Unicode
ကိုကိုချစ်ကတစ်ခုခုကိုသတိထားမိသွားဟန်ဖြင့်ပြောလာသည်။
''ငါတစ်ခုစဥ်းစားမိတာက..နဂါးဘုရင်ကိုထိန်းချုပ်ဖို့အတွက်ကအရမ်းစွမ်းအားကြီးရင်ကြီး၊မကြီးရင်နဂါးဘုရင်ရဲ့အသက်ထက်မက
အရေးကြီးတဲ့အရာတစ်ခုခုကလက်ထဲရှိနေမှရမှာ...ပြီးတော့အခုကသက်သေမရှိတဲ့ခန့်မှန်းချက်သက်သက်ပဲရှိသေးတာမလ်ို့ငါတို့တစ်ထစ်ချယုံကြည်ထားလို့မရသေးဘူး...တစ်ခြားအရာတွေလည်းဖြစ်နိုင်သေးတယ်''
မိုးတိမ်ကရူပအကြောင်းစဥ်းစားမိသွားပြီးသက်ပြင်းတစ်ချက်ချကာပြောလာသည်။
''အဲ့တာတော့ဟုတ်တယ်...ငါ့အထင်တော့လူသတ်သမားကဒီညလှုပ်ရှားလောက်တယ်။ရူပကိုတွေ့ပြီးသူသတ်ခဲ့တဲ့သူကအသက်ရှင်နေတာကိုသိလိုက်ရရင်၊မိဖုရားကိုသတ်ပစ်ဖို့အတတ်နိုင်ဆုံးကြိုးစားမှာပဲ''
ကိုကိုမောင်ကလေးနက်စွာပြောလာသည်။
''ဒီညစောင့်ကြည့်ကြတာပေါ့...''
........
ညစာစားပွဲကိုအောက်ဆုံးအလွှာတွင်ကျင်းပပြီးအချိန်ခဏကြာတော့နဂါးဘုရင်နှင့်အတူတူလာသည့်ရူပကိုတွေ့လိုက်ရလေသည်။
ရူပ၏မျက်နှာကလည်းကူကယ်ရာမဲ့နေဟန်အပြည့်ဖြင့်ရှိနေသည်။
နဂါးဘုရင်၏ညာလက်ရုံးနှင့်ကိုယ်ရံတော်ကတော့မပါခဲ့ပေ။
နဂါးဘုရင်ကအောက်ဆုံးအလွှာရှိရေများကိုလက်ဖြင့်ဝှေ့ယမ်းကာပျောက်ကွယ်စေလိုက်သည်။
နဂါးဘုရင်ကလက်ကိုနောက်တစ်ခါဝှေ့ယမ်းလိုက်တော့ကျွန်းသစ်ဖြင့်ပြုလုပ်ထားသည့်စားပွဲရှည်ကြီးတစ်ခုနှင့်ကူရှင်ခံထားသောထိုင်ခုံငါးခုံပေါ်လာသည်။
ရေသတ္တဝါများမှာလည်းလူသားပုံစံပြောင်းလိုက်ကြပြီး၊စားစရာမျိုးစုံက်ိုလာချပေးလာသည်။
ညစာစားပွဲသည်ထူးဆန်းစွာပင်တိတ်ဆိတ်နေလေသည်။
ထိုသို့နှင့်ကသိကအောက်ဖြစ်ဖွယ်ညစာစားပွဲပြီးနောက်တွင်ရေအောက်တိုင်းပြည်၌ပြဿနာတစ်ခုပေါ်လာ၍နဂါးဘုရင်ကကိုယ်ရံတော်ကိုခေါ်ကာ
အလျင်စလိုထွက်သွားရသည်။
YOU ARE READING
My lovely Ko Ko Maung(Season1)(complete)
Romanceရှိုင်းထက်ကိုကိုမောင်💗ကိုကိုချစ် my lovely ko ko maung S1 (start date-24.4.2023 end date-31.5.2023) save your life S2(ongoing) ချိုမြိန်သောအဆိပ်တစ်ခွက် S3(ongoing)
