قـلعـة الشيــوخ ( قلعة الشيخ مهران)

حلقه (٣٩)

قلعة الشيوخ ( قلعة الشيخ مهران)
حلقه ٣٩ بقلم يــاسـة

لا افــهـم أي مـعـنى للـمـوت لكـن ما دام مـحـتـمـاً
فــلنفعل شيـئـاً يبرر حـيـاتـنـا
فــلنـتـرك بـصـمـه علـى هـذة الأرض
قـبل أن نـغـادرهــا

.........................................

أمامة :- تفضلي

سلر :- لا مو هـنا تعالي برى بالحديقه

_ تمام

طلعنا اني وياها للحديقة الدنيا عصر والجو يجنن وريحة الزرع ماليه المكان سألتها شنو رايده مني

أمامة :- تفضلي أسمعــج شنو تردين

سلر :- انه اسفه سويت عركه وياج و شمرت عليج تهمه وانتِ لا بيها ولا عليها

_ عادي ســوء فهم صار لا تهتمين

_ انه اعرف مَتين واعرف اخلاقه وادري بيج شنو بالنسبه اله هو يحبج على حب أبوج الله يرحمه
ويحسج أمانه برگبته بس بعد شـأسوي الامي هي حطت هاي الفكره بـبالي

_ تعرفين المشكلة مو بـ أمج المشكله بيج انتِ

_ شلون بيه وهي اللي أجت وگالت رجلج راح ياخذ بنت مؤنس حرمه اله وحلفت سامعه خالي يگله إذا صار شي عليه أمامة تظل عندك

_ يعني إذا حچى هيج جدو وأمني عند عمو معناها زوجتوني اله هو معتمد على عمو بكل شي و اكيد جاي يشوفه سند الي من بعده ليش هيج فريتوا الموضوع باعي اني أحب عمو وأحترمه وما يخطر ولا راح يخطر على بالي بيوم هيج موضوع لان هو بالنسبة الي بمثابة عمو سند

_ صارت بعد

_ ياريت تقوين شخصيتج و تخلين النفسج كلمه ولا تبقين تاخذين كلام الناس وتصدگين بل ينگال الج هيج راح تفقدين ثقتج بنفسج وثقتج بزوجج و راح تتأذين نفسياً بسبب هالافكار و بنفس الوقت راح تخربين بيتج اي شي تسمعينه طنشيه و ثقي بنفسج وبزوجج

_ حتى مَتين گال مثلج يگول اذا بقيتي تسمعين من فلان وعلان راح تهجمين بيتج بيدج

_ و الله عمو حباب وخلوق و محترم ما عنده سوالف تعبانه لا تسمحين الاحد يشوهه صورته گدامج المفروض تدافعين اله مو تصدگين بالناس

_ من وانه صغيرة اخذ كلام أمي وأخواتي من وانه صغيرة امشي وراهن شگد مَتين حچى وياي وعلمني بس ما اگدر متعلمه من الصغر و بنفس الوگت اخافن منهن لا يزعلن عليه إذا ما اسمع كلامهن وامشي بيه