في رقبتك ⛓️🧑🍼

في رقبتك الفصل الثاني

..وصلت السيارة امام فيلا متوسطة في الحجم..خرج كلا من زين وملك من السيارة وصعدوا السلالم ..وهنا طرقت ملك طرقات خفيفة علي باب المنزل ..فخرجت سيدة كبيرة في السن تستند علي عصاها وهي تبتسم بكل حب وحنان كأسمها ..
حنان : ملك ..حبيبة تيتا وحشتيني يا حبيبتي..ينفع كده كل دي غيبة عليا يا وحشة...
ملك: معلش يا تيتا والله اسفة انتي عارفه بقي الكلية كلها عملي وصعبة وهبدا انزل المستشفى السنة دي ..ادعيلي بقي
زين : طيب وايه بقي انا مليش في الطيب نصيب ولا ايه ..
قاطعهم خروج رجل يبدو في عقده الثالث طويل القامة و شعر بني ناعم وعيون عسلية وهو يعمل ظابط في الجنائيات ..
هشام : نسيبيي واحشني يا عم
زين : ازيك يا هشام عامل ايه
حنان : ازيك يا زين يا ابني معلش لما شوفت ملك سهيت اتفضلوا ادخلوا يلا
زين : ولا تشغلي بالك يا ماما ( حماته )
ضم زين ملك ناحيته ووضع ذراعة علي كتفها ودخلوا الي المنزل
زين : اخبار صحتك ايه يا ماما ..
حنان : بخير يا حبيبي الحمد لله انتم عاملين ايه والاروبة دي عاملة ايه معاك
زين بابتسامة: مجنناني والله يا ماما طالعة لخالها
هشام : لوكة دي حبيبتي انا وبس محدش ليه دعوة بيها ماشي..
ملك بنظرة انتصار : ايوة انا بتاعة خالو وبس ..
...اللا صحيح يا تيتا هي خالتو رقية مش هنا؟
حنان : لا موجودة يا حبيبتي جوا في المطبخ هي بس متعرفش انكم جيتوا اطلعيلها
ملك : اوووك
....
دخلت ملك الي المطبخ بكل هدوء وهي بتنظر الي خالتها التي تقف وتركز بما في يديها جيدا ..فهي تعد بعد الاطباق من اجل الضيوف وتنتظر ابنة اختها الصغيرة الحبيبة...
ملك : بخخ
صرخت رقية بفزع وسقطت السكينة من يدها..وصل لصوتها لمن يجلسون بالخارج فضحكوا كثيرا..
رقية : اقول فيكي ايه يا ...ملك!! ..
ملك بضحك : ازيك يا خالتو
رقية بسعادة وهي تضمها : وحشتيني يا بت اختي وحشتيني
ملك : وانتي كمان وحشتيني يا خالتو اوي ..
رقية وهي تنظر لوجه ملك وتحاول التدقيق فيه : عاملة ايه ..صحتك عاملة ايه ؟؟
ملك : الحمد لله يا خالتو كل حاجة كويسة المهم انتي عاملة ايه وعمو احمد وياسين ونهى عاملين اية ..مجوش معاكي ليه
رقية : احمد في مسافر يا حبيبتي وبيسلم عليكي كتير ..وياسين هيخرج مع خطبيبته انهاردة فمش فاضيلنا بقي ..ونهى وراها شوية حاجات في البيت قالت هتخلص وتيجي علي طول ان شاء الله ..
ملك: ربنا معاهم يا رب ...
رقية : المهم عروستنا الحلوة بقي جاهزة ..
ملك بخجل : لسه بدري علي الكلمة دي يا خالتو انا لسه صغيرة
رقية : صغيرة اه...يلا يا هبلة ..يلا ساعديني نخلص الحاجات دي قبل ما الناس يجيوا
رقية هي اخت والدة ملك الكبيرة تبلغ من العمر ٥٥ عاما تملك شعرا اسود قصير وناعم تتغلغله بعض الخصلات البيضاء وبشرتها القمحية بها بعض التخاعيد ..ذات عيون سوداء متزوجة من ' احمد ' وهو محاسب يعمل في احد الشركات المعروفة وتمتلك منه ابنها ياسين ذو ال٢٨ عاما الذي تخرج من كلية الحاسبات ونهى ذات ال٢٥ المتخرجة من كلية سياسة واقتصاد..
