My lovely Ko Ko Maung(Season1)(complete)

Part41

Unicode

(ဤficတစ်ပုဒ်လုံးသည်လက်တွေ့ဘဝနှင့်မဆိုင်သည့်စိတ်ကူးယဥ်ဝတ္ထုသက်သက်သာဖြစ်ပါသည်။)

ကိုကိုမောင်မှာလည်းတံခါးထဲဝင်လိုက်ပြီးနောက်တွင်ကုတင်ပေါ်လှဲလျောင်းနေသည့်မင်းသမီးကိုတွေ့လိုက်ရ၏။

ထိုမင်းသမီးကအိပ်ပျော်နေတာဖြစ်တာကြောင့်ထိုမင်းသမီး၏အိမ်မက်ထဲဝင်ကာကယ်ထုတ်ပေးလျှင်ရမည်ထင်သည်ဟုသူတွေးမိသည်။

ကိုကိုမောင်ကမင်းသမီး၏နဖူးကိုလက်ညိုးဖြင့်ထိကြည့်လိုက်၏။

ထိုသို့ထိကြည့်လိုက်တော့မင်းသမီးဖြစ်သူ၏ဝိဉာဏ်မှာအိမ်မက်နယ်မြေထဲတွင်လွင့်မျောနေသည်ကိုသိလိုက်ရလေသည်။

သူလက်ကိုပြန်ရုတ်သိမ်းလိုက်ပြီးခုံတစ်ခုံပေါ်တွင်တင်ပုလ္လင်ချိတ်ထိုင်လိုက်ကာမျက်လုံးများကိုမှိတ်လိုက်၏။

ထိုနောက်မင်းသမီးဖြစ်သူ၏အိမ်မက်နယ်မြေထဲကိုဝင်သွားလိုက်တော့သည်။

သူမျက်လုံးများကိုဖွင့်ကြည့်လိုက်တော့လှပသောရဲတိုက်တစ်လုံးကိုမြင်လိုက်ရသည်။ထိုရဲတိုက်ထဲဝင်သွားလိုက်သည်နှင့်တစ်ပြိုင်နက်ခိုးခိုးခစ်ခစ်ရယ်သံများကိုကြားလိုက်ရ၏။

အသံ၏အရင်းအမြစ်ကိုရှာဖွေလိုက်တော့မင်းသမီးနှင့်ချောမောခန့်ညားသည့်မင်းသားတစ်ပါးကိုမြင်လိုက်ရသည်။မင်းသမီးဖြစ်သူ၏လက်ထဲတွင်ချစ်စရာကောင်းသောကလေးလေးကိုပွေ့ချီထား၏။

ထိုအရာများကိုကြည့်ပြီးသူအာရုံခံလိုက်တော့ဤအိမ်မက်နယ်မြေသည်စိတ်ကူးယဥ်အမျိုးအစားဖြစ်ကြောင်းသိလိုက်ရသည်။

သူမင်းသမီး၏ရှေ့ကိုသွားလိုက်ပြီးပြောလိုက်၏။

''ဒါတွေကမင်းရဲ့စိတ်ကူးယဥ်အိမ်မက်သက်သက်ပဲ...တကယ်အစစ်အမှန်မဟုတ်ဘူး...နိုးထလိုက်ပါတော့...''

ထိုမင်းသမီးကသူ့ကိုအူလည်လည်ပြန်ကြည့်လာသည်။

ကိုကိုမောင်မှာဤစိတ်ကူးယဥ်အိမ်မက်နယ်မြေထဲကနေမင်းသမီးကိုကယ်ထုတ်နိုင်ရန်အတွက်သူမလုပ်ချင်သော်လည်းလုပ်ရတော့ပေမည်။ဤအိမ်မက်နယ်မြေထဲတွင်အချိန်အတော်ကြာရှိနေခြင်းကမင်းသမီးအတွက်ရော၊သူ့အတွက်ရောမကောင်းပေ။