قـلعـة الشيــوخ ( قلعة الشيخ مهران)

حلقه (٤٩)

قلعة الشيوخ ( قلعة الشيخ مهران)

حلقه ٤٩ بقلم ياسـة

من لا يفهـم نظـرة لا يفهم
شــرحٍ طويــل

.................................

كرم جاب آراي واجى جدو طلع واني وراه ليش جابه خفت لا صاير وياه شي بخصوص گلبه طلعت اباوع على اخوي من فوگ ليجوه

مهران :- ها بويــة شو جايبه وجاي سلامات

كرم :- بقى يبچي و خفت عليه لا يتعب گلبه الهذا السبب جبته هو اليوم ماكو دروس عادي يرجع من وگت

مهران :- يطيك العافية يبوية ما قصرت

كرم :- تمونون شيخنا بصراحه هو وضعه يختلف وتعرف انتَ هيج حالات الهم مدارس خاصة بس هنا بالسلف ماكو هيج مدارس وانتَ غالي علينا والخاطرك عمي وافق يسجله يمنا ومن وافقنا عليه بعد صار من مسؤوليتنا واكيد من اشوفه هيج يبچي لازم اجيبه الكم

مهران :- ما قصرتوا لا انتَ ولا عمك الأستاذ فاروق هو هم حچالي لازم اخذه المدرسة خاصه بس يبوية انه اخاف عليه من الدرب البعيد  و شوفت عينك السلف مابيه من هاي المدارس وبنفس الوكت أنه أأمن بيكم اكثر من غيركم

أمامة :- هو وضعها مو سيء يعني نسبتة بسيطة وعقله تمام صح شوية اللسانه ثگيل بس الحمدلله وضعه يسمح يسجل بمدارس عادية

كرم :- هو يعتبر من ذوي الاحتياحات الخاصة وذوي الاحتياجات الخاص بصورة عامة مدارسهم خاصه بس بهيج اماكن مثل القرى والارياف ماكو مدارس واصلاً الاهالي ما يهتمون التعليمهم انتم اول ناس يجيبون ابنهم ويسجلونه

مهران :- هذا زلمتي المعدل اسجلة وانه الممنون

كرم :- الله يحفظك شيخنا العزيز

أمامة :- بس عفيه أستاذ هيج راح يتعود ويبقى يبچي حتى ترجعه للبيت شلون بهاي الحاله

كرم :- لا انه اعرف اتصرف وياه بس اليوم عوفوا يرتاح خطيه بچى هواي

مهران :- يطيك العافية بوية ما قصرت

كرم :- واجبي هذا ، شيخ بس اريدك بموضوع اذا ما بيها زحمه عليك

مهران :- گول بوية اسمعك

اني بس سمعته حچى هيج بسرعه لزمت آراي من إيده ودخلنا جوى و جدو بقى واگف يم كرم يحچون بيناتهم ما عرفت بعد شنو الحديث الدار بيناتهم ولا الموضوع اللي يريد يحچي بيه كرم
ربع ساعه تقريباً بين ما بدلت الآراي وطلعت للمطبخ اريد اجيبله شي ياكل دخلت غزاله تحضر بالچاي

ابتهال :- ياهو عدنا خالي ما گالج المن يريد هذا الچاي

غزاله :-  يمكن المعلم آراي استاذ كرم