.....
هشام : ايه يا نسيبي عامل ايه بقي في الدنيا
زين : الحمد لله وانت اخبارك ايه وزوجتك والاولاد عاملين ايه مجوش ليه معاك كنا عايزين نشوفهم ..
هشام بتأفف : والله كان نفسهم يجوا بس الواد محمد تعبان شوية فأمه فضلت معاه ومصطفي شبط في اخوه كالعاده يعني
زين بضحك : ربنا يخليهم ليك يا رب ويبارك فيهم ..
هشام : امين يا رب ويباركلك في ملك وتشوفها احلي عروسة ان شاء الله
زين بشرود : امين..
هشام : خير بقي..انت اكيد مش جاي هنا عشان تشاركنا اللحظة ولا حاجة
زين : معاك حق يا سيادة الرائد ...الواد اللي جاي لملك ده هي بتحبه ومصممة انه بيحبها بس انا مش واثق فيه
هشام : ويا ترى عدم الثقة ده..بسبب عقدة الثقة اللي عندك ولا في حاجة تانية
زين : عشان كده انا جيت ..عشان انت تشوفه وتقولي رأيك..عامة ملك هتوافق عليه في كل الحالات ..بس انا بس عايز اخلي بالي منها..لو هو وحش مسيرها هتسيبه
.بس انا عايزها تخرج بأقل خسارة..انا لو عليا مش هجوزها لحد اصلا ...بس..بس..هي..حقها تتجوز وتعيش حياتها..مش عايز اخنقها واكرهها فيا..كفاية عليها انها عاشت من غير ام
هشام : متقلقش يا زين ' يربت على كتفه ' ملك عاقلة وواعية كويس ..متنساش انها بنتك انت واختي زهرة الله يرحمها
لمعت عيون زين عندما تذكرها ..تلك التي اذابت الثلج الذي كان يحيط قلبه ..بدفئها وبرائتها..بصبرها عليه طويلا...وعلي حياته البائسة..علقته بها...ثم تركته يواجه العالم وحيدا هو وابنته..تركتهم وكأنها علقت حبلا حول رقبته ..تركته كل يوم وحيدا بدونها ..ينتظر ظهور طيفها في أحلامه.. ينتظر رؤية ابتسامتها التي تشفي ألمه...يدعو كل يوم ان يذهب إليها سريعا .. وما يمنعه سوا ابنته التي ليس لها الا هو ...
زين وهو يتصنع الثبات : ربنا يرحمها ويرحم جميع موتانا يا رب
هشام بحزن : امين ..
....
مر بعض الوقت وحان موعد اللقاء...قام زين وهشام باستقبال الضيوف وكانوا عبارة عن آسر ووالدته ووالده فقط .
زين : ازيك يا بشمهندش
آسر ازاي حضرتك يا عمي ..اعرفك ده بابا ودي الست والدتي ..ده والد ملك يا ماما وبابا..
هشام : انا الرائد عشام ..خال ملك ..اتفضلوا نورتونا
.....
والدة آسر : امال عروستنا الحلوة فين
حنان : علي طول هتيجي اهي
زين : وانت بقي يا آسر ...ايه امكانياتك
آسر : انا لسة بدرس في كلية هندسة يا عمي زس ما حضرتك عارف..هتخرح السنة دي ان شاء الله ..مقدم علي شقة ..وعلي ما ملك ان شاء الله تتخرج هتكون اموري اتظبطت ان شاء الله
زين : هممم ..هنشوف المواضيع دي بعدين
هشام : تعالي يا دكتورة يلا ادخلي ..
والدة آسر : ماشاءالله ماشاءالله ايه القمر دة كله لا طلعت شاطرة يالا يا آسر تعالي يا حبيبتي اقعدي جنبي
وبعد القليل من الحديث..
والد آسر : ايه مش هنسيب العرسان شوية لوحدهم ولا ايه
زين بضيق : ايوة طبعا...اتفضلوا معايا ..
