ثمرة الماضي

part 33

     اشلون اوصفك ..
وانت كهرب ..
وآنه گمرة عيني دمعة ليل ظلمة ..
       اشلون اوصفك ..
وانت دفتر .. وانه چلمة ..
يلـّي ما جاسك فكر بالليل ..
وما جاسك سهر ..
يلـّي جرّة سمه بعينك ..
خاف افززها من اگلك ..
آنه احبك .. آنه احبك
مامش .. بمامش .. وللمامش
يا ميزان الذهب .. وادغش واحبك

ـــــــــــــــــــــــــــــــــــــــــــــــــــــــــــــــ

باجر احاجي يعني احاجي..لو مدري شيصير.. بعد يومين ويروح للواجب..ادور يروح وهو زعلان مني وماخذ بخاطره .. عفت كلشي وراي وغفيت..كعدت الصبح على صوت صگر

صگر : كومي احاجيج..
جر الغطى مني..عاينت وراه..اخلاص واكفة وعيونهه حمر مبينه باجية..انه ما نايمة زين منا ..ومنا اجه كعدني من يوكت جانت بالعشرة وشويه..شافني مدا اكوم صاح بيه..

صگر : مسمعتي لو شلووون..
دنوة : شكو شبيك خوفتني..شبيهه اخلاص..
شمر التلفون بحضني وصاح بوجهي..
صگر : هاي شنوووو..شمسويهههه..

كمت ارجف..اول مره اشوفه هج عصبي علي..كتله : شنو مدا افتهم احجي شبيك..

كمت من مكاني رحت بالزاوية..خفت منه..كام يصيح كلب الدنيا..انه كل هذا وما مفتهمه شديصير..لحدما حجى..

صگر : شلووون تخلين اخلاص تخابر هذاك السكييير.. لاااا وفوكاهه تخابري من تلفونج..هي هاي الثقه..

شال التلفون هطره بالكع..صار مية وصله..ضليت ساكتة محجيت..شريد احجي..ما اعرف شديصير..

صگر : متحجيييين..لا تفورين دمي..مو احاجييييج..
دنوة : والله ما اعرف شدتقصد..انه شعليه..
صگر : انتي بمكان ما توكفين وياهه وتقنعيهه تنسى هذاك السز..جاية تكليلهه ابقي وياه وصگر حيقتنع..

وانه اكوووول ليش لحيتي علي اكثر من مره..وفوك هذا كله مخابرته من تلفونج.. عرفه ولفه..هسة لو ما شايف المكالمات جان كلت جذب بس شفتهن بعيني..

كام يصيح واجة يمي عصبي نار..كمشني من تشيرتي وكاز على اسنانه..انه بعد معرفت شسوي من الحجي السمعته شجاب رقمه بتلفوني..شوكت صار كل هذا..

ادور صگر شيقنعه ما ادري..دموعي كامت تشرح حالة الخوف والتوتر الطبيت بيهه..خليت ايدي على وجهي ومكرفصة روحي اخاف يضربني..

صحت : لااا..الله عليك لا تضربني.. والله مسويت شي..وروح ابوي..جذب كلشي شفته جذب وداعتك.. تقرب مني وانفاسه سرييعه..كلت حيجيني راشدي..

صگر : حسابج بعدين..اعرف شلون اتصرف وياج..
عافني وراح على اخلاص..اخذهه وطلع سد الباب ورا او ركعهه بالأصح..هسة حتلو اريد اشوف الرقم التلفون تفلش مابي مجال بعد..ما اريد اضل كاعدة..خلاشوف شكو

طلعت من الغرفة وكفت يم الدرج من فوك..بحيث الصالة كلهه بينت وصگر واكف بنصهه يصيح ووجهه احمر من العصبية