نور : هو احنا اية العلاقة اللي بتربطنا..
نظر لها هشام ولم يجيبها لبعض الوقت..
نور : اسفة لو سؤالي ضايقك..مش قصدي..بس يعني انت مش اخويا ومش جوزي ومش جاري ومش صديقي ومش قريبي ..ايه علاقتك بيا؟
هشام: علاقتنا ها..معرفش
نور: متعرفش؟ يعني ايه متعرفش..وبعدين هو انا فين أهلي..هو انا معنديش اهل يسألوا عليا.. انا يتيمة؟
هشام: يتيمة؟ جبتيها منين دي...لا انتي مش يتيمة..بس ..باباكي مسافر ومامتك مشغولة شوية..
نور : شغل ايه وسفر ايه؟؟! بقالي ٣ اسابيع في المستشفى من لما صحيت..مفكروش يزوروني مرة واحدة..لدرجة اني فكرت اني يتيمة بجد.. وانتم محدش فيكم فكر يقولي حاجة عنهم؟ انتم مين اصلا..انا اثق منين انكم بتحبوني ولا تعرفوني اصلا؟! ما يمكن انا مش نور وانتم بتضحكوا عليا؟!!
هشام بتعجب من تفكيرها: اهدي يا نور ..
ولكنها لم تصمت واخذت تقول كلمات غريبة لا معني لها بهستيرية لدرجة ان وتيرة انفاسها ارتفعت ودقات قلبها...فأمسكها هشام من كتفها بقوة ونظر في عينها وقال : قلتلك اهدي..
بدأت نور في الهدوء تدريجيا..ثم نظرت ليديه التي تمسكها.. فابتعد هشام عنها معتذرا ثم قال: نور..احنا معرفتنا كانت غريبة شوية..انتي كنتي صاحبة ملك وانا خالها..بس اتعرفنا الأول
قاطعته نور وهي تقول بصدمة: انت خال ملك؟؟
هشام بضحك: انتي كل مرة بقولك بتتفاجئي ليه..اه يا ستي للمرة الألف انا خالها...وانتي صاحبتها...بعيدا عن اتعرفنا ازاي بالظبط..بس كانت مشكلة شوية..وبعدين انتي بقيتي صديقة مراتي الله يرحمها وكمان ولادي بيحبوكي اوي..مقدرش احرمهم منك ولا العكس
نور : يعني عشان كده بس انت بتقعد معايا ؟
هشام بتبرير: اكيد لا...انتي بمرور الوقت بقيتي برضو شخص مهم عندي..
..وبعد مرور ثلاثة أيام دون اي تطورات..كان هشام يجلس مع نور كالعادة..وفجاءة اقتحم أحدهم الباب..
نظر نور وهشام نحو الباب ..كان هناك سيدة تقف أمامهم...نظرت نحوها نور بتساؤل .. أما هشام فنظر لها بضيق ..هرولت تلك السيدة نحو نور وعانقتها ..وكما تفعل نور دائما..وضعت يدها علي ظهرها لتهدئها..
نور: انتي كويسة؟
ابتعدت عنها ونظرت لوجهها..
اروى ( والدة نور) : نور حبيبتي انتي كويسة؟
هشام :افندم ..
اروى: افندم حضرتك..واحدة وجاية تشوف بنتها ؟!
نور بصدمة: انتي مامتي؟
اروى: اه يا حبيبتي انا مامتك..
نور بدموع : طب وليه مجيتيش من بدري يا ماما..وفين بابا..
اروي بضيق : ملكيش دعوة بأبوكي ده..انا عايزة مصلحتك..هو مفكرش فيكي
كان يرغب هشام بطردها ولكن لا يحق له هذا كما انه يشعر بسعادة نور..لقد اتصل بها وبوالد نور منذ اسبوعين..اي بعد انا استفاقت نور باسبوع ولم يكتفي باتصال واحد..كانت يتناوب عليهما مع أماني وملك.. لأنهم كانوا يعلمون بحاجة نور لوالديها.. ولكنهم لم يحضروا لزيارتها...فلما الآن..ومابال هذا الوجه الحزين..يبدو انها ممثلة بارعة حقا..
نور: طب هو انتي زعلانة مني يا ماما
اروى : هزعل منك ايه يا حبيبتي انا..مقدرش
نور: لانك مجيتيش من بدري
اروى: لا يا حبيبتي انا مكنتش أعرف..اول ما عرفت جيت علي طول..
نور: بجد؟! محدش قالك
اروى : طبعا..اسألي هشام بيه كده..
نظر لها هشام بضيق ثم قال بابتسامة مزيفة : ممكن نتكلم برا يا استاذة أروي..
...