خرج الجميع من غرفة الضيوف وتركوا الباب مفتوح وبالداخل ملك وآسر وفي الخارج يجلس زين وهشام بحيث يرون ملك ..
آسر : ازيك
ملك بتوتر : الحمد لله..وانت اخبارك ايه.
آسر : بقيت بخير اول ما شوفتك ...
ملك : ....
آسر : ايه مش هتتكلمي. المفروض البنت بتبقي مجهزة لستة أسئلة عشان تسألها صح ولا ايه
ملك : اه اكيد وانت معندكش اسئلة؟
آسر : مش محتاج اسأل عن حاجة انا عايزك زي ما انتي اتفضلي انتي
.....
مر الوقت وملك قامت بألقاء اسئلتها التي أجابها آسر بكل هدوء وكأنه يعلم ما تريده ملك انا يجاوب فقام به...
حنان : نورتيني يا حبيبتي والله شرف ليا اني اقابلك
والدة آسر : الشرف ليا يا حبيبتي...هو انتي ام العروسة؟؟
حنان : لا انا جدتها ..ودي خالتها رقية
رقية : اهلا بحضرتك
والدة آسر : اهلا اهلا..امال امها فين ؟؟
حنان باستغراب: هو البشمهندس مقالكيش ولا ايه ..ملك والدتها متوفية
والدة آسر بشهقة : ميتة؟؟ يا عيني عليا ..
حنان : مش فاهمة عايزة تقولي ايه
والدة آسر : لا ولا حاجه هقول اية ربنا يرحمها ... انا كنت فاكرة انها هتبقي متربية ازاي تعامل حماتها وتاج راسها زي ما بتعامل امها ولا لا ..بس يلا
رقية بغضب مكبوت : جرا ايه حضرتك..ايه علاقة اللي بتقوليه ده بأن مامتها متوفية مش فاهمة..وبعدين ملك متربية احسن تربية وفي احسن بيت ..وعارفة كويس اوي تعامل كل واحد ازاي..باللي يستحقه..وبعدين ابن حضرتك ما هو عارف الكلام ده كله والمفروض انك عارفة وبعدين انا مش شايفة الموضوع معيب اصلا ان مامتها ميتة..لو مش عاجب
قاطعتها والدتها بنظرتها..فسكتت
حنان بهدوء كبير : الرباية عمرها ما كانت بمين اللي عايش ..ياما ناس محرومين ومتربين احسن تربية..والعكس صحيح...
سكتت والدة آسر عندما شعرك بأن الجو اصبح غريبا وانها السبب بلا نقاش في هذه المناقشة الحادة ...
مر بعض الوقت وانتهت المقابلة برضا كلا الطرفين..ولكن حفاظا علي كرامة ملك..لم يجبهم زين ..
زين : نورتونا ..ان شاء الله يومين وهتصل عليك اعرفك قرارنا ايه أن شاء الله..
آسر : تمام يا عمي هستنى مكالمة حضرتك...عن اذنكم
امتعض وجه زين من كلمة عمي التي لا يتوقف الشخص القابع أمامه عن قولها...لا يريد ان يتخيل انه سيسلم ابنته لرجل غيره ..لا ..هذه الفكره غير مقبولة تماماً
زين : اتفضل...
....
هشام : ها يا ملك ..رأيك ايه
زين بضيق : ما انا عارف رأيها من البداية
رقية : ايوة يا بشمهندس بس مهما كان يمكن في حاجات هتحتاج تفكر فيها
ملك كانت تشعر بالضيق في ملامح والدها..وهي حقا لا تعلم سبب كرهه الشديد للمدعو آسر كمان يقول ... ولكنها اسندت الأمر الي تعلق والدها الشديد بها..فهي من له في هذا الكون الفسيح ..وكذلك هو بالنسبة لها...ولكن بطبيعة الحال..سيأتي يوم الفراق حتما...لذا يجب ان يتقبل الحقيقة ..
ملك : اه طبعا يا بابي هفكر وهستخير ربنا الأول..
حنان بدفء : ربنا يقدملك اللي فيه الخير يا حبيبتي قادر يا كريم..ويوقفلك في طريقك دايما ولاد الحلال يا رب ..ويبعد عنك كل مسيئ وكل ظالم وكل حاجة وحشة يا رب..وما اشوف فيكي ولا في ابوكي حاجة وحشة ابدا ويعوضك خير يا عمري عن اللي شوفتيه ..
