في الماضي ٢ 『رحلة ثلاثيني』

في الماضي 1

               الجزء الثاني【جنون ثلاثيني】  
                               الفصل الأول
ْ

يدلف راجح سريعاً إلي غرفة حمزه التي يمارس فيها تمارينه الرياضيه ليطمئن عليه ... فإن حمزه كان قد بدي عليه الإعياء جلياً في الفتره الأخيره ... عندما دلف وجده جالس علي الكرسي و ممسك بعنقه بألم و قد أحتل وجهه القليل من الحمره ... ذهب له سريعاً بقلق و أردف .
ْ
_راجح : مالك فيك إيه!!
_حمزه و مازال علي حالته : مش... مش قادر آخد ..نفسي .
_حاول راجح أن يزيل يديه عن عنقه و أردف : طب سيب إيدك أوعاا كده .
و قام بإفلات يده ... و أمسك برأسه بهدوء ليحاول إعادتها إلي الخلف قليلاً ليساعد ذلك في فتح مجري التنفس لديه مثلما أخبره أدهم أن يفعل .. فإن شعوره بالإختناق حدث معه من قبل عدة مرات و ذات مره شعر بالإختناق هكذا و فقد وعيه فقام راجح بإحضار الطبيب له و أحضر أيضاً الطبيب أدهم فأخبروه بأنه لا يعاني من شيء أو أي مرض مزمن و أخبروه أن ضيق التنفس المفاجيء الذي يشعر به هو فقط بسبب إنخفاض درجة الحراره و إنعدام الهواء النقي حوله و هذا شيء طبيعي و أخبره أيضاً بأن لا يقوم بممارسة التمارين الرياضيه القاسيه لفترات طويله و أن يقوم راجح بإرجاع رأسه للخلف بهدوء ليقوم بفتح مجري الهواء فقط ... ظل حمزه يحاول إلتقاط أنفاسه بصعوبه و كان راجح يحاول تهدئته ... حتي هدأ قليلاً و عاد إليه الهواء بطريقه جيده رويداً رويداً ... فزفر راجح براحه من تحسنه و جلس أمامه و أردف .
ْ
_راجح : هو مش أدهم قالك تهدي علي نفسك شويه .
_نظر له حمزه و أبتسم ببرود و أردف : أنت عايزني أفضل قاعد لحد ما يطلعلي كرش .
_ضحك راجح و أردف : تصدق إنك بارد .
_حمزه : من بعض ما عندكم يا راجوحتي .
_أبتسم راجح و أردف : حمزه بجد حاول تهدي علي نفسك اليومين دول عشان متتعبش أكتر .
_تنهد حمزه و أردف : مش أنا اللي شوية ضيق تنفس يقعدوني يا راجح فوق لنفسك كده و أعرف أنت بتقول إيه .
_ضحك راجح بغموض و أردف : قصدك إني بخرف .
_توقف حمزه بضحك و أردف : لأ ياعم حاشا لله .
_نظر له راجح و أردف : أقعد هنا رايح فين .
_حمزه : أي حته .
_توقف راجح بغضب و أردف : أنت مش هتبطل حرك بقا أقعد في حته و أرسي كده يا عم حتي أرتاح شويه ولا أنت مش هترتاح غير لما تتعب يعني .
_ضحك حمزه بغموض و أردف : مش هرتاح غير لما أموت .
_توقف راجح أمامه و قام بلكمه في وجهه بغضب و أردف : فوقت!! ولا عايز بوكس كمان .
_حمزه بضحك : لأ عايز بوكس كمان .
_راجح : عيني .
و قام بلكمه مره أخري في وجهه بقوه ... فنظر له بضحك و قام بتضيق أعينه و أردف .
_حمزه : أنت قد البوكس ده .
_عقد راجح يديه أمام صدره و أردف بثقه : أيوه قده و طول عمري قد أي حاجه بعملها .
_تقدم له حمزه أكثر و أردف : حلوه الثقه .
_راجح : عارف فين الجديد .
_حمزه : الجديد إني هبوّظها .
و قام بلكمه علي حين غره ... ففرغ راجح فاهه من الصدمه و أردف بضحك .
_راجح : يابني مش عايز أتغابا عليك ... أنا لو ضربتك هقطعلك النفس خالص ...''تنهد و أردف''... ينفع بقا تسمع الكلام من غير مناقشه .
_ضحك حمزه و أردف : بابا راجح بلييز خليني أخرج .
_جلس راجح بمرح و أردف : ممنوع .
_حمزه : ياعم موافق اني مخرجش بس بشرط .
_راجح ببرود : أسمه طلب أنا محدش بيشرط عليا حاجه فاهم .
_جلس حمزه و أردف : مش هتفرق المهم إن اللي أنا عايزه هيتنفذ .
