قـلعـة الشيــوخ ( قلعة الشيخ مهران)

حلقه (٦٢)

السلام عليكم  ..  اولاً نظام النشر بين يوم ويوم
وهذا الشي متفقين عليه من اول ما بدينا
وما اعتقد بيوم من الايام خربطت وياكم ملتزمه  وفوگاها انزل هدايا وارجع ليوره بس صوجي اني لو من الاول ما ملتزمه وباقيه كل اسبوع بارت جان قدرتن ،، جماعة الواتباد احترمن شوية لا اشتغل عدجن ولا فارغ من الصبح لليل وتردن انزل كل خمس دقايق شنو هالتجاوزات شنو هالحجي البارت التقرنه بخمس دقايق صار يومين اكتب بيه ، بالكروب قررنا النظام يصير تلاث مرات بالاسبوع بس اني جاي اضغط على نفسي واسهر الليل بطوله حتى يبقى نفس النظام و ما اخليكم تنتظرون يعني انام بالاربعه الفجر واگعد بالسته  الخاطر تجي كم وحده لا شغل ولا عمل  گاعدة وره الكيبورد ودگ غلط وتجاوزات عليه منا وجاي النظام  تلاث مرات بالاسبوع والماعجبها تحذف القصة لا تبقى تبخ سمومها وتتجاوز من هذا كلامي للفارغات الباقيات يغلطن ويرجعن ليورة بكل بارت نفسها اعرفهن وحده وحده ما لاگيات شي بالقصة يسقط افترن على النشر الاكثر شي ملتزمه بيه إني

قلعة الشيوخ (قلعة الشيخ مهران)
حلقه ٦٢ بـقلم يــاسة

جبت عمري بتعب چا يمتى اضــوگ الطيش
انه المبيوگ عمره بين البحــله

.................................

أمامة :- اشو گوم من وجهي شگد سخيف لا والله مو بس سخيف اصلاً عبرت مرحلة السخافه

إسلام :- شوفي يا حلوة انه عندي الج شگد اثبات بس اخاف عليج تنجلطين الذالك راح اكتفي بهذا الحد واترك الباقي العقلج الجبير يفكر شويه ويشوف كلامي صح لو غلط

أمامة :- ما يحتاج افكر اصلاً اعرف هاي لعبه من العابكم القذرة تردون اصدگ بيكم حتى ازعل من عمو ويفرغ الكم الجو بعدين انتَ وابوك واللعابكم ترحون فدوة العمو متين

_ ههههه حددي نوع الفدوة بالضبط شلون تصير

_ إسلام احترم نفسك وگوم منا مو كل الناس مثل قذارتك تعرف شنو عمو متين بالنسبه الي صار اب واخ وصديق مستحيل بهاي سوالفك تهز مكانته يمي طوم احسلك

_ ههههههه ههههههه هههههه هههههه

_ شگد قذر

_ يلا ميخالف انه قذر وسخيف و ملعون بس على الاقل عالني مو من جوى الجوى هسه بس شغليلي هذا الدماغ الحلو و  فكري عدل  وشوفي القذر والملعون والسخيف والمنحط منو انه لو عمج الدكتور

_ لا يا منحط احترم نفسك ولا تتجاوز عليه

_ تدرين جاي تقهريني والله  يلا بعد انه سويت العليه والباقي ضل يمج واذا تحتاجين بعد دليل گولي خادم للحلوات انه

حچى هيج وشال موبايله وگام بقيت اباوعله
تخبل هذا شنو شلون هيج يسوي معقولة الهاي الدرجه توصل بيهم يأأذون عمو ويأأذوني لان جدو سجل الگيعان بـ أسمي وعمو جان عنده علم