ادمعت عيون ملك بسبب كلام جدتها..فهي تعلما انها تقصد ان يعوضها الله عن فراق امها ..كما انها تأثرت كثيرا بدعائها
اختضنت ملك حنان ..ملك : ربنا ما يحرمني منك ابدا يا ست الكل ولا من دعائك الحلو ده..عسل .. عسل يا ناس بتنزل عسل في كلامها..ايه الحلاوة دي كلها بس.
رقية بضحكة يتخللها الحزن : يخربيت بكاشتك يا شيخة ملكيش حل..طالعالها..ده اللي خلف مماتش بصحيح..
ملك : جرا ايه يا ست رورو..انتي غيرانة عشان بعاكس تيتا القمر دي وانتي لا...ولا تزعلي يا احلي خالة في الدنيا انتي..عيون الماس..ضحكة بملايين.. وحاجات كده ايهه لا تقدر بثمن..
ضحكت رقية بقوة علي اسلوب ملك ..فهي حين تندمج مع احد تصبح تماما كوالدتها ..اما في الخارج فهي تبدو حادة كوالدها تماما..
هشام : طب وانا ايه يعني..مليش في الحلو نصيب
زين : بس يا عم..يلا يا ملك بقي عشان نروح ولا ايه .
حنان : ليه يا ابني كده ما تباتوا ..
ملك : لا لا يا تيتا نبات ايه ..معلش مرة تانية انا لازم اروح ورايا مشاريع وبكره عندي تدريب في المستشفى انتي عارفه اني في تدريب وبضطر انزل كتير ..
حنان : طيب يا حبيبتي ربنا معاكي هستناكي ها ..متتأخريش عليا بتوحشيني ..
قبلتها ملك وقالت : حاضر يا حبي ..خالتو حضرتك هتروحي؟ لو هتروحي تعالي معانا نوصلك في طريقنا
هشام : لا لا توكلوا انتم علي الله عشان متتأخروش وانا هوصلها في طريقي
ملك : لا يا خالو هنوصلها احنا عشان بالمرة اسلم علي نهى اصلها وحشاني..
.....
رقية : تسلم يا بشمهندس تعبتك معايا ..
زين : تعبك راحة يا ام ياسين ..يلا يا ملك اطلعي مع خالتك سلمي علي نهى بسرعة وسلميلي عليها وانا هستناكي..
ملك : حاضر يا ابي
.....
رقية : ادخلي يا ملك يا حبيبتي وانا هروح انده عليها واجي..
ملك : ماشي يا خالتو..
ياسين : اللاه..وانا اقول البيت ماله مظلممم كدهه ..ازيك يا بومة..
نظرت ملك لمكان الصوت ..ثم كشرت بوجهها
ملك : والله يعني يا استاذ ..مظلم بأصحابه طبعا..ما عدا خالتو وعمو احمد ونهى..
ياسين بضحك : طب ما تقولي مظلم بوشك وخلاص ...ازيك يا بت يا اوزعة عاملة ايه وحشاني..
رقية: يا ابني بقي ما تتأدب شوية معاها البت مش حمل قلة ادبك دي ..
ياسين وهو يستند علي كتف ملك..ثم يضربها بخفة علي وجهها فتنظر اليه : اية يا امى..انا بحب اهزر معاها وهي عارفة ملك مش بتزعل من هزاري..ولو بتزعل..خليها تخبط رأسها في الحيطة..
قامت ملك بلكمه في بطنه وانزلت ذراعه من علي كتفها..
ملك : ايه يا عم التلزيق ده ابعد عني..
رقية بيأس: ربنا يهديك يا ابني.. أما اروح انادي اختك المقصوفة
ياسين بجدية أكثر: طمنيني عليكي يا ملك.
ملك : مالك يا عم قلبت كده ليه.. انا كويسة الحمد لله
ياسين : بتطمن علي اختي ايه اختي ولا مش اختي ..وبعدين الحمد لله على كل حال يا ستي.. عامله ايه برضو
ملك: عاملة محشي تاخد..
