He's In Trouble

Kabanata 10

Kinabukasan ay napag planohan naming mag beach total ay sunday naman. Kaya pagkatapos naming magsimba ay inayos na namin ang mga dadalhin naming gamit at mga pagkain bago nag byahe patungo sa pinagmamalaki ni Ena na mala paraisong resort na tatlong oras ang layo mula sa bahay.

As usual ay si tito ang nagmaneho (nakasanayan na niyang hindi pumasok kapag linggo simula nang dumating ako) katabi niya ay si tita habang nasa likuran naman kami ni Ena na parehong mukhang handang- handa nang umalis. Nakasuot lang ng hawaiian polo si tito pares ang katerno nitong shorts habang si tita naman ay isang simpleng summer dress lang. kami lang naman nito ni Serena ang maraming arte sa katawan.

Kung titingnan ang suot namin ay mukha lang itong simpling beach outfit dahil sa ngayon ay pareho pa kaming naka puting tshirt at maong shorts pero wag kayo dahil naka bikini na yan sa loob.

18 na naman ako kaya pwede na akong mag bikini. Hindi naman masyadong revealing ang napili ko ewan ko na lang sa Isang ito.

"Wow.." agad akong namangha sa ganda ng buong lugar. Napakaganda at ang aliwalas ng lugar. Tiningnan ko ang malawak na karagatan na nasa harapan ko, Serena's right. This place is indeed a paradise.

Tulong- tulong kami sa pagdadala ng mga gamit namin dahil ililipat namin ang mga ito sa nirentahang cottage. Si tito ang nagbitbit ng dalawang folding chair na para sa kanila ni tita. Mga pagkain naman ang dala ni tita habang ako ay pinili kong unahin ang cooler. Magkasama kaming naglalakad ni Ena at ang bitbit naman niya ay ang mga dala naming bag na naglalaman ng mga damit pampalit namin. Bumalik pa kami matapos naming mailagay ang mga ito dahil marami pa ang naiwan doon sa van na karamihan ay mga pagkain.

Pagkatapos naming maayos ang lahat ay nagmadali na kaming magbihis sa nakita naming Cr. Suot-suot na rin naman namin ang mga bikini namin at kailangan nalang hubarin ang pantaas namin at suot na short.

Matapos yon ay bumalik muna kami sa cottage at iniwan na doon ang mga hinubad naming damit. Sunod ay susulong na kami sa dagat pero bago iyon ay nagpicture taking muna kami at halos lahat ng pictures namin ay ako ang nakahawak sa camera. Mabuti daw iyon para makapag posing pa siya ng maganda at maayos

"Ena, picturan kita ron."

Matapos ng usapan namin kahapon ay balik na kami sa dati na parang wala lang nangyari. Casual na ulit ang lahat samin kagaya ng kung ano ang gusto ko.

Una ko siyang kinuhaan ng mga pictures at dahil siya 'yan, halos inabot kami ng sampung minuto bago niya nagustuhan ang kuha ko sa kanya. Hinayaan ko nalang dahil baka iyakan pa niya ako rito. Sumunod ay ako naman ang pinicturan niya. Hindi gaya ng sa kanya ay ilang click lang, palit ng posing, lipat ng anggulo at view ay ayos na dahil wala naman ako ng balak ipost ang mga ito. Ilalagay ko ito sa bagong batch ng photo album na gagawin ko habang narito ako sa bansa.

Pinakita niya sakin ang mga nakuha niya at kahit hindi klaro ang pagkakakuha ng iba ay ayos na para sakin. For memories lang naman 'to.

Naka black na bikini pala ako pero hindi ko na hinubad ang shorts ko kanina. May pa chain na design pa ito sa gilid kaya kahit pinares lang sa shorts ay maganda parin tignan. kaunti lang naman ang mga tao dito pero iba pala talaga kapag first time mong magsuot ng ganito. Mahihiya ka talaga ng bongga. Nasapiaan ata ng mabuting espirito ang pinsan ko at ganoon din ang ginawa niya. Naka suot lang din siya ng yello na top bikini at hindi na rin hinubad ang shorts niya kanina pero dati ko na naman siyang nakikitang naka suot ng bikini, kahit sa ilang mga pictures niya sa Instagram.