في رقبتك ⛓️🧑🍼

في رقبتك...الفصل الاول

'الكلام باللغة العربية يعني ترجمة من لغة أخري '
الممرضة : ادفعي أكثر ايتها الطبيبة ارجوكي ادفعي
؟؟ : حبيبتي انا معاكي متخافيش كل حاجة هتكون كويسة ارجوكي متسيبيش ايدي
؟؟؟؟: ااااه مش قادرة ااااااه
..كانت تصرخ بكل ما لديها من الم وهي تحاول اخراج طفلها الذي دامت ولادته أكثر من ١٠ ساعات بسبب فقدانها للوعي بين الحين والآخر...وزوجها لم يترك يدها بتاتا وهو يحاول التحكم في دموع عينيه وهو يرى حبيبته في هذا الوضع وقلبه يؤلمه لسبب مجهول ...وكان كل ما يشغل باله.." يا تري اللي هي قالته هيتحقق؟؟"
وفجأة دوى صوت بكاء طفل صغير في جميع المستشفى..وابتسم كل من يقف خارجا ينتظر خروجهما سالمين ..ولكن من اول لحظة خروج للطفل..فقدت الام وعيها للمرة السابعة...ولكنها كانت الأخيرة
الطبيب : فلتأخذوا الطفل وتحمموه الان ..ارجوك سيدي اهدأ وأخرج الي الخارج ارجوك حتي نستطيع القيام بعملنا
؟؟: حبيبتي فوقي يا روحي ..فوقي ' يقبل يديها الاثنتين ' فوقي يا عمري شوفتي انتي ولدتي اهو وكل حاجة كويسة ..متسيبيش ايدي ..ابوس ايدك احنا ملناش غيرك ..
فقام الممرضين بإخراجه بالإكراه حتي يستطيعوا القيام بعملهم..وكلهم يبذلون جهدهم في إنقاذ صديقتهم الطبيبة المجتهدة المحبة للجميع..ولكن..فجأة حام الحزن في جميع أرجاء المستشفى..فقد توفت في نفس اللحظة التي أنجبت بها طفلها..كانت تحاول من أجله فقط..وقد كانت تعلم ما سيحل بها..فهي مريضة منذ البداية ...ولكنها أصرت علي هذا الحمل ..وانتهي الأمر بوفاتها مقابل حياة طفلها...
' بعد مرور ٢٣ سنة '
في حى من أحياء مدينة القاهرة المتميزة المعروفة باحتوائها علي كل صغيرة وكبيرة.. في أحد الأماكن المعمورة وفي منزل لا يقال عنه بسيط ولكنه ليس بالكبير ..
زهرة بمزاح : ايه يا حبيبي مش ناوي تقوم من علي رجلي بقي راسك ثقيلة
‏زين : سيبيني بقي ..دي اللحظات الوحيدة اللي بعرف اشوفك فيها...
‏زهرة بابتسامة دافئة: عارفه يا حبيبي بس الوقت خلاص المفروض تقوم تصحي بنتك وتجهز حاجتك عشان تنزل الشغل ولا عايز البت تتأخر علي المحاضرة تاني ويتعملها مشكلة؟
‏زين بضيق : اوف طيب اديني قومت
‏' في الغرفة المجاورة '
‏تنزل من علي سريرها بكسل ثم تذهب الي مكان ما في الغرفة
‏ملك وهي تقبل والدتها : صباح الفل علي ست الكل
‏ولكنها لم تسمع الجواب كالعادة..لتضع الصورة التي بيدها علي المكتب وتتنهد بتعب
‏زين وهو يطرق الباب : ملك حبيبتي صحيتي ؟
‏ملك : ايوة يا بابي اتفضل ادخل ..
‏دخل زين فوجدها تقف بجانب صورة والدتها والحزن بادي علي عينها..ولكنه لم يذكر الموضوع حتي لا يحرجها..
‏زين بحنان : يلا يا لوكة عشان متتأخريش علي المحاضرة والدكتور ' ضحك عندما تذكر قولها ' ابن الرزلة ده يكلمك
‏..انا هروح احضر الفطار وانتي البسي وتعاليلي عشان نفطر سوا
‏ملك : لا يا بابي حضرتك اقعد ارتاح وانا هحضره
‏زين وهو يربت علي رأسها: متشغليش بالك يا حبيبتي روحي انتي بس اجهزي وانا هعمله..وبعدين ايه ده انتي فاكرة ابوكي عجز ولا ايه ولا يا حبيبتي أنا أه ماشي في الخمسينات بس انا لسه شباب واجمد من اي شباب
‏ملك وهي تضحك : ربنا يخليك شباب دائما يا حبيبي هو حد يقدر يقول غير كده وميحرمنيش منك اببداا يا سيد الكل وبرنس الليالي وقمر القمرات كلها
‏زين : طيب يا بكاشة روحي يلا اجهزي وانا هروح المطبخ
‏.....