.....
رقية : قومي يا نهى سلمي عليها عيبب دي طالعة عشانكك..
نهى: قلتلك مش هطلع يا ماما قوليلها اني نايمة ولا اي زفت ..محدش قالها تيجي مش عايزة اشوفها اصلا..ومتقعديش تقوليلي بقي كلامك ده..وان دي اختي وانك رضعتيها لما خالتو ماتت وبلا بلا كل ده ميفرقش معايا...
رقية بضيق : اتلمي يا نهى احسنلك وانتي بتتكلمي معايا وقدامي يلا سلمي عليها وغوري اعملي اللي تعمليه
لم تستمع نهى الي كلام والدتها ..فشعرت رقية بالضيق لانتظار ملك منذ فترة بالاضافة الي والدها الذي يقبع في السيارة .
....
رقية : ملوكة حبيبتي ..
ملك : ايه ده يا خالتو هي نهى فين..مش عايزة تشوفني ولا ايه..
رقية: لا طبعا يا حبيبتي ده هي هتموت وتشوفك بس لما دخلت لقيتها نايمة ..وشكلها تعبانة فمرضيتش اصحيها..معلش بقي يا ملك
ملك بتفهم : همم طيب يا حبيبتي سلميلي عليها لما تصحي وخلاص ونبقي نتقابل مرة تانية ان شاء الله..يلا سلام.. سلام يا ياسين..
رقية : مع السلامه
ياسين: استني اجي اوصلك
ملك : لا لا متشغلش بالك انا هنزل عادي يلا سلام بقي اتأخرت..
....
دخل زين ويبدو عليه الضيق الي المنزل وملك تمشي وراءه بدون كلام..وكلا منهما اتجه الي غرفته من اجل النوم..
..في منتصف الليل..
يفتح عينيه بهدوء فلا يجد الا الظلام..فقط الظلام..وفجاءة تشتغل أنوارا خفيفة ويجد حوله جثثا ..تبدو مألوفة نوعا ما..تسبح في دمائها
..يحمل إحداها علي قدميه..وصوت بكاء رضيع ..ينتشر في المكان ..يرتفع الصوت ويرتفع....
وفقط يشعر بالاختناق وهو ينظر الي يده الملوثة بدمائهم
...
ليتحرك زين بفزع من نومه وبفتح عينيه بصدمه وهو يصرخ ..ثم ينظر ليده جيدا ويمسح علي وجهه فيجد دموعا تبدو انها حديثة ...فيقف من مكانه ويتحرك تجاه مرآته وينظر لوجهه ..ثم يضرب المرآه ويضربها بكل غضب...الي ان تتكسر وتجرح يده ..ويفيق علي صوت طرق الباب..
ملك : بابي!! بابي حضرتك كويس..انا هدخل ..دخلت ملك بهدوء واكملت : شوفت كابوس تاني ولا اي يا باب___
توقفت عندنا لاحظت الزجاج علي الارض والدماء التي تتساقط من يد والدها..فهرولت اليه لتمسك يده..ولكنها صدمت عندما ابعد يده عنها بقوة ..وكان ستقع من دفعته..وقال بصوت خشن وهادئ
زين : ارجعي علي اوضتك يا ملك ..يلا..
ملك : هات ايدك يا بابا اعملها..ايدك بتنزف ..وبعدها هلم__
قاطعها ثانيا حينما صرخ في وجهها بغضب
زين : قولت ارجعي علي اوضتككك..لما اقول كلمة تتسمع انتي فاهمة ولا لا..يلا غوري من وشي ..مطلبتش منك حاجة ..يلا علي اوضتك ..
كانت تحاول ان تتماسك ..فهذا يحدث ..في كل مرة يري فيها كوابيسه التي لم يخبرها بها ابدا منذ ان كانت صغيرة..تستيقظ علي صوت صراخه..وعندما تذهب اليه ..يندفع في وجهها وكأن من امامها ليس والدها الذي يخاف عليها من الذبابة ابدا..ولكنها تعلم بأنه يحبها..هو فقط لا يحب ان يحملها اثقاله..يحب ان يتحمل كل شئ لوحده دائما...
