قـلعـة الشيــوخ ( قلعة الشيخ مهران)

حلقه (٥٧)

قلعة الشيوخ ( قلعة الشيخ مهران)
حلقه ٥٧ بقلــم يــاســـة

حطِ على صدري يمناكِ
فمـا أجــدر الماء بأن يطفــى اللهب

.............................

أمامة :- الثواني هاي ما انسـاها طول عمري الرمي الحرگ الجو ركض اجدادي وإعمامي الناس اللي طلعت عياط بيبي فريدة كل شي عشته بهاي الثواني حسسني بالفقد من جديد لا ياربي لا اكثر ثلاثه احبهم ويحبوني إيهاب و عمو أياد وعمو مَتين لا ياربي دخيلك عمو مَتين يروح واني منو اللي مو هو صارلي صديق وشوكت ما جاله وياي ويساعدني

أحس رجليه ماتت اريد اوگف عليهن ما اكو گعدت بالگاع اخوي بأيدي يبچي وعيوني عليه رسل حاظنه غزاله وتبچي خايفه دموعي بقت تنزل بدون شعور

بيبي فريدة رجعت وگفت وراها مشت  تركض بـ اتجاة العيادة ونينه وغزاله يمشن وراها اني على گعدتي الناس ملتمه انترس الشارع بقيت گاعدة دقيقتين تقريباً وراها گمت برجلين ميتات اسحل بيهن سحل لحد ما وصلت للعيادة الدنيا كلها واگف بالباب صوت عيط بيبي فريدة زرف طبلة إذاني وگف دگات گلبي تعديت الناس وفتت الهم

اجدادي گاعدين گعده بالگاع و الباقين واگفين عيوني بقت تدور على عمو مَتين ما شفته واگف يمهم  رجعت اباوع العمو أياد والإيهاب سالمين الحمدلله ما بيهم شي تقدمت اكثر ودخلت للفرفه مال الدكتور الباب مسدود فتحته ودخلت شفته  گاعده وحده بس حس بالباب انفتح رفع راسه شافني بعده ما حاچي شي بدون شعور ركضت عليه شمرت نفسي بحظنه وبجيت

بقى جامد بمكانه حتى ما مد أيده عليه واني ابچي بحظنه ما منتبهة على نفسي كل اللي جنت احسه راح افقد سندي من جديد .. شوية وحچى بهدوء

مَتين :- كافي لا تبچين

أمامة :- عبالي صار بيك شي گلبي وگع مني

مَتين :- ما بيه كافي

أمامة :- لا تعوفني وتروح مثل بابا عمو والله ما اتحمل بعد

_ ما اروح بس شوية وخري حرام بابا

رفعت راسي امسح بعيوني واحچي

_ شنو الحرام

_ ميصير تحظنيني حرام

_ العفو مو قصدي شي بس من الخوف عليك

_ لا تخافين مابيه شي وكافي بچي عيونج حمر صارت

_ العيادة متغلشه بالطلق

_ فدوة المهم الولد سالمين

_ لا تنقهر عمو فدوة الك اهم شي انتَ وياهم بخير

هز راسه بدون ما يرد بقيت يمه ما طلعت رجع هو سكتت وبالي مشغول الى ان انفتح الباب ودخل جدو وره الباقين

مهران :- اعرف گعدتها هاي وراها سالفه جبيرة مَتين لا تحطني وره ظهرك ورجني على البالك

مَتين :- كل خير