'တော်ဝင် ဆေးရုံ '
တေဇ အပြင်ကော်ရစ်တာတွင်ထိုင်နေရင်း ကောင်လေး ထွက်အလာကိုစောင့်နေရသည် ။စက်ဘီးကိုတော့ဆိုင်တစ်ခုမှာ အပ်ထားသည့်မို့ မနက်ကြမှသွားပြန်ယူပေးရအုံးမည်။ မညှိချင်တဲ့ဇယားတွေက သူကိုမှ လာကပ်သည်မို့ သူအနည်းငယ်တော့စိတ်ရူပ်မိသည်။
"ဒီမှာ ...လူနာရှင် အုပ်ထိန်းသူ
ရှိလား "
"ကျွန်တော်ပါခင်ဗျ ကျွန်တော်ပါ "
ကောင်လေးက သူ့ဘက်ကို မကြည်သလိုလှမ်းလှမ်းကြည့်နေသည်မို့ တေဇ မမြင်ချင်ယောင်ဆောင်ရင်းထပြောလိုက်၏။
"ဒီမှာ လက်မှတ်တစ်ချက်ထိုးပေးပါ ။လူနာက အရှိန်နဲ့ လဲသွားတာမို့ ခြေ အဆစ်လွှဲသွားပါတယ်။ တစ်ပတ်လောက် ကောင်းကောင်းနားလိုက်ရင်သက်သာသွားမှာပါ "
"ဗျာ!!! တစ်ပတ်တောင် "
ကောင်လေးက ရုတ်တရက်ထအော်လာသည်။ ဆရာမကော သူပါ ပြိုင်တူလှည့်ကြည့်မိတော့ ကောင်လေး မျက်နှာမှာပြိုတော့မည့်မိုးလို ရူံ့မဲ့နေသည်။
"ဟုတ်ကဲ့ ဆရာမ ဒီမှာပါ "
တေဇ လက်မှတ်ထိုးပေးရင်း နာမည်လေးကိုမှတ်လိုက်သည်။
' မှိုင်း တဲ့'
တေဇ လက်မှတ်ထိုး ပေးကာကျ
သင့်သည့်ငွေကိုရှင်းလိုက်သည်။ ကောင်လေးကိုတွဲထူလိုက်ပြီးပုခုံးပေါ်လက်တင်တော့ စူးကနဲကြည့်လာပြန်သည်။
သူ သွားဖြဲပြလိုက်ပြီး ကားပါကင် သို့ ဖြည်းဖြည်းချင်း တွဲလျှောက်လာကာ ကားပေါ်သို့ညင်သာ စွာပွေ့တင် ပေးလိုက်သည်။
"ကဲ ညီ ကိုယ်ဘယ်ကိုပို့ပေးရမလဲ ။မင်း အိမ်က ဘယ်နားမှာလဲ "
"မရှိဘူး!! "
"ဟင် မိဘတွေမရှိဘူးလား "
"မရှိဘူး!!"
"မရှိတာက ဘာလဲ
သေချာပြော ညီရာ "
"သေသွားပြီလို့ ခင်များဗျာ ..
ခင်များလုပ်လို့ ကျုပ် အခု အလုပ်လဲ လုပ်လို့မရတော့ဘူး။ ကျုပ်အခုဘာနဲ့စား မလဲဗျ ခင်များ ကိုသာ ရိုက်သတ်ပြစ်ဖို့ကောင်းတယ်"
YOU ARE READING
"အငြိုးတွေသာပြယ်စေသား"(Complete)
Romanceအငြိုးတွေအမုန်းတွေကြား ချစ်ခြင်းကသာအနိုင်ရမလားဆိုတာကို ခပ်ကြမ်းကြမ်းလေး ခံစားသွားရမှာပါ။ warinng ‼‼‼ကြိုပေးတာမို့ မကြိုက်တဲ့သူများမဖတ်လို့ရပါတယ်
