قـلعـة الشيــوخ ( قلعة الشيخ مهران)

حلقه (٦٦)

طالبتوا بارت وبصراحه ما هان عليه تبقون اطالبون
وما انزل الكم  لذلك ضغطت على نفسي وكتبت الكم لان تستاهلون و اعتذر إذا اكو أخطأ لان نزل بدون تنقيح ❤️ وشكراً الكل اللي دعاء وسأل عن والدي ربي يحفظكم ويحفظ أحبابكم ممنونه منكم جميعاً  ❤️ ❤️

قلعة الشيوخ (قلعة الشيخ مهران)
حلقه ٦٦ بـقلــم يــاســة

والكلمة الصعبة التي لطالما ما خشيت قولها
هاي هي تقال الأن

وخذتها ومن خذتها الله الإحساس
إحس بس هي يمي وخلصوا الناس

....................................

أمامة :- عمو متين طلب من عمو أياد يتصل بالشيخ وراها رجع عاط بيه اطلع اروح للبيت وگعت دموعي وإني اشوف مصيري اللي قررته إبتهال أستاهل كل شي صار وياي استاهله وحدة غبيييه و رعنه ما تفكر البعيد ما تفكر البعييييد اخ ربي دخيل إسمك ساعدني

أبتهال :- يلا امشونا غاد نعقد الهم

إسلام :- شتعقدون يمعودين والله ما عندي شي وياها

عاصي :- بعد هاي قسمتكم لا تستحي بوية البت ابنيت عمك موش غريبة

إسلام :- يااابة خاف الله بيها بنت اخوك هاي شنو الظلم هذا

سند :- شوف الشريف ابن الشريف لك منو اخوك نفس الزباله اثنينكم تفكرون بعم بنت عم

إسلام :- عمي لا تجمع لا إنه مثل إيهاب ولا أمامة مثل ليان

عمو سند بس سمعه هيج گال مسته الحچايه  ركض عليه وضربه و إسلام ما سكت رجع تجاوز بالكلام على عمو سند وعمو تخبل بساعتها قامت الدنيا فوگ راسنا  بين ما الدنيا مشتعله والكل مداخل حاجوز بينهم انسحبت من إيدي قوي
من بيناتهم درت وجهي لگيته عمو متين لزمني قوي من إيدي وأخذني منهم للقصر أحنه نمشي ونينه تمشي ورانا لحد ما وصلنا الغرفة نينه دخل وسد الباب برجله قوي باوعلي من فوگ ليجوه وگال

متين :- صوجي انه صوجججي انه الحطيتلج احترام وفكرت بمشاعرج انه الخفت لا تزعلين انه الردتج تكبرين وتفهمين انه انه مو احد غيري

تاضي :- بهدأي يمه بس خلنه نفهم منها السالفه
هو عاصي وده عليها موش هي الراحت

متين :-  شلون مو هي الراحت عمه انتِ نايمه ورجليج بالشمس يرحم اهلج سكتي

_ اطنه مجال نفهم السالفه

_ خطبها الإسلام وقبلت بيه وراحت الغرفته بنص الليل شتفهمين عمه شتفهميييين

حچى هيج وفتر دفر الحايط و رجع باوعلي وگال

متين :- لج صار اشهر ما يشوفنج شوف ومن اجيتي لليوم والف سالفه وسالفه حطنها برأسج هسه حبتج أبتهال وامها هسه حبج عاصي ورحتي البيته ثوله غبييية