ضحك راجح بتهكم ، فنظر له حمزه بتوجس قليلاً دون أن يتفوّه بكلمه .. فأردف راجح .
_راجح : يلا أطلب .
_حمزه : هسافر يومين كده .
_نظر له راجح بريبه و أردف : هتروح فين؟!
_حمزه : أي حته في الريف .
_راجح : مش فاهم يعني هتروح ليه؟ و هتعمل إيه هناك ؟!
_حمزه : هشم هوا ولا أعمل أي حاجه يا معلم بدل قعدتنا هنا أنا زهقت .
_راجح : لأ يا حمزه فكك من السفر دلوقتي أنا عايزك معايا في حاجه .
_حمزه بعدم فهم : حاجة إيه .
ْ
صمت راجح لبرهه كي يفكر في أي كذبه ليخبر حمزه بها فإنه لا يريد منه أن يفعل شيء كل ما يريده فقد أن يجعل صديقه يستريح قليلاً كي يطمئن عليه .. نظر له حمزه و أردف .
ْ
_حمزه : رد يا عم عايز إيه .
_نظر له راجح و أردف : مش هقولك دلوقتي ... بعدين .
_حمزه : أنت بتتهرب مش كده .
_ضحك راجح و أردف : لأ طبعاً مش كده .. من أمتي و أنا بتهرب أصلاً .
_حمزه ببرود : من دلوقتي .. ولا أنت مش واخد بالك .
_تذكر راجح شيء ما فأردف سريعاً : نسيت أن بعد يومين ذكري موت تيَّم أبني .
_نظر له حمزه بحزن و أردف : أه ... معلش يا صاحبي تعيش و تفتكر .
_أبتلع راجح غصته بسبب تذكره و أردف : تعيش يا حمزه .
و قام بالتربيت علي قدمه و أردف .
_راجح : هقوم أنا .
ْ
_تروح فين يا معلم ده أنا جاي عشانك .
ْ
نظر راجح و حمزه إلي مصدر الصوت فوجدوا الطبيب أدهم يقف بجوار الباب ... و بعدها دلف ليتجه إليهم .. فأردف راجح .
_راجح بتعجب : عايزني أنا!
_أبتسم أدهم و جلس بجوارهم و أردف : أيوه ... و نظر إلي حمزه و أردف .. عامل إيه يا حمزه .
_حمزه ببرود : أحسن منك .
_أبتسم أدهم و أردف : و أنا أكره أنك تبقي أحسن مني ... ربنا يزيدك من نعيمه يا عم .
_ضحك راجح و أردف : أحرجك بأدبه .
_أدهم : ولا إحراج ولا حاجه ... نظر إلي راجح و أردف ... بالنسبه لمستشفي راجح المحمدي .
_راجح : مالها .
_أدهم بهدوء : كنت بقترح عليك يعني لو نعمل فيها شوية تجديدات ذائد إن فيه شوية أجهزه جديده أتعملت علي أعلي مستوي و في أجهزه تانيه أحنا محتاجينها ... و لو نقدر نوسعها شويه .
_راجح : شوف اللي أنت عايزه يا أدهم و اللي أنت شايفه صح و أعمله ... مش أنت المدير ولا إيه .
_أدهم : أيوه بس يعني ده هيكلف شوية مصارف عاليه.
_حمزه : لو في مصاريف نقصت يا عم أنا رقبتي سداده.
_أدهم : تمام .. و كان فيه طلب تاني .
_راجح : قول .
_أدهم : الواد قلبه بيوجعه .
_راجح بعدم فهم : واد مين؟
_أدهم بضحك : أنا .
_حمزه : أيوه يعني عايز إيه مني .
_أدهم : عايز حد يدلعني ... يا بروو أنا دخلت علي التلاتين .
_نظر حمزه لراجح و أردف : أنت سيبت الداخليه و أشتغلت خاطبه .
_ضحك راجح و أردف : حاجه زي كده .
_أدهم : يا جدعان أسمعوني ... أنتم مش صحابي .
_راجح : لأ مش صحابك يابني ده أنا يادوب عرفتك من سنتين .
_أدهم : تمام و المثل قال إيه .
_حمزه : إيه .
_أدهم : من عاشر القوم ٤٠ يوم صار منهم أو صاروا منه و أحنا عدينا ال٤٠٠ يوم مش ٤٠ .
_حمزه : أقنعني الصراحه .
_أدهم : طب أُقَفوا معايا الله يستركم .
_راجح : طب أنت لقيت العصفوره يعني ولا إيه .
كاد أن يجبه أدهم و لكن أوقفه حمزه الذي ذهب بإتجاهه و توقف أمامه مردفاً .
_حمزه : أنت عايز تتجوز علي مراتك .
_أدهم بتعجب : مراتي!
_حمزه : أنت مش قولتلي قبل كده أنك عندك عيال .
_ضحك أدهم و أردف : عيال إيه ... و بعدين أنا اللي قولت كده ...أمتي ده .
_حمزه : من سنتين لمى كنا في المستشفي عشان رماح كان تعبان .
ْ

