ثمرة الماضي

part 10

بسـواد اللـيل ..!
تتلملـم حمامات
ألحزن بيه..!
ومصابيح المدينه تموت
لــ مظفر النواب

نزلت للبيت مطفيه...مدا افتهم شديصير..
ضليت كاعده بالمطبخ...وره ساعه دخل ماجد..
مرعوب و وجهه مصوفر...جر كرسي و كعد جدامي..

- شبيك؟؟... موش على بعضك...

- دنوة..انتي لازم تعرفين كلشي صار وديصير...
لأن اني ما اكدر اسوي شي بعد..خلصت صلاحيتي...

- شنو يعني؟؟.. مفهمت...؟

- شوفي يابنت الناس...لكيتج بالدرب و ابتليت بلوه..
اني رجال اشتغل وي الارهابيين هذول...
الي طلعوا وره سقوط النظام..يصفون البعثية...
قبل ..بالـ ٩٩ ..تهددت من واحد بعثي..ان يكتلني..
لأن جنت معارض للحكم...و اسوي شغلات و دورات ضدهم..

بس بشكل سري..ما ادري شلون وصلت معلوماتي لواحد من جماعة الريس..و تهددت...
بوكتهه جنت طالع بشغله..لغير محافظة...

من رجعت ..شفت الصدمه الاكبر بحياتي..
الي خلتني بالفراش مريض ٣ شهور...
اجيت لكيت مرتي و بنتي مكتولات...
و مخلين عل ميز ظرف بي طلقه بدون شي ثاني..بس طلقه..

هذا الحجي اني حتى جنازتهم ما حضرتهه...
لأن تعرفين ..حتى اتصالات ماكو قبل..الا ما ندر..هسه هم قليل ..

تمرضت... كمت من مرضي ضليت ساكت...لا حجيت و لا كلت..

خفت يصير شي اقوى من هل شي..
ليش ما سقط النظام بالـ ٢٠٠٣؟؟..

بوكتهه عندي صديق يشتغل بالاستخبارات...
كال طلعت قائمه لاشخاص جانوا مساندين للحكم البعثي..

و اكو منهم جانوا ينطون اوامر حتى يكتلون الي ضد النظام...مثلي يعني..

اني جنت اشتغل بالجيش..ملازم...رحنه بمهمة لتطهير منطقه..

و عصينه هناك...كل الدوريه الاجت وياي انقتلوا..
ماكو اتصالات اخابر ...و اللاسلكي ولا قطره..ما يفيد..

ضليت محتجز عدهم..
هسه تكولين عد منو؟؟...
عد هذوله الاشتغل وياهم هسه..

تعذبت و انضربت..حتى اكو اثار زرگه ليهسه بظهري..
حتى اظافري قلعوهه..و شعري زينوه..شواربي و لحيتي...

بعدين وره فترة شهر...كدرت اتواصل وياهم بطريقه معينه...

و صرت وياهم..مثل مل تشوفين هسه..
يا ريتني مكتول ذاك اليوم ولا مبقيني عايش..
اما بالنسبة للبنات و شغلهن..اعتقد شغلهن صار واضح بالنسبه الج..

لأن اني سمعت كل شي من مريم..و شسوتلج..
كتلتهه و طيحت حظهه...

هسه تكولين شلون كدرت توصللهن؟؟..و شمدريك هن هيج..

هم قابل قبلوا يخلوني وياهم بدون شرط؟؟..لو مساعده..

جان الشرط اروح لملهى..و اشوف يا بنيه هناك تقبل تعوف الشغل..