သူဟာအဲ့အချိန်ထဲက ထိုကောင်လေးရဲ့မာယာတွေကြားမှာ ရောက်မှန်းမသိရောက်ခဲ့ရတာ
"ကိုကို.."
ပြိုင်ကားပြာပြာလေးနား သူရောက်သွားတော့ မျက်စိကျိန်းချင်စရာ အကြေဖွဆံပင်အနီတောက်တောက်နဲ့ချာတိတ်က မျက်နှာညှိုးငယ်ပြီး လေသံတိုးတိုးနဲ့ခေါ်တယ်
ထယ်ယောင်းစိတ်ထဲ ဒီကောင်လေးကိုတကယ်သနားမိသွားတာ ကြီးမားတဲ့အပြစ်ကိုကျူးလွန်မိထားတဲ့သူလို စိတ်အစုံဟာလေးလံလွန်းစွာ
"လာခဲ့ ဒီနားကို"
လက်နှစ်ဖက်ကိုဆန့်တန်းပြီး ခေါ်တော့
မျက်ကပ်မှန်တက်ထားတဲ့ မီးခိုရောင်မျက်ဝန်းလေးတွေကလင်းလဲ့သွားတာ ဒီကောင်လေးဟာလေ ကိုယ်ပိုင်အလှတွေကိုသိပ်ဖျက်ဆီးချင်တာ မျက်ဝန်းတောက်တောက်နက်နက်လေးတွေကသိပ်လှတဲ့ဟာ
" မြန်မြန်လာခဲ့..ကိုယ်ချာတိတ်ကို ဖက် ထားပေးချင်..အင့်"
စကားဆုံးအောင်ပြောခွင့်မပေးတဲ့ ချာတိတ်က သူ့ရင်ထဲ အလုံးအရင်းလိုက်ပြစ်ဝင်လာတာ ခန္ဓာကိုယ်အရွယ်အစားချင်းယှဥ်ရင် ဒီကောင်လေးဟာသူ့ထက်ပိုပြီး ထွားကြိုင်းတာကြောင့် ရင်ခွင်ထဲမှာမဆန့်မပြဲ ဖြစ်နေတဲ့သူကို ထယ်ယောင်းမှီသလောက်လေး ထွေးပွေ့ထားလိုက်တော့
" ကိုကို..လျစ်လျူရှုလိုက်ပြီ ထင်နေတာ"
သူ့ခါးဆီတင်းတင်းကြပ်ကြပ်ဖက်တွယ်ထားတဲ့ လက်တွေရဲ့အားဟာဘယ်လောက်များကြီးလိုက်သလဲဆို ခန္ဓာကိုယ်နှစ်ခုကြားမှလေတိုးပေါက်ကိုမရှိ သူကဖက်ပေးရသူလား အဖက်ခံနေရသူလားဆိုတာပါ မသဲကွဲတော့ဘူး
" ချာတိတ်..ခန..ခန"
" ကိုကို ခင်ဗျား သိပ်ရက်စက်တာပဲ"
ဖယ်ဖို့ရာတွန်းဖယ်နေတဲ့ လက်တွေက ရင်အုပ်ကျယ်ကျယ်အတွက်နည်းနည်းမှ အရာမရောက်သလို
" ဟုတ်ပြီ..ကိုယ်သိပြီ အဲ့ဒါကြောင့် ခနလောက်ဖယ်အုံး"
"ကိုကိုပဲ ဖက်ထားပေးချင်တာဆို"
စုတ်ဖွဖွ ဆံပင်တွေနဲ့တိုးခွေ့နေပုံက သခင်ဆီမှာ ကပ်ချွဲနေတဲ့ ခွေးပေါက်စလေးလို ဒီကောင်လေးဟာ ဒီလိုလည်းချွဲတတ်ပါရောလား
KAMU SEDANG MEMBACA
မျဥ်းပြိုင်(Completed)
Fiksi Penggemarပန်းနုရောင်မက်မွန်ပန်းလေးတွေကို ခြံအပြည့်စိုက်ထားမယ် ကိုယ်ကJungkook ရဲ့အကျဉ်းသားပါဆိုပြီး မက်မွန်ပွင့်လေးတွေရှေ့မှာ ကတိသစ္စာပြုမယ်