هشام: ايه سبب زيارتك المفاجأة دي
اروى بضيق: هو انا محتاجة اذن منك عشان اجي اشوف بنتي؟؟
هشام: لا طبعا..بنتك حقك تزوريها.. بس مش حاسة انك اتأخرتي شوية..نور بقالها في المستشفي شهرين بالظبط..وحضرتك اول مرة تيجي..لا لما عرفتي انها في غيبوبة ولا لما عرفتي انها فاقت..
أروى: انا جاية عشان مصلحتها
هشام: مصلحتها؟
ظهر رجل غريب يبدو في العقد الخامس من عمره..ابتسمت له أروى وقالت..ممكن ندخل تاني بقي؟
نظر له هشام وشعر بعدم الراحة ..وعندما دخل الثلاثة...
أروى لنور مشيرة نحو الرجل: نور حبيبتي..عارفة مين ده ؟
نور بابتسامة: بابا؟
الرجل : بابا ايه يا نونة؟؟
هشام بضيق: نونة؟
حمحم الرجل ولم يتحدث..
أروى : لا يا روحي مش بابا..ده خطيبك
توسعت عيون كلا من نور وهشام بصدمة...
أروى بدموع : ده كان خطيبك قبل ما تعملي الحادثة ..وكان مسافر ولما عرف قال انه لازم يجي يشوفك علي طول
نور بتوتر : ده ..خطيبي؟ ..بس انا لما سألتهم قالولي اني مش مرتبطة..
أروى: اه يا حبيبتي ما انتي مكنتيش قولتي لأي حد من صحابك..
اقترب الرجل المدعو يوسف من نور وجلس بجانبها ووضع يده علي وجهها وشعرها وكان يبتسم..في حين كانت نور تشعر بالتقزز والخوف..هل كان حقا خطيبها؟ ذلك الرجل..لقد ظنت انه والدها.. أغمضت عيونها بقوة وبدأت ترتعش بين يديه..
يوسف: بصيلي كده ..ده انا هعيشك اميرة في قصري يا نوري..عايزك تتعودي عليا بقى ..وكمان مش هنضطر نعمل اي حاجة عشان الخلفة او العيال هنعيش براحتنا..
استمر في تحريك يده علي شعرها وبدأ في النزول نحو كتفها..في تلك اللحظة أمسك هشام يده وضغط عليها بقوة مبعدها عن نور التي نظرت له بدموع..ابتلع هشام ريقه ونظر للرجل ولوالدتها وقال : وهو ينفع واحدة مخطوبة..تتخطب تاني؟؟ وبعدين من امتى الخطيب بيلمس خطيبته كده..يا جدو
أروى: مش فاهمة
هشام: انا ونور...كنا متفقين علي الخطوبة قبل ما تعمل حادثة..اعتقد محدش ممكن يبقى عنده مشكلة..انا ونور مرينا بكتير مع بعض وكمان ولادي هما ولادها..بس انا مرضيتش اتكلم معاها في الموضوع تاني وهي مش فاكراني..قلت استنى لما ترجع ذاكرتها ونيجي نتكلم معاكم بطريقة لائقة..بس لما الاقي حضرتك جايبة راجل قد أبوها..وتقوليلي كانت مخطوبة ليه ؟؟ ويبقى باين هو عايزها ليه.. وحضرتك موافقة علي الجوازة دي ليه؟ ساعتها مش هقدر اسكت...
يوسف: ايه التهريج ده هو انا اديتك كل الفلوس دي ليه...
أروى: استني بس يا استاذ يوسف..نور مش هتتجوز الانسان ده..انا بدور علي مصلحتها وعارفة هي ايه هينفعها
هشام بابتسامة ثقة : طب ما تيجي نسأل نور هي تختار مين..
أنا..ولا استاذ يوسف بتاعك؟ وأيا كان قرار نور...انا هوافق عليه وهو اللي هيمشي..
نظر الجميع لنور التي نظرت لهم بخوف..ولكنها مدت يدها المرتعشة تلك..وامسكت بأسفل قميص هشام...
ابتلع هشام ريقه وقال : أظن واضح..
أروى : مش انتم اللي تقرروا..انا ولية أمرها مش أنت ؟!
هشام : ده لما تبقى بنت حضرتك لسه قاصر... انما نور عندها ٢٦ سنة..يعني حتي لو فاقدة الذاكرة ...تقدر تاخد قرارها بنفسها..وبعدين محدش يقدر يجبرها علي حاجة وانا موجود..انتم فاهمين..' أخرج مسدسه ' ولو الراجل ده ممشاش من هنا دلوقتي...مش عارف هبيته في التخشيبة كام يوم...
....
جلس هشام بجانب نور التي تبكي وترتعش..منذ ساعة تقريبا..
نور بقهر: عشان كده مكنتش عايزني اقابل ماما صح..
هشام : بطلي عياط بقى يا نور.. انا مستحيل اسمح أن حد يمسك بسوء وانا عايش..
