قـلعـة الشيــوخ ( قلعة الشيخ مهران)

( أحداث 1)

قلعة الشيوخ (قلعة الشيخ مهران)
بقلم يـــاســة 🍃

هناك حكمة عن العلاقات المزيفه تقول 
المواقــف هـي خريـف العلاقـات
يتساقط منها المزيفون كـأوراق الشجر

اما عن الحب يقول الشاعر

بس مــالت الله تغيرت من حبيـت
وعشت الطفوله الما عشتها بزغري
ثاري الفرح مو الـه عيشـت سلطان
من الگه وأحد فكره يشبه فكري

فــــلاش بـــاك

................

أياد :- بس فهمني ليش تريد تسافر مضيع إبتهال لو عاصي هناك ترى مو لعب الموضوع بطل وگعد احسن الك

إسلام :- ادري مو لعب ليش عبالك جاي اللعب اني

أياد :- اكــو شي صاير وياك فجأة بين ليلة ويوم تنام وتگعد تريد تعوف العراق وتهج ليششش شنو السبب فهمتي يا اخي

إسلام :- ما شفت شي لا من العراق ولا من اهل العراق عاد اروح البلاد الموز اشوف ابداع الخالق هههه

اياد :- لا تصير تافه احجي شبيك

إسلام :- مابيه و داعتك صار سنه ونص تقريباً قدمت ومشيت بالمعامله وهسه طلع إسمي
خليني اشوف حياتي هناك احسن الي والكم

أياد :- النا ؟ ليش احنا شعلينااا

إسلام :- عمي الله يخليك لا تلح وياي ما اگدر اعيش هنا بعد

أياد :- عاد انتظر عرس متين وروح ولي الظاهر قافل على الموضوع وما ناوي ترد شسوي الك يطبك مرض

إسلام :- الله كريم هو وره العرس اطلع إن شآء الله

امامة :- من بعد ما خلص الكلام بين عمو إياد وإسلام گام إسلام يريد يطلع البيتهم لگاني واگفة قريب يم باب المطبخ واسمتع الهم إبتسم وگــال

إسلام :- يا هلااا بالعروس

امامة :- صدگ تريد تسافر

إسلام :- مع الاسف يا زوجة عمي يا ام عيون حلوة المخسبگ قرر ان يهج خارج البلاد

امامة :- ليـش هيج شلون تعيش وحدك هناك

إسلام :- مثل ما عايش وحدي هنا

امامة :- ليش وحدك امك ابو واخوانك واحنا وين رحنا مو لليل نهار سوه

إسلام :- صح ناكل نشرب نگعد نام نسولف نتعارك بس محد بيهم يحس بيه ولا احد بيهم يقدر امامة تدرين انه عايش تكمله عدد بينكم لا اكثر ولا اقل

امامة :- لااا إسلام لا تحجي هيج بالعكس انتَ ملح البيت والله

إسلام :- انه ملح البيت بس روحي فاهيه عوفج مني هسه وگلولي الي صبغتي شعرج للعرس مو

امامة :- إسلام بدأت التفاههه وقلة الادب

إسلام :- ههههه اووي ولا تتحملين شقى عابت