ثمرة الماضي

part 11

زهــراء الـــﻜناني....
                                               ZahraaAlk2.  

چا هلبت رسايلكم تُمر بِينه ...
گعدنه على الدروب هواي ...
مامِش ساعي مَر لينه...

, ـــــــــــــــــــــــــــــــــــــــــــ ،

نزلت عند البوابه الي نزلت يمهه بيوم خطفة دنوة..
انهضمت من شفت المكان دخلت جوه..شفت واحد يبيع مي ورد وبخور..

اخذت من عنده ورحت لمكان الگبر بس اتفاجئت من وصلت شفت احمد و امي و اخلاص و محمد..
يااابه..شكد ولهان عليهه..مشتاكلهه..

تقدمت عليهه...حضنتهه و بوستهه من راسهه..
هي ذبت نفسهه بحضني..تبجي و تحضن بيه..

- وينك يمه..فار گلبي عليك...وين ابتعدت..
ما جاوبت..اكتفيت بالسكوت...وره دقايق من العتاب و الشوك..

شفت اخلاص واكف و تعاين عليه و تبجي..
كمت بستهه...حضنتني و تبجي..
اخلاص بهمس تخاف احمد يسمعهه..

ادري بيك ما تسوي هج سواية...بس محد يسمع..
- عرفت كلشي...لا يضل بالج..
وره هاي الدقايق غسلت الگبر بمي الورد..و خليت بخور..

ما اكدر اقره واضل صـامد
(كل نفس ذائقة الموت المرحوم الحاج حامد شامخ)

خليت ايدي على عيوني..و بجيت...
يا يابه..فد تعبااان..كلشي بيه يصيح من التعب..
تمنيته يطلع من الگبر يحضني..يطبطب على ظهري..
بس وين اكو

ما ادري شكد مر وكت..بس حسيت نفسي اكتفيت..
غسلت وجهي و كمت...عاينت بساعة التلفون..
بالـ ١٠ ونص

هم يالله اصل للعمارة..بين ما اشوف الوضع و ارتبه..
ودعت امي و اخلاص الظاهر بعدهه شايله بگلبهه و ما مصدكه انّي ما اسوي هج

لان حتى ما كلتلي وين بتت هل ايام..
ما عاتبتهه بس گتلهه انتي شلتيني بهل بطن..و تعرفيني احسن مني..

عاينت على محمد بعتاب...كلماته جانت حاده و بارده
صح انا بلا احساس..بس ابقى بشر يتأذى و ياخذ بخاطره..

رحت للبوابة دا اطلع بعد خلصت...
شفت احمد واكف..عبالك منتظرني اطلع..
احمد : سمعت انقلت صح هل حجي؟؟..
تقدمت عليه..و عاينت عليه بعصبية ..
لوما بالشارع جان سحلتك سحل يا نذل..
صدك ماعندك ولا ذرة شرف..

اتهمتني انا و بنت عمك بهل سالفة السخيفه مثلك..
يعني ما ادري هاي شيسموهه بس تأكد ما عايفك لحالك..بس ارجعهه

اجي للبيت جدام جدي و الكل اسويك وصلتين...
ارد اشوف منو يطلع وراك..خاطر اسوي وصلتين مثلك و ها ...حاسب ما ادري انته طلعت زيد و جماعته؟؟..

يول انا ما اتصرف الا اخلص كلشي..
يوم الاشوفك تتگلوط جدامي و ما امدلك ايدي..
مثل ما عذبتني ..خليت الكل يكرهني..
انا صگر يالاغم..تعرف شنو يعني؟؟..
يعني رجال من صباي..