ထယ်ယောင်းအိမ်ပြန်ရောက်တော့ မေမေလေးကချည်ထိုးကာ TV ကြည့်နေတာကြောင့် ပြေးသွားလိုက်ပြီး အနားကပ်ထိုင်လိုက်တော့...
"မေမေလေး!"
"ဟော! အငယ်လေးရယ် လန့်လိုက်တာ...။ပြန်လာကြပြီလား။သားကိုကိုနဲ့ ဆော့ဂျင်ရော?"
ထယ်ယောင်း အိမ်ပေါက်ဝကိုလှမ်းကြည့်လိုက်ရင်း...
"အပြင်မှာစကားပြောနေကြတယ်လေ မေမေလေး။အာ...သားဗိုက်ဆာပြီ။"
"ဟုတ်ပါပြီရှင်~ မေမေလေးကအငယ်လေးအကြိုက် ဟင်းကိုချက်ထားပါတယ်။အငယ်လေးရဲ့ ကိုကိုဂုဂီကိုအတူတူစောင့်ကြရအောင်လေ။တော်ကြာ အဲ့ကိုယ်တော်ချောက သူ့မစောင့်လို့ပြောနေဦးမယ်။ဆော့ဂျင်ကတော့ အလုပ်ကိစ္စသွားစရာရှိတယ်လို့တော့ မေမေလေးကိုပြောထားတာပဲ သွားဖြစ်လားမသွားဖြစ်လားတော့ မေးကြည့်ရဦးမယ်။"
"ဟုတ်~"
ဆော့ဂျင် အိမ်ထဲမဝင်ခင် ဂျောင်ဂုကိုပြောစရာရှိတယ်ဟုဆိုကာ အပြင်မှာနေခဲ့ခိုင်းပြီး ထယ်ယောင်းကိုအိမ်ထဲဝင်စေလိုက်သည်။ကားပေါ်မှာကတည်းက အနောက်ခန်းမှာထိုင်နေကြတဲ့ ထယ်ယောင်းလေးကိုကြည့်လိုက်တော့ ကားထောင့်ကိုကပ်နေတာ ပြုတ်မကျရုံတစ်မယ်။ဂျောင်ဂုကိုကြည့်လိုက်တော့ ထယ်ယောင်းလေးကိုကြည့်လိုက်ပြုံးလိုက်ဖြင့်မို့ သူသတိထားမိသည်။
"နေဦး ဂျောင်ဂု!...အစ်ကိုမင်းကိုမေးစရာရှိတယ်။"
အခုမှဂျောင်ဂုသတိကပ်မိသည်။
အစ်ကိုဆော့ဂျင်ကိုမေ့ပြီး အငယ်လေးကိုစနောက်နေခဲ့တာပဲ။ဒုက္ခပဲ...ရိပ်မိသွားပြီလားမသိ။Toilet ကပြန်လာကတည်းကသူ အငယ်လေးကိုပဲ တစိမ့်စိမ့်ကြည့်နေခဲ့တာလေ။ကျစ်!
"ဟုတ် အစ်ကိုဆော့ဂျင်။"
ခြံကအရမ်းအကျယ်ကြီးမဟုတ်ပေမယ့်လည်း မိသားစုထိုင်ရန်ခုံတန်းလေးရှိတာကြောင့် ဂျောင်ဂုကရှေ့ဆောင်လမ်းပြပြီးခေါ်လာခဲ့လိုက်သည်။ခုံကိုရောက်တော့ အစ်ကိုဆော့ဂျင်က သက်ပြင်းချရင်း...
"အစ်ကိုရှင်းရှင်းပဲမေးမယ် မင်းနဲ့ထယ်ယောင်းလေးဆက်ဆံရေးကဘယ်လိုတွေလဲ။"
![Back To Me [completed]](https://img.wattpad.com/cover/334399187-64-k46129.jpg)