قـلعـة الشيــوخ ( قلعة الشيخ مهران)

حلقه (٤٦)

البنات يطالبون يردون هدية بمناسبة المولد النبوي وحده من البنات معلقه لا تنسينا احنـه هذاك الصوب اليوم عدنا مولد النبي موتتني ضحك  يمعودة النبي للصوبين

( و هذا البارت هدية الهذاك الصوب وتدللون عليه  الصوبين وعـاش العراق 😂😂😂) 

كل عام وإنتم بالف خير بمناسبة المولد النبوي إعادة الله علينا وعليكم بالبركة والإيمان ❤️

قلعة الشيوخ ( قلعة الشيخ مهران)
حلقه ٤٦ بقلم يــاسـة

هادئه هي كــ السماء ليلاً
ومنيرة كــ نور القمر

..................................

أمامة: - ما حسيت على شي وگعت بنص الصالة فاقدة الوعي مر وقت ما اعرف شگد و من صحيت احس جسمي خدران وراسي ثكيل گلبي يأذيني
عبالك جنت بغييوبة

فتحت عيوني الدنية تفتر بيه أباوع للبنكه تريد توگع رجعت غمضت عيوني واسمعهم يحچون قريب مني

تاضي :- فتحت عيونها وردت سدتهن دخيلك ياربي ولك يمه شمالها عليش ما تگعد

مَتين :- بسيطه عمه لا تخافين صار عندها هبوط بالضغط

ليان :- عمو شوف حتى وجهها صار أصفر

مَتين :- عادي مو شي مخيف گومي حبيبتي سويلنا عصير برتقال

غزاله :- انه راح اسوي

مَتين :- عاشت ايدج غزالتي

رجعت فتحت عيوني شفت نينه وعمو مَتين وبنات عمو سند يمي والباقين كلهم رايحن التوحيد من بعد ما وصل الهم خبر وفاة زوجها

تاضي :- ها يمه عزيزتي شلونج تشوفيني تسمعيني شيوجعج يبعد جدتج

أمامة :- زينه لا تخافين

مَتين :- يوجعج شي

_ لا بس دايخة والالم براسي موتني

_ طبيعي هذا من الهبوط

تاضي :- ما دامها صارت زينة روح انتَ بعد خافن الدوادم تسأل عنك زحمه

مَتين :- مدي ايدج اقيس ضغطج قبل لا اروح

مديت إيدي وبدأ يقيس بضغطي شويه و سوى حركة بشفايفة ما عجبه

مًتين :- بس فهميني شبسرعه هيج هبطتي دستي دگمه شنو

أمامة :- ما اعرف هيج فجأة وگعت

روان :- يجوز هبطه من الصوت الصار

ليان :- گومن خل ترتاح

تاضي :- ضلن يجدة وين رايحات

ليان :- بالصالة رايحين خطيه أمامة خليها ترتاح وتنام شويه

هن طلعن وعمو مَتين طلع وراها ثواني ورجع دخل بايده بطل مغذي

تاضي :- شنهي هذا يمه