ثمرة الماضي

part 17

حمام احمل لهم وياك مرسال ..
مرسال ..
الدمع بفرگاهم ياناس ..
مرسال ..
مُر إسأل متى يعودون ..
شيصبر گلوبنا ببعاد الحباب ..
يابه ..يا يابه ..
والله ياطير الحمام الي تسافر ..
ودّي لاحبابي السلام ..
واحمل بجنحك رسايل من تهاجر ..
ـــــــــــــــــــــــــــــــــــــــــــــــــــــــــــــــــــ

هلاو فرولاتي شلاخبار....
صار ايام ممنزله ولا بارت لان امتحانات
وماكو مجال فـ كتبت بارت قصير وان شاء الله باجر هم حنزل واطول من هذا لان نعساانه والنومه بعني وباجر دوام بس اجيت حته نكمل الروايه ونعرف شنو الاحداث الجديده... لاااااااتنسون
التصوييت بـ★ تمام عمري اعوفكم وي ابطالنه.... ♡♡

ـــــــــــــــــــــــــــــــــــــــــــــــــــــــــــــــــــــ

روان : اندگت الباب المغربيه..رحت افتحهه حسبالي امي لو اي احد ثاني..ما توقعته عقيل..لأن عقيل يجي الصبح اكثر شي..

عقيل؟..تعال طب..
وجهه جان مصوفر ومدنج راسه..اول ما طب راح للغرفة وصاحني ..اجيت وراه وسديت الباب..گعدت بصفه..

شبيك حبيبي شو تعبان..ومسحت على شعره..
عقيل : مختنك..احس روحي حتطلع..بس من اطب للغرفة ارتاح..شلون يعني اضل هنا ما اطلع؟..دا افكر اروح لشيخ سيد يقره علي..خوما اضل هشكل..

فزيت من كال اروح لشيخ..حيعرف مسويلة عمل ادور يضل يحجي ويشك بالكل رجلي واعرفة..

روان : ها..بكيفك..بس مراح يكلك شي..تعال اني (اكول اني لأن بغداديه) اقره عليك..تمدد وخلى راسه على رجلي ومغمض عيونه..

كل ما اشوفه اتخيله هو ودنوة..احس نار تصير بداخلي..جانت نيتي اسويلهه الهه مو لعقيل..بس صارت بعد..وبديت اتندم..يجي مخنوك وضايج حتى امه من تحاچي يغلس عليهه ويجي للغرفة..

شفته غفى كمت بهدوء وجريت مخده خليتهه جوه راسه..رحت للهول دكيت رقم المره الي سويت عدهه العمل.. رجلي حيروح من ايدي واني شايله ابنه ببطني واحبه.. جاوبتني ..الو ..مرحبا خالة..شلونج..

ام علي : هلا بنتي..الحمد لله على الله..خيرج..
روان : گلت بگلبي..هم زين تعرفين الله..لا خالة بس كلت اريد اشوفج اذا ما عندج شي باجر الصبح..

ام علي : اي تعالي ما عندي شي..موجوده..
روان : ان شاء الله..مع السلامة..
سديته منهه ورحت للمطبخ سويت اكل للعشه..اني واسوي افكر شلون بعقيل اذا ما صار زين..سويت مخلمة وزلاطه..

جانت دنوة تسوي اكل..هسه انذبت براسي..يله المهم راحت وخلصت منهه..انوب مسويلهه بيت وحدهه ويروح يمهه بالليل..اوف يا ربي بس لا تصير حامل..شيفضج يا طلابه..

خليت الاكل بمواعين وصبيته بالديوانية..طلعت منه شويه لعقيل..يضوج من الكعده هناك.. صتحهم حتى يجون ياكلون وطلعت..