قـلعـة الشيــوخ ( قلعة الشيخ مهران)

حلقه (٣٧)

قلعة الشيوخ ( قلعة الشيخ مهران)
حلقه ٣٧ بقلم يــاسـة

شمــاته وليل وغربه وچلمة اليا حيف
يلتمن دمع ويطيحن بخـًدي

...................................

أمامة :- ما استوعبت الموقف اللي انحطيت بيه ما اعرفت ارد لو اعترض على اللي جاي اتعرض اله وفشلتي گدام اهل القصر وكلها بجهه وكلام بيبي حكاية بجهه من واجهة جدو بكلامه ويا عمو مَتين ما حاولت افتهم شنو الكلام اللي داير بين عمو وجدو كل اللي صار وياي ردت بس انهزم من الموقف اللي اني بيه

عفتهم واگفين يتصايحون بيناتهم وتعديهم ومشيت اعترضت طريقي عمه أبتهال ما نعتني ادخل للقصر لان الهوسه هاي الصارت برى القصر

أمامة :- شـوية دا افوت

أبتهال :- انطري يختارون بينج وبينها

فتحت عيوني مصدومه شنو جاي يصير عود صدگ لو ناصبات عليه درت وجهي على جدو و رجعت باوعت الها وتقصدت أعلي صوتي حتى يسمعوني كلهم

أمامة :- وخري دا افوت وخررري مو لعبه عندكم حتى تعالي ويانا انتظري يجوز نرجعج وخررري من البااااب

آبتهال :- يمه دهر الدهرني شوف اللسان والصوت العالي انهجم رأسج

اجى جدو علينا رفع عوجينه وضرب عمه أبتهال براسها قوي لزمت راسها متوجعه رجع على بيبي حكاية و ضربها بكتفها وراها راح على سلر هي بسرعه ركضت ختلت بظهر عمو مَتين عمو مَتين جرها من وراه وگفها مقابيل جدو بس جدو ما ضربها بس رفع العوجيه مالته بوجهه وگال الها

مهران :- تحطين عليه شروط ولج

سلر :- غير امي گالت خالج يريد يزوج مَتين

مهران :- انعل امج لا ابو اليوم الشفتجن بيه طايحات الوفگ جليلات الحيه البنت ما صار يومين من اجت شديتن احزامجن عليها امج گالت الج شمري روحج بالشط تشمرينها

سلر :- هذا رجلي شلون ارضى يعرس

حكاية  :- ما دامكم مدسترين الشغله بينكم ورجونا لا تخلونا وراه ظهركم خلِ بنتي تعرف راسها من رجليها لا تظل مغمضه عود شيسمونها من ماخذينها من الصباحيات وغابشين بيها والعمال تطلع بظهر الگصر و راه ما تطلعون نروح عليهم ننشدهم يگولون جاي نبني بيت هذا البيت الها موش هيج

مَتين :- الظاهر انتن مو مال واحد يحچي وياجن ويفهمجن هذا الموضوع ينسد وما ينفتح بعد والتفتح حلگها وتسولف بيه حتى لو بينها وبين روحها راح احاسبها انه مو عمي ويلا هسه انتهت المسرحية كل واحد يروح الغرفته وانتِ حسابج بعدين