نور : يعني احنا بجد هنتجوز؟ طب ليه مقولتليش من بدري..
نظر هشام لوجهها الأحمر..وابتلع ريقه ..ووجد نفسه يقول : اه..هنتجوز..انا مش هسيبك تاني..
نظرت له نور بفتور..وقال بصوت بارد : هنتجوز امتى؟
هشام: ها!!..براحتك..
نور : لا انا مش فاكرة حاجة انت اللي المفروض تقرر يا هشام..
هشام: يعني انتي موافقة ؟؟
نور : اه بما ان نور القديمة كانت موافقة..فهي اكيد عارفة مصلحتي..
هشام : اه...طبعا..
نور بابتسامة : وبعدين انا شايفة الموضوع كده منطقي اكثر ..يعني ايه اللي هيخليك تفضل معايا كل الوقت ده غير كده..وبعدين انا بحب محمد ومصطفي اوي..وهما كمان..
هشام بشرود: اه..طبعا
نور : طب هو انا مش فاهمة؟ ليه الراجل الغريب ده قال ..مش هنخلف وكلام كده ؟
هشام: ها؟! هو قال كده..
نور بحماس : اه اه قال..هو انا عندي مشكلة؟
هشام: لا ..لا طبعا
نور : هممم..اكيد انت أدرى..طب يا ترى انا كنت معرفة ملك وأماني ولا لا..
هشام: لا .. كان سر..
نور : تحفة
هشام بتوتر : نور..
نظرت له نور فشرد في وجهها قليلا ثم ابتسم وقال : لا حاجة..
...
ملك وأماني بصدمة: نعم ؟!! انتوا الاتنين؟؟! ده من امتى
نور بابتسامة: معرفش ما انتم عارفين..انا.حكيتلكم اللي حصل..
ملك.وهي تنظر لهشام: طب ما بقولك يا نور..ما تأجلوا الموضوع ده..لحد ما ذاكرتك ترجع احسن..
نور : لا عادي..انا سيبت القرار لهشام..هو يقرر
أماني: بس غريبة يعني امتى قررتوا الكلام ده..
ملك : هشام... ممكن نتكلم برا شوية
....
ملك : ايه اللي نور بتقوله ده؟
هشام : ايه؟ حرام ؟.
ملك: لا حرام لما تكون بتضحك عليها!!
هشام : وانتي مين قالك اني بضحك عليها؟
ملك: يا برنس..محدش هنا يعرف يقرأك زيي..انا فاهمة انك عملت كده عشان تطفش الراجل الحيوان ده..طب وبعد ما مشي..كان ايه لازمته تكمل في الكذبة السخيفة دي؟؟
هشام بضيق : معرفش يا ملك هو. لساني اتحرك لوحده وقال كده معرفشش
ملك : لسه قدامك وقت تتراجع..روح اتراجع..
هشام : مش هينفع..انتي مش شايفة ردة فعلها
ملك : هشام انت بتهزر؟؟؟ دي مش فاكرة اي حاجة..انت عارف لما تفتكر هتقول إيه..انك كنت بتستغلها.. وانك مفرقتش حاجة عن اللي اسمه الراجل ده..وفي الحقيقة هي هيبقي معاها حق.. انت مش بتحب نور..لو عملت كده هي عمرها ما هتسامحك.. ولا أنا..
هشام: انتي مش شايفة فرحتها عايزاني اهدمها ازاي..
ملك: فرحتها دي هتتحول سواد لو افتكرت كل حاجة بس لما تلاقي نفسها في بيت راجل مش بيحبها..ومتجوزها عشان__
هشام: ملك ..الزمي حدودك..انا مستحيل افكر فيها كده.. وبعدين انا مش هقرب منها غير بإرادتها اكيد..انا مش حقير اوي كده يا ملك..
ملك : انا لو مكانها..وواحد اتجوزني بدافع الشفقة ..عمري ما هسامحه..حتي لو ملمسنيش زي ما انت بتقول كده.. اعمل اللي تعمله يا هشام.. بس انا حذرتك..لانك كده حتي لو كان مستقبلا ليك فرصة مع نور..انت كده بتضيعها..وفكر فيها وفي ولادك ..قبل ما تفكر في نفسك واحساسك بالذنب تجاهها وانك عايز تعملها حاجة حلوة..لانك بعد كده هتندم يا هشام..لما هتحبها بجد ومش هتلاقيها جنبك هتندم...انا يمكن معنديش تجارب في الحياة قدك ولا مريت بتجربة حب مثلا زيك..بس ده اللي قلبي قاله..شعور الخذلان محدش يسألني عنه بقي..فانا عارفة هتكون مشاعر نور ايه وقتها..لما تكتشف ان اللي فكرته سندك وحضنك..هو اللي غدر بيك..شعور وحش اوي..وحش اوي يا خالي..
