت جاوبني والحرف بالكوه يطلع منه .. وصوته ناصي .. گلبي انعصر عصر..