قـلعـة الشيــوخ ( قلعة الشيخ مهران)

حلقه (٤٧)

قلعة الشيوخ ( قلعة الشيخ مهران)
حلقه ٤٧ بقلم ياسـة

عند ما تتبــسمين
يفقد الليل وعيه ويكتـم القمر تنهده
ويسقط من السماء نجماً
اما عن حالي فقد أعانني الله
عما بلاني

..............................................

أمامة :- عيوني عليها وعلى أطفالها الأثنين وعلى الجنط الدخلوهن قبلها هذا هو يعني رجعت هنا ولازم احظر نفسي على الأحداث والمفاجأت
اللي بس الله يستر منها تمشيت عليها اسلم واعزيها بوفاة زوجها

أمامة :- البقية بحياتج خاتمة الأحزان

توحيد :- الله يرحم ابوج إن شآء الله

_ اشكرج

تاضي :- اكلتي يو لا

أمامة :- لا ما اشتهي شي

_ عرفت ما ما كله شي تعالي هاج هذا جبته الج

_ شنو

_ تمن ولحم

_ منين جبتيه

_من الفاتحة

تقدمت اريد اخذه بس عمو مَتين صار اسرع مني وهو اخذه من نيته قبلي و حچي وياها بعصبيه

مَتين :- صدگ تحچين عمه جايبه اكل من الفاتحة

تاضي :- دريت بيها ما ماكله شي گلت هذا العشاء الها

_ الثلاجه متروسه تطلع وتاكل تحچين صدگ جايبتلها فضالة الناس

_ لاله هذا عشاي موش فضاله ما اكلته ضميته الها

_ زحمه بحقنا تطلعين اكل من بيتهم البيتنا ليش هيج عمه الناس شافتج شايله الماعون مناك الهنا

فريدة :- ما بيها شي يمه انه هم ما تعشيت وجبت حصتي وياي الرسل

مَتين :- عفيه عليج يمه عفيه عاشت اديجن  يابة حقجن تجيبن تمن لان احنا ناس طاگنه الضيم ميتين من الجوع

تاضي :- ما بيها شي هسه انتَ من تروح للفاتحة ما تاكل هناك

_ لاما اكل لا بفاتحة ولا بعرس وحتى لو اكلت هالشي يختلف من اكل بوقت الاكل ومن اجيب ماعون واطلعه گدام خلق الله

فريدة :- خلِ البت تاكل شنهي سالفتك سويتها هوسه اطها عشاها

تقدمت عليه اخذت منه الماعون وجابته الي

فريدة :- هاج يجدة روحي تعشي

أمامة :- ما اريد بيبي

فريدة :- يا عليش

أمامة :-  انسدت نفسي

حچيتها وعفتهم ورحت من عندهم شدعوه عاد سواها دراما و قصة طويلة عريضة هو عشاهم ما اكلوا جابوا وياهم ما تحتاج هاي الهوسة و يوگف يرزل بيهم ويفشلنا كل احنا