...
لا يعلم هشام لما استمر في تلك الكذبة ..ولكنه لم يتراجع..ظنا منه ان هذا سيكون جيدا لنور...كما ان والدتها عادت مرة أخرى..لذا لم يتراجع..بل حتي انهم قرروا الزواج بالفعل..والغريب ان نور لم تعارض..ولكنها كانت غريبة..متحمسة زيادة عن اللازم...تبدو شاردة دائما...لقد.صدق الجميع كذبة هشام.. باستثناء ملك ومحمد اخ سلمى اللذان علما الحقيقة .. وأماني التي كانت تملك بعض الشكوك فقط..
..وبعد شهر..
نور بابتسامة : مش مصدقة اني هتجوز بكرة؟؟!
ملك بابتسامة مزيفة: مش ناوية تغيري رأيك؟
نور بحزن: ملك..هو انتي مش مبسوطة اني هبقى مرات خالك
ملك : لا طبعا..انا اول واحدة ممكن تدعم العلاقة دي..بس لما ترجعي الاول زي ما انتي..او علي الأقل تتعودي علي هشام وتعرفيه اكتر ..مش فاهمة استعجلتي ليه.
نور: هشام اللي قال
أماني: انا مش فاهمة..وانتي معارضتيش ليه
نور: عشان معنديش مشكلة..
أماني: المهم انك متندميش بعد كده يا نور..
نور: هو هشام شخص وحش؟
ملك : هشام وحش؟؟ لا طبعا..بس المشكلة مش هنا..انتي م...خلاص يا نور مفيش..انا هروح اشوف بابا بره
..غادرت ملك الغرفة..فقد كان الثلاثة في غرفة ملك يتحضرن للحفلة البسيطة غدا..لم يخططوا لعرس كبير..فقط.حفلة صغيرة تضم الاصدقاء فقط في منزل حنان..
زين : ملك مالك مش على بعضك..
ملك : لا يا بابا مفيش حاجة..هو مين جاي بكرة؟
زين : معرفش هشام كلم مين...تقريبا انا وانتي وأماني واسامة واسماء اخواتها..وخالتك وجوزها ونهى وياسين وخطيبته..ومحمد
ملك بشرود : همم..ماشي
زين : بتسألي عن حد معين؟!
ملك بتوتر : لا ..لا طبعا..
زين : ماشي..انا هنزل الشغل عشان تبقوا براحتكم في البيت..لو احتجتي حاجة اتصلي عليا ماشي
ملك وهي تقبل يده : سلامتك يا حبيبي خد بالك من نفسك
...
نور : ملك بقولك
ملك بانشغال: همم
نور : فاكرة الاتنين اللي زاروني اول ما فوقت
ملك : مين يا نور في ناس كتير..
نور : يا بت الاتنين القمر دول
أماني: مستر إياد والبشمهندس؟
نور : ايواا
ملك : فكراهم..مالهم
نور : اعزميهم علي الفرح بكرة
تركت ملك ما بيدها ونظرت لنور باهتمام وقالت: اشمعنى يعني؟
نور : أصل هما عملوا معايا واجب وكده..اعتقدالمفروض اعمل كده.. مش عارفه ولا انتم رأيكم ايه؟
أماني: سألتي هشام؟
نور : ايه سألت هشام..ما هو بيعزم اللي هو عايزه..' اكلمت بخجل' ...وممكن حد ..يكلم بابا..لاني معرفش رقمه..هو جه شافني مرة واحدة..بس لازم يبقى موجود بكرة صح..
نظرت ملك وأماني لبعضهما بحزن..ثم ابتسمت ملك وقالت: كلمته طبعا هيجي اكيد
نور بسعادة : بجد؟؟
ملك : ايوة طبعا...
كانت أماني تعلم ان ملك تكذب هي لم تتصل به بعد..ولكن هي بالتأكيد ستقنعه..فملك لا تتراجع..كما ان شريف ليس بسوء أروى..لن يترك ابنته في يوم كهذا..كما انه لا يملك مشكلة معينة مع هشام..علي الاقل هو ليس رجل اختارته والدتها المختلة.. كما يقول هو..
.....
كانت نور ترتدي فستان ابيض قصير بسيط مع تسريحة شعر بسيطة جدا
أنت تقرأ
في رقبتك ⛓️🧑🍼
Misterio / Suspenso... مكتملة... ..ماذا ستفعل حين تجد نفسك تفقد كل شئ من حولك تدريجياً..حينها ستتعلق في اخر خيط أمل موجود في هذه الحياة....تحاول الحفاظ علي آخر قطرة خير داخلك ..وان لا تفقد نفسك..وتقاتل ..تقاتل جاهداً في هذه الحياة ...وان كانت معركة محسومة مسبقا ..فستق...
