ملك : عارفة ..وانت هتستلم المهمة دي
براء : نعم؟؟ عايزة تقتلي ابوكي ؟
ملك بابتسامة: ايه مش هتقدر تقتل الراجل اللي اتسبب في موت ابوك؟
براء بضيق: انتي بتقولي ايه يا ملك..
ملك بتنهد : تعالى يا براء نتكلم في مكان تاني بلاش هنا..هستناك في المكان ده ..
...
قادت ملك سيارتها نحو المكان الذي اخبرت براء عنه.. وعندما وصلت كان يبدو كمكتب مغلق ..اقتربت منه وفتحته .. اهو احدى املاك والدتها مجددا؟
...
براء : ادينا لوحدنا..اتكلمي ناوية علي ايه
ملك بهدوء : اقعد طيب ..
براء : علي فكرة انتي بتستفزيني يا ملك..وانا صبري ليه حدود
ملك : مش عارفة مالك عصبي كده ليه بس انا شايفة انك مش بتكره آل زين زي ما بتدعي ..
براء : قصدك ايه؟
ملك بتنهد : مش قصدي يا براء .. عامة عايز تعرف خطتي اقعد
جلس براء ونظر لها لتتحدث
ملك : عايزاك تطلب من آرثر انك اللي تقتل بابا..
براء : ازاي يعني انتي عايزة تقتلي ابوكي بجد؟
ملك : هو انت مش بتسمع ليه؟
براء : ها..
ملك : انت اللي هتروح ..ويكون يوم الحفلة. .
....مر اسبوعين بسرعة ..ولقاءات ملك وبراء استمرت يوميا للتخطيط لانتقامهم المشترك..وقبل الحفل بيوم..
براء : هيقتلوكي بكرة يا ملك متروحيش الحفلة
ملك بضيق : الكلب..عايز يقتل بابا ويقتلني ومش هيتبقاله إياد بس
براء : طب وانتي عايزاني اسيبك ازاي بكرة ..
ملك بابتسامة: مش معقول قلقان عليا؟
براء بضيق: اسكتي يا بت
ضحكت ملك وقالت: متقلقش عليا ...المهم تنفذ اللي قولته ..
براء: يعني مقلقش ازاي يعني ؟ بتفكري في ايه قوليلي طيب ..لو مقولتيش مش هسافر
ملك : اكيد مش هسيب نفسي اموت يا براء وانا لسه منتقمتش ..معايا بدلة مضادة للرصاص
براء : طب ورأسك ؟
ملك بانتصار : انت نسيت اني محجبة ولا ايه..
براء : بس انا مش مرتاح..
ملك : انت متأكد ان بابا هيبقى علي تواصل مع دكتور يحيى بكرة صح..
براء : اكيد..باباكي دايما بيبقى علي تواصل معاهم في المناسبات دي صوت وصورة ..
ملك : حلو اوي..وطيارتك امتى؟
براء : بعد ٣ ساعات..
ملك : ده مفتاح البيت
امسك براء منها المفتاح ونظر لها قليلا ثم اومأ لها
براء : خدي بالك من نفسك..الخطة معتمدة علي كدة..مش موضوع اني قلقان عليكي
ملك بابتسامة: وانت كمان..متخليش الرجالة اللي معاك يكشوفنا..مش عايزين الخطة تفشل ..
...
يحيى : موصلتش لحاجة عن ملك ؟
زين بتعب : لا
يحيى بقلق : زين انت بتنام؟
زين : انت شايف ايه يا يحيى..
يحيى بحزن : انا مقدر اللي انت فيه بس لازم تنام يا زين كده هتفقد عقلك..
زين بغصة : البيت باهت اوي من غيرها ..وحشتني..مش عارف هو انا موحشتهاش..طب اسمع صوتها بس اتطمن عليها هي كويسة بتاكل ولا لا.
نظر يحيى لصديقه بحزن عبر الهاتف وقال : هترجع يا زين انا متأكد..
