ثمرة الماضي

part 12

زهــراء الـــﻜناني

ثمره الماضي

عَلـيكم جذب.. الكال انه مرتاح..
يا راحة البلياكم تجيني...

.
.
.

شفت وحده كاعده بعيد يم الباب وتحجي وي الجندي..

تبجي وتشهك..اكيد وياهن...جا شبيهه خايفه؟؟..
دخلوا كلهم للتوقيف وبقت هاي البنية الي عند الباب..

صحت بيهه خاطر تدخل وياهم...
يا يمه هي دارت وجهه وجهه وانا گلبي خطف مني..
يعني شلوون؟؟..هنا وليش...

هاي دنوة..اااخ ياگلبي..هاي شجابهه هنا..
شوداهه وياهم؟؟..شلون هاي صار كل هذا..
ادور عيونهه حمر دم..باجيه لحدما تعبانه..
صحت..تعالي يا بنت..ضلت واكفه بمكانهه..
تگربت منهه..كمشتهه من جف ايدهه..

بااارد ثلج..بعدني ما مصدك هي هنا والله..
اخاف اطلع حلمان ويخرب كلشي وتخرب الفرحة..
همست ...دنوة..دخلي بهاي الغرفة..هسه اجي..

دنوة : شفت عيونه شلون لمعت من شافني..
حسيته لان و رخه..مثل من شفته اول مره..
من جاب الرجال الي راد يخطبني..هج نفس النظرة..
يعني هذا صگر..وانا يمه هسه؟..

مدا استوعب..شديصير شلون هج ياربي..
يعني راح ارجع لبيتنه واخيرا..يا يمه..طكت روحي..
ما ادري افرح چي حيرجع للبيت..

لو اخاف چي ابوي مراح يسكت اكيد..يمكن يكتلني..
يا فرحة الما تمت..يارب يتم كلشي على خير..
صگر متغير..لحيته طولانه..ضعفان اكثر...ليش هج؟..
لو چي مشايفته صار هواي كلت هج..ما ادري..
كمت تمشيت للغرفة الي كلي عليهه..

صگر : ابقي هنا..ما اتأخر دقايق...طلعت وسديت الباب ورايه..

طبيت للغرفة اليجتمع بيهه الضباط..
صالح..انا هسه ضروري ارجع للبيت..صار عندي ظرف..

الجماعة يبقون بالمركز ما يطلعون منا ابد ..فاهم!..
ارجع وجه الفجر..حتى لا تحقق وياهم..انا اجي اشوفهم..

سالفتهم طويلة و وراهم شغلة هم والملازم حمد..
ملازم صالح : حاضر سيدي..راح امنع أي زيارة..

- اي ياريت..يكون افضل...بس دير بالك اطلعهم بكفالة..

عفتهم وره ما تأكدت ما يسوون شي بظهري..
رحت للغرفة اخذت دنوة وطلعت..
صعدنه بالسيارة وطرت بيهه للبصرة..
يعني هياتهه جدامي..والله ما مصدك..

احس روحي ردتلي..فرحااان..الدنيا ما واسعتني..
اريد اخذهه لحضني و احجيلهه شكد تعبان بغيابهه..
الي من جنت اشوف عيونهه ارتاااح..غابت وغاب الفرح وياهه..

طول الطريق هي ساكته..ما حجت شي..
مشتاك لصوتهه المبحوح..اي هج صرت ولهان عليهه..
ميت بيهه والله..

دنوة ..

دنوة : انداريت عليه..ورجعت اعاين عل طريق..
گول...شنو..