ثمرة الماضي

part 36

                             ﷽

                   خَلصت النَهار بخَير
                  بَس الِليل شيخَلصه ؟
                  مِن يبدي هِدوء النَاس
                  تِبدي بدَاخِلي الخَبصه .

بقلمي:- زهــراء الـــﻜناني
 
      ـــــــــــــــــــــــــــــــــــــــــــــــــــــــــــــــ
                
تلفونه دك يمكن عشر مرات ميقبل اكمشه يكلي يدك يحترك معليج بي فعفته كملت الجراجف سكت شوي بعدين رجع يدك دخت وضجت من صوته رحت اشيله ما مكتوب اسم بس رقم شلته بدون ما احجي خاف يطلع صديقة ولد ادور يرزلني

- : الو حبيبي وينك صار ساعة ادك عليك
انه من الصدمة سكتت ما حجيت ولا كلمة هي رجعت تحجي طبيعي وتسأل

- : ها شنو يمك مرتك يله شوف ادري بيك ما تكدر تحجي هسة بس اليوم تجيني للبيت مو تنسى
توني دا احجي جان يجي صگر كمش التلفون من ايدي وسد الاتصال

ضليت صافنة بوجهه بحيث عيوني دمعت حسيت حرارة الدنيا كلهه صارت براسي اعصابي انشدت فد دور حتى رجلي تشنجت ما اعرف ليش خزرني وضاب ايده ع الميزتواليت

: ليش تكمشين تلفوني مو كايل معليج بي. يحترك يتصخم معليييج هو كال هيج وانهديت بي

: معليه. هااااا معليههه من هاااي اشوفك ما تقبل اتقرب من تلفونك تي منو هاي مرتك اكيد يمكن دتسألك ع الطفل اذا جبتله حليب لو لا

صگر : ماكو هيج حجي بابا مرتي شنو
دنوة : لا مرتك ونصص تقربت كمشته من تشيرته وادفع بي حتى ما نطيته مجال يحجي انفجرت بجي ودموعي تصب عشره عشره

: ليييش. حقييير تريد تحرمني من الطفل لأن عندك عندك مره وطفلللل وانه محد بحالي لك اكرههههك ليش هيج تسوي بيه مو حرام. حراااام. الله يطلعهه بيكم واحد واحد

تنت واخلاص وجلنار وكلكممم كلكم اذيتوني ما بقيتو عقل براسي تريد تسوي هيج بالعناد موووو. خاطر تكول عني مخبلهههه ايييش لأن وحيدة وماعندي احد. ضحكت على عقلي بهلجم يوم مال سفرة

خاطر تلهيني عن سالفة زواجتك روح الله يهنيك تعبت من وراك. تعبتتتت ضربته على صدره بايدي وعفته رحت ع الكنتور لبست الصاية والشال. طلعت جنطة صغيرة اخلي بيهه ملابس ابجي واحجي

: حروح لبيت خالتي. اذا اجيت رجعتني احرك روحي خوش لو لاااا. ما اريدك بعد ما ارييييدك عوفني اتهجول انام بالشارع المهم ما ابقى يمك دقيقة وحدة كمشني من زندي ودارني علي

: تطلعين من البيت خطوة وحده بعد متخشين
صفكت بوجهه وخازرته : فوكاهههه فوك هذا كله تهدد. والله انه الي ما اريد ارجع. وخر ايدك لا تكمشني وخررررر انت لو مهتم جان كلت خطية اعصابهه تعبانة ما اخليهه تتأذى بس ماعندك احساس

صگر : يولي بس انطيني مجال احجي
دنوة : شوف بعدني صغيرة بس عشت العاشه الجبير.. لا تحاول تلعب علي كافي ضحك كافييي