زين : يا رب..
يحيى : زين
زين : نعم
يحيى : خد الادوية بتاعتك تاني..
زين بملل : اشمعنى
يحيى : انت مش بتنام ..وعدم النوم ده__
زين : ايه خايف ارجع اتهبل وافكر انتحر تاني ولا ايه
يحيى :...
تنهد زين وقال : متخافش يا يحيى..مش هفكر انتحر ولا حاجة..راجل في سني مش هيفكر بالطريقة دي..اللي جاي مش اكثر من اللي راح يعني..
يحيى : عارف ..بس لازم تنام فخد الأدوية مش هتضر
زين : هشوف يا يحيى..هشوف..المهم الحفلة امتى
يحيى : الساعة ١٠ بالليل بكرة.. هبقى علي تواصل معاك ان شاء الله
زين : حد جاي معاك؟
يحيى : سارة..وكلمت أنس..قلتله ييجي..احتمال يجي لانه بيقول إياد وحشه ..
زين : طيب..تصبح علي خير
يحيى بحزن : وانت من اهل الخير يا زين ..خد بالك من نفسك
زين : وانت كمان..
..اغلق يحيى الهاتف وتنهد بحزن وقال : انتي فين يا ملك انتي فين يا بنتي..ازاي تختفي كده ..انتي مش عارفة ان ابوكي ملوش غيرك في الدنيا....
..استلقى زين علي سرير ملك ..فهو يذهب لغرفتها كلما ضاق صدره ..واوقات يزوره النوم لبعض الوقت ولكنه لا يكمل الساعة حتى..امسك بصورتها وسقطت دموعه علي وسادتها وهو يقول بقهر : انا اسف يا ملك..ارجعي وانا عمري ما هخبي عليكي حاجة تاني..ارجعيلي يا بنتي مليش غيرك والله..لو بتعاقبيني..فأنتي نجحتي وبامتياز كمان..كفاية عذاب بقى وارجعي لحضني وطمنيني عليكي يا ملك..
...
تضع سماعتها في اذنها وهي تستمع لصوت والدها من احد رسائله القديمة..فقد احترق صدرها هي الأخرى شوقا له..ولكنه من اجنى علي نفسه بما فعله..وهو يعلم..انها عندما تبدأ في أمر..لا تتراجع إلا عندما تحققه او ان تسقط ميتة..هذه هي ..
...
مرت تلك الليلة كالسنوات علي الجميع..فملك تشتاق للقائهم غدا وتشتاق لشعور الانتصار عندما ترى وجوههم.. إياد كالعادة لا ينام بسبب كوابيسه التي تلاحقه منذ الماضي..يشاركه زين في همه.. وبراء الذي يركب طائرته متجهها الي القاهرة لتنفيذ مهمته الجديدة...
اشرقت شمس صباح اليوم الذي ستتغير فيه مقاييس كل شئ..
..
ملك : الو وصلت؟
براء : وصلت اكيد..وقابلت الرجالة..
ملك : ماشي مش عايزين ولا غلطة..
براء : وانتي كمان
ملك : متقلقش..انا بجهز عشان اروح للزفت اللي اسمه آرثر
براء بضحك: منافقة
ملك : مش اكثر منكم..هقفل سلام..
ارتدت ملك احد فساتين والدتها ..وقد كان فستان فخم يليق بسيدة في مقامها..ولكنه بسيط جدا بدون تكلف..
أنت تقرأ
في رقبتك ⛓️🧑🍼
Mistero / Thriller... مكتملة... ..ماذا ستفعل حين تجد نفسك تفقد كل شئ من حولك تدريجياً..حينها ستتعلق في اخر خيط أمل موجود في هذه الحياة....تحاول الحفاظ علي آخر قطرة خير داخلك ..وان لا تفقد نفسك..وتقاتل ..تقاتل جاهداً في هذه الحياة ...وان كانت معركة محسومة مسبقا ..فستق...
