قـلعـة الشيــوخ ( قلعة الشيخ مهران)

حلقه (٢١)

قلعة الشيوخ (قلعة الشيخ مهران)
حلقه (٢١) بقلم ياسـة

أيها المظلوم نام قرير العين
فإن الله ناصرك لو بعد حين
أيها الظالم لم تنام مرتاح البال
وستظل لعنة الظلم تلاحقك
إلى أن يشآء الله

......................................

مؤنس :- شأسوي رايح وياك يابــة تعرف من الاول ما اگدر اعيش هناك

مهران :- وعليش ما تگدر تعيـش غاد حلالنا ومالنا والمشيخة المن اسلمها انه

مـؤنس :- عاصي اكبر مني واله حق بيها اكثر مني اني رجال لا اريد مال ولا اريد حلال وحتى ما اعرف بسوالف العشاير

_انه گلت كلمة وغيرها ما اگول تلم عايلتك وترد وياي للسلف

_ اعذرني يابة ما اروح المكان

_تجسر كلامي يا ولد

_لا محشوم يابة بس اني هنا عشت وهنا اموت والسلف حالف يمين ما ادخله

_ يو ما رديت وياي اليوم تحلم تحصل شي مني طول عمرك

_ما محتاج شي من احد عنـدي خير من الله

_هذا ردك على ابوك يا النشمي هذا ردك على ابوك يالمثقف

_ يابة هذا رأسك ابوسه وحقك عليه واعتذر منك وشنو تأمر اني خادم بس للسلف ما ارجع

_هين يبز ظهري هين مخلي ابوك وره ظهرك مخلي ابوك بيد گليلين الرحم وظال انتَ بـبغداد

حجى هالكلام ودش للحجرة ومـؤنس رد الحجرته وسد الباب رضوان طلع بره يشوف عاصي وين مشى بقى بس مَتين واگف عاين عليه وتبسم بقهر

تاضي :- عليش كبرت السالفة يا عمة چا خليته يولي هالارعن

مَتين :- موش انه اللي انهان واسكت چان رايد واحد يأدبه

_يظل اخيك هو

_ عمة روحي وره عمي لا تهدينه وحده وانه اعرف اخذ حگي من حلگ السبع لا يظل بالج يمي

سكتت منه ورحت المهران لگيته حاط ايده على رأسه وعيونه على الگاع

تاضي :- شوف يبو أسير اريد احچيها الك من الاخير اولادي موش حمل السلف وطلايبه ولا حمل فريال وطلايبها خلهم بعيدين عن المشيخة عبن انه كبرتهم بدموع عيني وانتَ هسه تريد تاخذهم من تالي وكت  تردهم الفريال وبزرتها

عاين الي متفاجئ اول مره احچي هالحچي وگبل دشيت عليه حامية بلايه ما اسهل عليه الموضوع اطيتها اله من الاخير عبن روحي متشلوطة ومابيه اكتم اكثر خله يعرف ناسه كافي سكتت عمري كافي الراح مني ما بيه اخسر ولدي اموت وراهم  هو عاين عليه  وراها رد

مهران :- شنهي هالحچي هذا من شوكت صاروا بزرت فريال غراب عن بزرتج ومن شوكت گايمة تردين بهذا الرد وحسج يعله عليه اظنج نسيتي هم كُلهم اولادي ونسيتي انه زلمتج يم أسير