‏زين بيأس : وبعدين فيكي يا ملك كل أحد كده هتتأخري علي نفس المحاضرة كل مرة..الدكتور بتاعها بيعديلك كثير مش بعيد يعملك مشكلة بعد كده يا بابا
ملك بملل : يا بابي حضرتك عارف اني بسهر يوم السبت عشان كده بتأخر وبصراحة بقي انا لو عليا مش هروح اصلا محاضرة الدكتور ابن الرزلة ده مبحبوش وشايف نفسه علينا وهو حيالله معيد انا بس لولا حضرتك اللي بتخليني اروح مش هروح دلوقتي..
..زين تنهد وهو يفكر في ابنته العنيدة هذه
زين : طيب يلا عشان اوصلك في طريقي
ملك تحركت من مكانها واخذت حقيبتها وذهبت عند والدها وقبلت يده ورأسه ونظرت في عينيه
ملك : لا يا بابي خليك انت افطر وانا هنزل حضرتك لسه بدري علي الشغل بتاعك انا هركب تاكسي وخلاص يلا يا حبيبي سلام
لم تترك له فرصة ليرد عليها وخرجت ..ثم اسندت بظهرها علي باب المنزل وهي تتذكر عين والدها المتعبة
ملك : ياه يا بابا عدى كل السنين دي ..ولسه بتعيط عليها كل ليلة..
....دخل زين غرفته وقام بتغير ملابسه ثم اخرج هاتفه وتحدث
؟؟؟: جرا ايه يا عم افتح الكاميرا بقالي كتير مشوفتش خلقتك
زين : بص انا مش فاضيلك
؟؟؟ : يا عم بطل رخامة بقي يعني انت اللي متصل وبتقول كده
زين : اووف طيب..
؟؟؟ : زين !! انت برضو كنت بتعيط امبارح.
زين : مكنتش بعيط ولا حاجة ريح دماغك وخلينا نتكلم في المهم ..
....
كانت تجري في طرقات الجامعة وهي تنزع نظارتها الشمسية التي تغطي عينيها الخضراء التي تميل للزرقة كعين والدها ولكنها اغمق..وترتدي حجابها الذي يغطي شعرها البني الطويل والناعم كالحرير كشعر والدتها ببشرتها التي تميل إلى ان تكون بيضاء كوالدها قليلا ..وتقتحم القاعة وهي تنهج من التعب ..وتتذكر ذلك الطبيب الذي تكرهه كثيرا ..وهو طبيب في التاسع والعشرين من عمره ذو ملامح عربية اصيلة..عيون بنية حادة وشعر بني ناعم يصل لأسفل اذنيه وبشرة حنطية ناعمة..
دكتور اسلام : اهلا اهلا بالدكتور المتأخرة كل مرة عن المحاضرة..ممكن افهم سبب تأخرك اية يا دكتورة ؟؟ 
ملك بضيق تحاول اخفائه : سوري يا دكتور المواصلات كانت وحشة ...
دكتور اسلام : المواصلات وحشة عندك انتي بس ولا اية
ملك : ......
دكتور اسلام بتنهيده بيسطة : ادخلي
قامت ملك بهز رأسها ثم صعدت المدرجات وجلست بجانب صديقتها اماني ..ذات العيون السوداء الواسعة والشعر الاسود الطويل وبه بعض التموجات تغطيه بحجابها الطويل ..وبشرتها البيضاء التي يتخللها حمار خديها الممتلئين
أماني: جرا ايه يا ملك
ملك : اية!
أماني: مش بتطيقي الدكتور كده ليه والله ده عسول اوي
ملك : دي خيبتك
أماني: انتي غبية اوي والله
ملك وهي تنظر امامها : بقولك إيه انا مبحبوش كده لله في لله..انتي حره بقي في مشاعرك اطلعي من دماغي
كانت اماني ستتحدث لولا أن قاطعها صوته
دكتور اسلام: دكتور أماني اتفضلي اقفي..ممكن اعرف انا كنت بقول ايه
أماني لم تتحدث لانها لم تكن تستمع اليه ..
دكتور اسلام وهو يحاول التحكم في غضبه : دكتور ملك ممكن تقوليلي كنت بقول إيه..
