قـلعـة الشيــوخ ( قلعة الشيخ مهران)

حلقه (٧٣) والأخيرة

قلعة الشيوخ (قلعة الشيخ مهران)
حلقه ٧٣ والأخيرة  بقــلـم يـــاســـة

#مَتين ❤ #أمامه

لا تعني لي العيون شياً حتى رأيتُ عيونَ أمامتي
احببتُها ادمنتُها

رؤية عيناها اضاف لقلبي نبضا اسميتهُ عشقي
عشقتها اهمتُ بها.

كذلك الصباح لا يعني لي شياً حتى سكنت قلعتي (قلبي)
اشرقت شمساً بروحي

ابتسمت مرتاً وابتسمتُ معها دون ان ادري
استغربتُ وضعي هل اصاب الجنون قلبي ام عقلي

( بقلم ترانيم عراق )

.......................................

ضوء خافت المكان البارد وحظنه الدافي الهدوء وصوت دگات گلبه كل شي حلو كل لحظه كل موقف كل كلمه بهذا اليوم الها ذكرى بداخلي راسي على صدرة وإيديه بشعري غمضت عيوني واني متأكــدة ماكو أمان غير حظنه ولا اكو سند
غير ظهره بس غفيت رجع وشوشلــي بـ إذاني

متين :- عروستي الحلوة

أمامة :- امم

متين :- نمتي

أمامة :- اي

_ بعد وگت

_ رأسي يـأذيني گاعدة من الصبح والهوسه مال الناس الهسه ترن بـ إذاني

_ يعني هسه انتِ مالتي من كل النواحي

_ يگــولــون

_ ههه اروح الهم فدوة نفر نفر

_ لااا

حچيتها ورفعت راسي أباوعله رجع هو أبتسم ونصى راسه عليه وباسني وراها گال

_ شنو الـ لااا

_ متروح لأحد فدوة

_ انه رحت من زمااان من يوم الحبيتج

_ شوكت حبيتني

_ ما اتذكر

_ لا جاوب الله عليك

_ وداعتج ما اتذكر كل اللي اتذكره من اجى عليج هذا المعلم  و وافقي على الخطبه حسيت بگلبي وجعني وضجت شلون تنخطبين الأحد ما يصير بعدين ارجع اگول الروحي شعليك متين خليها تنخطب وتشوف حياتها بعدين ارجع اجاوي روحي لا شنو تنخطب بكيفها قابل ،، من انتبهت شلون مزعوج من الموضوع گلت انه مزعوج لان هي صغيرة وبعد الطريق گدامها بس لا يوم بعد يوم گامت عيوني تراقبج بدون ما انتبه ادخل للبيت
ادورج بين الموجودين واذا سمعت صوتج واني بالغرفه مالتي غصب عني اگوم اطلع

_ شگد جان الموضوع متعبني والفكرة كلها ما قابل بيها بس مو بأيدي يوم بعد يوم اضيع بيج اكثر واكثر لحد ما حس عليه عمي وجرب يلعب بعصابي وگال ماخذكم تشترون للخطبه اذا تذكرين