ثمرة الماضي

part 2

ثمرة المـاضي

زهــراء الـــﻜناني

اعز من روحي اعزك ..
      وانت اعز مني ..
ياحسبة عمر خاويتهه من صباي ..
بطلت صفنتي ومابطلت مني ..
اجِس ..
گلبي الفضي متعوب حد الويل ..
وادعيله الصبر عن لا يفشلني ..

ـــــــــــــــــــــــــــــــــــــــــــــــ

-قابل انا كتلتهه متعمد يا صگر ؟ شو ابوك مادري شماله ..
راكب راسه و ميسمعلي حچايه ..
عاد هم زين انته موش مثله ..
-والله ما اعرف يجدي ..بس هو حكة يشوفهه بهذا المنظر ..
انت و عمي محيي كامشيهه ..شگالت روحه ..
انا اشوف إن تنطي صبر شوي ..

نگول يالله و يرجع يستعدل ..كلهه فتره يجدي ..
-ما اظن يا صگر ..صارله سنين هلثار ..
وين يريد يوصل ..هل مراهق ..

دنوة : ماادري اذا عندي خربطه بالسمع..
لو الي سمعته حقيقي .. شنو اكتلهه..
شنو ننطي صبر..زين ابوي شدخله ..
هلصگر شديگول ..خاف مو موضوعنه..
سمعت صوت رجلين تتقرب مني ..

رحت ركضت لغرفتي ..طبيت و سديت الباب ورايه ..
ضليت صافنه و افكر بالحجي السمعته ..
خاف ماكو شي ..خاف انا احلل بكيفي ..
عفت الموضوع ورايه و نمت ..راسي جان يأذيني...
گعدت على صوت الاذان مال مغرب ..

هاي شكد نمت يالله ..گمت افتر بالبيت ..
محد اكو ..حتى ابوي ماهو ..
و هلصگر هذا هم رجع لبيته يمكن ..
مشت باقي الساعات عاديه حالهه حالباقي الايام ماكو تغيير ..صبينه عشه للزلم اول ..
بعدين گمنه نغسل مواعين ..طر الليل و السما تلالي ..

رحت على نوارة و سرور ..ولجن كومن وياي نتمشى بالمزرعه .. ماضايجات من گعدة البيت و الاكل ..
نوارة : يالله امشينه طك جبدي من الكعدة ..
اخذتهن و رحنه للمزرعه صايره بظهر البيت ..
چبيره كلش و نسمة الهوى تلفح بارده و دافيه بيناتهن ..

اخذنه ويانه كرزات و رحنه ..محد يدري لو يدرون ما يخلونه
اكللجن ..اليوم سمعت جدي يحجي وي هلصگر ..
يگله قابل انا اكتلهه بدون سبب ..
ما تعرفن على شنو ديحجون ؟؟
صارن وحده تعاين ع لخ بنظرات مااعرف تفسيرهه ..
سرور : لا منيلج هل حچي ..بعدين شعندج تتصنطين يولي

- سمعتهم بالصدفه ..شنو مو من حقي اعرف
شديصير بهل بيت..محد جاوب ..گلبو السالفه ..
و انا بعد سديتهه لأن يجوز صدك ماكو شي ..عسى و لعل ..

وره فتره سمعت صوت سياره تقربت من الخلفيه مال بيت
دنوة : ولجن يمكن هذا ابوي ..
امشي خل نطب ليروح يرزلني شبعت رزايل ..
اخذتهن و طبينه ..اجه ابوي و نظراته متبشر بخير ابد..

عاينلي بطرف عينه و يخزرني
ياا ..شبلاه ..رحت صبيتله العشه و خليته بالغرفه ..
دخل هو ورايه صاح بيه ..
محيي : هاي شنو العشه هنا ..
امشي ودي بالديوانية يم ابوي.. بس هزيت راسي بمعنى حاضر ..دگيت الباب گبل لا ادخل ..
صحت ..جدي ادخل..صاح دخلي بنتي ..
خليت الصينيه يمه ..هسه حيجي ابوي يتعشه يمك ..