ملك نظرت له بتحدي ثم قالت له كل ما كان يشرحه ..فنظرت لها أماني بصدمة
دكتور اسلام : اتفضلوا اقعدوا ومش عايز صوت بعد كده في المحاضرة مش عايزين تحضروا تقدروا تتفضلوا محدش جابركم علي الحضور
أماني: يا كلبة ازاي كنتي مركزة واحنا بنتكلم
ملك : انتي اللي حمارة الدكتور كاتب كل حاجة علي الشاشة قدامك مع كلمتين سمعتهم كل حاجة تحت السيطرة
....
كانت تمشي مع صديقتها في وقت الاستراحة وتوقفت عندما قام ذلك الفتى بندائها
آسر : ملك ..ملك استني عايز اتكلم معاكي
آسر هو شاب طويل القامة ذو عيون بنية وشعر اسود قصير يدرس الي كلية الهندسة بجوار كلية الطب التي تدرس بها ملك
نظرت اليه ملك وانظرت ان يأتي عندهم
ملك : نعم يا آسر اتفضل
أماني: طيب استأذن انا لما تخلصي كلام عارفه هتلاقيني فين يا ملك..
ملك : خليكي يا أماني مفيش حاجة نتكلم فيها اصلا ..
آسر : معلش يا أماني سيبينا
ملك وهي تمسك بيد أماني: أماني مش هتمشي من هنا..وبعدين انا قلت مفيش حاجة نتكلم فيها انا وانت يا بشمهندس..قلتلك عايزنا نرتبط هتجيب اهلك وتيجي تتقدملي .. المفروض انك بتحبني يعني انت اللي تخاف عليا ومترضاش عليا حاجة غلط عشان ربنا يبارك لينا..
آسر : ملك مش هنتكلم قدام حد غريب
ملك : أماني مش حد غريب ومفيش حاجة تستخبى ده اللي عندي.
كانت ستغادر ولكنه قاطعها وقال
آسر : يا ملك باباكي عارف اني بحبك وانتي بتحبيني ايه المشكله لما نرتبط ونتعرف علي بعض شوية وبعدين هاجي اخطبك ..مفيش حاجة غلط
ملك : شوف يا آسر .. انا لما بقولك تيجي تخطبني مش معناه اني بديلك الصلاحية انك تقرب مني او كل ده .. ده بس عشان يبقي في ما بينا علاقة رسمية..وشوف انا حتي او بحبك وبموت فيك ..بس شوفت في عينيك نظرة كده ولا كده او انك مش خايف عليا..اقدر اتخلى عنك في ثواني..عن اذنك ...
آسر بضيق : شكلك هتخليني اخد الطريق الصعب يا ملك بس مش مهم كله يهون قدام عنيكي
...
أماني: يا ملك مكنش يصح تتكلمي كده معاه وانا واقفة هو ميقصدش حاجة هو بيحبك وعايزك بس يمكن ظروفه الفتره دي مثلا متسمحش أنه يجي يطلب ايدك
ملك : بس يا أماني اسكتي بالله عليكي.. انا مش عارفه انتي هتفضلي طيبة كده لحد امتي ..
....
كانت ملك تخرج من الجامعة ولكنها توقفت للحظة عندما وجدته ينتظرها ..ثم تابعت طريقها دون النظر اليه
آسر : باباكي فاضي اجيلكم امتي
ملك بصدمة وهي تنظر اليه : انت بتتكلم جد يا آسر ؟
آسر وهو يقترب منها قليلا ليضع بينهما بعض الحدود : وجد الجد كمان يا روح آسر
ملك : اتلم ..
آسر : انا هعمل كده عشان تعرفي بس اني عايزك بجد ومش بتسلى بيكي..بس انا الفترة دي انتي..يعني .. عارفه وكدة..
ملك: متشغلش بالك احنا مش مستعجلين
آسر : هجيبلك شبكة طبعا ودبلتك بس علي قد حالي شوية كده
ملك بإبتسامة: هتلاقي رقم بابا في اتحاد الطلبة
ثم اسرعت بخطواتها ووجها يشتعل حمارا..فلم تتوقع ان يكون رد فعله سريعا هكذا ..ولكنها كانت سعيدة..
....
صعدت الي البيت واخرجت المفتاح ثم دخلت الي المنزل والقت السلام..ولكن لم يصلها الرد ةهذا يعني ان والدها لم يأتي بعد من عمله ..فقامت بتغير ثيابها ودلفت الي المطبخ حتي تقوم بتحضير الطعام .
