ثمرة الماضي

part 15

زهــراء الـــﻜناني

اسأل انا..
  يا ليل ..ودتنا دِنيانا ..
اسأل انا..
يا طير.. ينطينا جنحانا ..

ــــــــــــــــــــــــــــــــــــــــــــــــــــــــــ،

كمشني من شعري حيل..سحبة ليجوه..
كمت اصيح وابجي..شعري شعري..شبيك..
شكو فهمني...ليش تصيح..

عقيل بصياح : ما تدرين بنفسج شمسوية؟؟..
لج انتي لازم اكتلج..شكو مبقيج على ذمتي..
جسمي كام يرجف..بعد ما اكدر اوكف..
شكو شصاير..لتخوفني حباب..

دفعني عالكنتور..حسيت راسي تهشم..
كعد جدامي هو وكامش معصم ايدي قوي..

- شعندج وي صگر؟..
گلبي طاح من مكانة..شنو صگر..شجابه ع لسانة..
ما اكدر اوصف شعوري بلحظتهه..
بس گلبي احسة حيطلع من مكانة..
هلگد ما يدك سريع..

- احاجيج جاوبي..
ما عندي شي والله..

انفاسة صارت عالية..
والعصبية ترست عيونه..

اليوم شيخلصني..حنكتل حنكتل..
خليت ايدي على وجهي..اخاف يجيني راشدي..
والله ما عندي شي..صدكني..

كمشني من رگبتي..احس نفسي انكطع..
اوخر بايدة ماكوو..كامشني قوي..
احس روحي حتطلع..هاي نهايتي..

حجيت بصوت مبحوح بالگوة ينسمع..
عقيل..مدا اتنفس..وخر ايدك..
وخر ودفعني عالباب مالت الكنتور...

كام وكف..دفرني بخاصرتي..
نفس المكان مالت ذاك اليوم..شاغت روحي..
صحت بكل حيلي..رجع ضربني..

موتني..شمسوية..ليش انضرب هشكل..
اسمع صوت حنين برة الغرفة..تصيح باخوهه..
بس هو ماكو..ولا يمه..عبالك ما يسمع..
شالني من زندي جنازة..بس جسم..روحي طلعت..
شمرني عالچرباية..

- رايح اصفي حسابي وي صگر..
انتي ردتي هجي..يله..هسة استلمي..
كمت عليه..كمشته من ايدة..
لا تسوي شي فدوة..والله ماكو شي صدكني..

- اششش اشش..لا تحجين..
شافتج روان تبجين جدامة وكامشة ايدة..
بعد تردين التفاصيل؟ لو تعرفيهن..

شهكت بخوف..ما كمشت ايدة..
ولا صار شي..جذب..جذب والله..
لا تروح دخيلك..حتسوي مشكلة ع شي مموجود..
تقرب مني وانفاسة بوجهي..

- خاف ما موجود وتزعلين؟..
روحي من وجهي..بعد اذا شفتج جدامي اموتج..
راح ينزل..نزلت وراه بالعجل..
فتح الباب يريد يطلع..جان تجي روان..

- حبيبي وين رايح..تعال نام..
ع شنو حارك دمك على هاي..وأشرت عليه..
ختولي..

اجت تقربت عليه..رفعت رجليهه شويه..
باسته من خده ومدري شگلتله..ما سمعت..
كامت تضحك..راحت لغرفتهه تتمشى..
اجه تقرب عليه..

- هسة ما اسوي شي..چي الدنيا ليل..
بس اروحلة يعني اروحلة..
هو سبع اذا طلع صاحي...
بس ارجع من بغداد..وراهه يصير خير..
دنجت راسي..وكمت ابجي..
دفعني للدرج..