*flash back*                          
*(الجزء الأول الفصل الواحد و عشرون و تحديداً بالمشفي)*

ْ
كان كلاً من سيف و حمزه في إنتظار الطبيب الذي دلف لفحص رماح .. لأنه كان قد شعر بأنه لا يستطيع أخذ أنفاسه بسبب حزنه علي أنس لأن اللواء حامد أخبره باستشهاده ... و قام حمزه بضربه ... يخرج أدهم من غرفة الفحص و ينظر لهم فيردف حمزه .
ْ
_حمزه : خير .
_أدهم بتلعثم : ااا إيه .. أه المريض اللي جوه .
_حمزه ببرود : ماله .
_أدهم بضحك : هو أنت اللي ضربته مش كده .
_حمزه بحنق : أه ، مش عاجبك .
_سيف بضحك : لااا يا حمزه إلا ده .. ده الوحيد اللي لو ضربته مش هنلاقي اللي يعالجه سيبه في حاله عشان يلصم الناس اللي حضرتك بتفش فيهم عصبيتك .
_ذهب أدهم و توقف بجوار سيف و أردف : قوله ده أنا غلبان و عندي عيال .
_سيف : هو غلبان و عنده عيال .
_أدهم : قوله أن أمي تعبانه و أنا اللي بهتم بيها .
_سيف بضحك : أمه تعبانه و هو اللي بيهتم بيها .
_أدهم : قوله أن فرح أختي قرب حرام يكسر فرحتها.
_سيف : فرح أخته قرب حرام عليك يا أخي ليه .
_نظر لهم حمزه بحنق و أردف : ممكن تسكتوا ، و أنت يا دكتور الزفت أنت مش ناوي تقولي رماح ماله .
ْ
*Back*                              
ْ
_ضحك أدهم و أردف : ياعم أنت صدقت ده أنا كنت بهزر .
ْ
__________________________________________
ْ
في ڤيلا أنس المحمدي التي بجوار ڤيلا راجح أو في الحديقه الخلفيه لڤيلا راجح ... كان قد قام أنس ببنائها بجوار راجح لأن راجح رفض أن يقطن أنس في أي مكان بعيد عنه حتي و إن كان لأ يفصل بينهما إلا ڤيلا واحده ... كان قد أستيقظ أنس من نومه مبكراً و ذهب ليؤدي تمارينه الرياضيه داخل غرفته .. و بعدما أنهي ما يفعله ذهب إلي المرحاض ليستحم ... و قام بتبديل ملابسه إلي ترينج شتوي من اللون الأسود عباره عن سويت شيرت و شروال منزلي ... و عاد إلي غرفته التي كانت بها أروي نائمه ... نظر لها و أردف .
ْ
_أنس : هتفضل نايمه كده كتير .. يـــــا أروي .
لم تستيقظ أروي و لم تعيره أي أهميه .
_أنس بضجر : طب أنا جعان .
و ذهب تجاهها ليقف أمام السرير و هو يحاول إفاقتها بأي طريقه .
_أنس : أروي ... أروي .. قومي يا شيخه أنا جعان .. أروي .
قامت أروي بفتح أحد أعينها و نظرت له و بعدها أغمضتها مره أخري .
_ضحك أنس و أردف : شغل العيال ده مش عليا .
لم تجيبه أروي .. فجلس بجوارها و أردف .
_أنس : أرووووي ... جعان .. أنتي بتعملي كده يعني عشان مليش أم تأكلني ... يا بنت الناس .
صمت قليلاً ليفكر و أردف بتمثيل .
_أنس : هو أنتي ليه بتعامليني كده ... علفكره أنتي لو كنتي مربيه كلب كنتي هتأكليه و تشربيه .
لم تأتي هذه الفكره بثمارها .. فأبتسم و أردف .
_أنس : أروي أنا حامل .
قامت أروي بفتح أعينها و فاهها من الجمله التي وقعت علي مسامعها و أعتدلت سريعاً في نومتها و أمسكت أنس من تلابيب قميصه مردفه بضحك .
ْ
_أروي : حامل!!!
_ضحك أنس و أردف : نزلي إيدك عشان مزعلكيش .
_أروي مكمله ما تفعله : حامل!! هيبقا أنا وأنت يا أنس .
_نظر لها أنس بعدم فهم : أنا و أنتي!
_جلست أروي علي السرير و أردف : .......
_نظر لها أنس بصدمه و أردف : ........
ْ
يـــــــــتبــــــــــــع ❁......
❁رحـٍٓـٍٓـٍٓـٍٓـٍٓـٍٓـٍٓـٍٓـٍٓمٍٓـٍٓـٍٓـٍٓـٍٓـٍٓـٍٓـٍٓه أحـٍٓـٍٓـٍٓـٍٓـٍٓـٍٓـٍٓـٍٓـٍٓمٍٓـٍٓـٍٓـٍٓـٍٓـٍٓـٍٓد ❁...