وبعد مرور ساعتين
زين : السلام عليكم
ملك : وعليكم السلام يا ابي حمد لله على السلامه
زين : الله يسلمك يا حبيبتي..جيتي امتي
ملك : مفيش من ساعتين كده
زين : امال ايه الريحة الحلوة دي
ملك : عملالك شوية مكرونة بالبشاميل هتاكل صوابعك وراهم
..ضحك زين وهو يتذكر حبيبته ونور عينه فقد كانت تعلم بأنه يحب هذه الأكلة كثيرا او انه احبها علي يدها ايهما اقرب ..
__ زهرة : عملالك شوية مكرونة بالبشاميل هتاكل صوابعك وراهم
زين بهدوء : مش بحبها
زهرة : ايه!!! بعد ما عملتها بتقولي كده ..لا معلش دوقها الاول ارجوك
نظر في عمق عينيها وتنهد بيأس وتناولها وكانت المفاجأة انها اعجبته بالفعل..كان هذا بعد زواجهم بأسبوع فقط ___
ملك : بابي ..بابي..
زين : هاه؟؟
ملك : مالك سرحت في ايه يا حبيبي انت كويس؟
زين : اه يا حبيبتي كويس كنت بفتكر...متشغليش بالك يلا بقي بسرعة عشان انا جعان موتتت ..وكمان تعالي عشان محتاج اتكلم معاكي في موضوع مهم
ملك : حاضر
قاما بتجهيز الطاولة معا وجلسا ليتناولا الطعام كالعادة هما فقط..
زين : تسلم ايدك يا لوكة
ملك : الله يسلمك يا بابي بالهنا والشفا..حضرتك كنت عايز تكلمني في ايه صح
زين : آسر كلمني.
سقط الطعام من فم ملك وقالت: هاه!! ك..كلمك امتي
زين وهو يأكل بهدوء : من ساعة كده وانا في الشغل..
ملك : و؟
زين : كان بيسألني فاضي امتي عشان يجي يقابلني ويطلب ايدك
ملك: وحضرتك قلتله ايه
زين : قلتله هبقي ارد عليك ان شاء الله
ملك : ......
زين : انتي عارفه رأيي ايه فيه مش كده
ملك : يا بابي والله هو كويس وبيحبني
زين : بصي يا ملك ..انا هقابله عشانك ..وهنلبس دبل ..ولكن هتعرفي في يوم اني كنت صح..وان الواد ده مش كويس
ملك: متظلموش يا بابي ..ما هو جاي يتقدملي اهو وهتكون حاجة رسمية ..وبعدين يا بابي حضرتك مش واثق فيا ولا ايه ؟؟
زين : واثق فيكي وفي تربيتي كويس يا ملك..ولكن مش واثق فيه هو ..ما علينا انا هوافق علي المقابلة دي وهسيبلك الرأي عشان تتعلمي بس ومتقوليش بابا جبرني علي حاجة..
ملك بزعل: ما انا مش عايزة حضرتك متبقاش راضي عني .
زين بحنان وهو يقترب منها ويضمها لصدره : انا مبقاش راضي عنك ؟؟! ليه اتهبلت ..متخافيش يا روح بابي انا راضي عنك دايما ..وحتي لو غلطتي انا هفضل سندك وظهرك يا روح بابا هو انا ليا غيرك يا ملك
ملك : ربنا يخليك ليا يا حبيبي
زين : طيب يلا نكمل اكل بقي عشان انا جعان موتت
ملك : بالهنا والشفا
....
مر الأسبوع بدون احداث تذكر الى ان جاء اليوم الذي تنتظره كل فتاة عاشقة  ..
يوم الجمعة..في سيارة والد ملك ..زين
ملك : يا بابي انا مش فاهمة كانت هتبقي ايه المشكلة لو جم قابلونا في البيت ..ليه نروح عند تيتا مش فاهمة..
زين : ملك سيبيني انا مرتاح كده ..هو مش انتي بتثقي في خالك هشام ....يمكن تبقي بتثقي في رأيه أكثر مني ..عشان كده عايزه يكون موجود في القاعدة
ملك : لا طبعا يا بابي انا مش بثق في حد.اكثر من حضرتك.. انا بحب خالو وبحبه اوي كمان هو اللي معايا من صغري ..بس مش فاهمة وجهة نظر حضرتك من الموضوع ده ..بس مش مشكلة خلاص..اللي يريحك يا أبي...
....
يتبع ❤️
...
اول مره اكتب علي الواتباد ..اتمني تتخطوا الأخطاء ❤️