ثمرة الماضي

part 34

اخذني وياك .. چملني ولو گطرة ..
       واخذني وياك ..
          اهناك ...
    الماي گلبك بلچي روحي تنام ..
عصفورة جرف .. بلل جنحها الخوف ..
           اخذني وياك ..
امشي بغير واهس .. والطواري گصار ..
  وعيوني غُرب .. وچفوف ايدية وداع ..
واسمي بغير عين ومِيل كحلك غاب ..
وتنشدتي اعلة گلبي .. گلبي حب و ذاب ..
                   زهــراء الـــﻜناني
ـــــــــــــــــــــــــــــــــــــــــــــــــــــــــــــــ

وكلني لكمة ووخرت ايده..ضل كاعد يمي لحدما حسيت بطعم مر بحلكي..كمت للحمام بالعجل..كمت استفرغ وابجي ..

بلعومي اذاني من الحركة..فتحت عيوني وصحت
: صگرررر الدم ترس ايدي

وحلكي..حسيت دوخة قوية..اجة صگر كمشني من ظهري غسل وجهي وايدي..

صگر : لتبجين بنيتي ماكو شي..
حضني ودار وجهي للجهة الثانية ما يريدني اشوف الدم.. سمعت صوت المي غسل بي المغسلة بعدين رجعنه للغرفة..

قفل الباب وراح للكنتور طلعلي بلوز..لأن مالتي صار بي دم ضليت مدنجة ما عاينت علي..بعدين خلص رفعت راسي شفت عيونه تلمع..بس عاين بعيوني جان تنزل دمعته..

كعدت بالكع صرت جدامه..مديت ايدي على خده : هاي شنو.. انت دتبجي..ليش..ضوجتك انه.. ما جاوبني..تنهد وكمش ايدي قربهه من شفافه..انفاسه حارة..

صگر : صوجي..اي والله صوجي..صدكت باخلاص.. اعمى ماصدكت حصلتج صار سنين..بعدين امرضج بنفسي..

خليت ايدي على حلكه : اشش لا تجيب طاري هاي اخلاص ما ادري شسمهه..هاي مجرمة..عوفهه ختولي..كمت حضنته بس تصرفاتي طفولية..

حضنتي اله..طريقة كلامي..انه ما احجي هج بس هاي المرضة سوتني غير شخص..مرت الايام وصگر راح للواجب..اجت خالة بمكانه..بس متكدر كلساع صاعدة ونازلة..فتجيني بس بالليل لو وكت الغده الظهر..

جان صگر موجود هو الوحيد يداريني..يبدلي ويبقى كاعد وياي لحدما انام..بقت بس خالة تجي يمي تقره على راسي بس عادي ما انطي ردة فعل اندفاعية..

اضل اسمعلهه لحدما تخلص..تجي ترتب الجرباية..
هي هم مره جبيرة بس تكلي انتي تعبانة فاعتبريني مثل امج..عادي اذا سويتلج شغلة..تضل يمي شوي بعدين تروح..وره عشر ايام جنت فوك جان يجي صگر..حضني وباسني

صگر : خوما خفتي وحدج..
دنوة : اي..لا تروح بعد..
صگر : تدللين..

راح سبح وكمل بعدين العصر نزل شوي واجة..
صگر : كومي حبيبي..اجت خالتج تريد تشوفج..
دنوة : منو هاي..شتريد مني..اكيد دازيهه علي..

صگر : لا باباتي انه جبتهه محد جابهه..
دنوة : اي اذا انت جبتهه خوش..اجه كومني ونزلنه جوه.. من شفتهه ما عرفتهه.. مكدرت اسوي شي..اجت حضنتني وباستني..