ملك : سيبني اوقف النزيف وهمشي..
زين : انتي مبتفهميش يا بت..وبعدين قلتلك مطلبتش منك حاجة امشي يلا..
ملك : .....
زين :..
خرج زين من الغرفة وتركها وحيدة..ذهب الي المطبخ وبقي قليلا ثم عاد..لتنظيف الفوضى التي احدثها..وكان يبدو انه اوقف نزيف يده ايضا..رفع رأسه قليلا نحو وجهها عندما سقطت امامه دمعة ..شعر بأن قلبه يحترق عندما رآها تحاول ان تخفي دموعها عنه..لقد وعدها ونفسه بأن يحميها ..وها هو من يبكيها..تبا لتلك الكوابيس.. ما ذنبها هي مجرد طفلة بريئة ظلمتها الحياة..وقف بهدوء ونظر اليها..ولكنها خرجت من الغرفة وتوجهت الي غرفتها واغلقت الباب..ولكن أتتها طرقاته من خلف الباب..
زين بهدوء وصوت حزين : ملك افتحي الباب ..انا اسف..افتحيلي يا حبيبتي انا اسف
فتحت الباب بهدوء ثم ارتمت في حضن والدها تبكي بحرقة..
مسح علي راسها وقبلها
زين : انا اسف والله اسف ان شاء الله اموت قبل ما ازعلك تاني
ملك تحت بكائها : بعد الشر..انا مش زعلانه منك ..
زين : ...
بقيا قليلا علي هذا الوضع الي ان شعر انها تنام في يديه فحملها ووضعها علي السرير وكأنها مازالت الطفلة ذات العامين.. ثم قام بتغطيتها وقبل رأسها وخرج وذهب الي الحمام وتوضأ ليصلي ركعتين لعل الله يفرج ما في قلبه من الهم..
....
مر بعض الوقت وتمت الخطبة ..التي شعرت ملك ان قلبها انقبض عندما ارتدت الخاتم الذي اهداها اياه آسر وفسرت هذا بأنها خائفة قليلا من الخطوة ليس إلا..
كان آسر دائما يحاول ان يتقرب من ملك قليلا ولكنها كانت ترفض حتي ان تذهب الي التنزه او الي الاستمتاع بوقتهم كأي اثنان مرتبطين كما يزعم في الخارج..ومر شهران علي هذا الوضع... يراها في الجامعة واوقات يذهب للجلوس معاها في المنزل في حضور والدها...فقط هذا..
....
خارج البلاد في انجلترا
....
صوت رنين الهاتف ..
؟؟ : اهلا سارة ..كيف حالك..
سارة : انا بخير ..ماذا به صوتك..هل انت مريض إياد ؟؟
إياد: لا لا انا بخير تماما ' صوت كحة' لا تشغلي بالك بي..
سارة : بخير!! ها انت تكذب علي مجددا..غبي..انا قادمة الآن
إياد: لا تأتي أخبرتك انا بخير يا حبيبتي
سارة : انت كاذب فاشل منذ صغرك..سوف آتي الآن
اغلقت سارة الهاتف قبل ان يرد عليها حتي ..وانطلقت الي منزله
اياد : استغفر الله العظيم..هتيجي تتعب نفسها في الفاضي وهي يا دوب صحتها علي قدها ' كحة'
بعد نصف ساعة..
صوت رنين الجرس ..تنهد اياد بيأس ثم فتح بوابة القصر بجهاز التحكم بجانبه علي السرير بعد ان نظر في كاميرات المراقبة المتصلة بهاتفه ..رأي شاب طويل ذو شعر بني ناعم وعيون عسلية تميل للبني وبشرة حنطية فاتحة..وبجانبه فتاة تبدو قصيرة قليلا ترتدي حجاب ببشرة قمحية ذات طابع مصري وعيون سوداء ..ينظر اليهم عبر عيونه ذات اللون السماوي الجميل..بشعره الاسود الفحمي الناعم ملتصق علي وجهه اثر العرق ووجهه الأبيض الذي يحتوي علي احمرار اثر الحمى..فهو شاب ذو جسم رياضي طويل القامة هادئ ويعيش وحده في هذا القصر الفسيح ..