قـلعـة الشيــوخ ( قلعة الشيخ مهران)

(أحداث 2)

قلعة الشيوخ (قلعة الشيخ مهران)

بقلم ياسة 🍃

الفراشــة رغـم جمالها حشــرة
والصبـار رغـــم قســوته زهـرة
فلا تحكم على الناس من اشـكالهم
بل احـكم عليهم بمـا تحتوي قلوبهم

...............................

إمامـة :- اجانه صوت عمو إياد يريد متين
متين گام طلــع بسرعه واني رحت للميز مشطت وطفيت الضوء ورجعت نمت ظهري موتني من الفره وراه عمو أسير والجهال بقيت انتظره يرجع تأخر برى ما اعرف شنو الموضوع بس اتوقع على نفس المشكلة اخر شي نمت وإني انتظر ما اعرف شگد مر وقت وحسيت عليه غطاني وحظني
ساعه يمسح على شعري ساعه يبوس گصتي بعدين ابتعد واسمعه بدأ يشرب جكاير فتحت عيوني لگيته صافن بوجهي بس شافني فتحت أبتسم مقهور

إمامة :- ليش منايم الهسه

متين :- هسه راح انام إنتِ رجعي نامي

إمامة :- شنو راد منك عمو أياد

_ ماكو شي رجعي نامي حبيبتي باجر نحچي عود

سحبت إيده ونمت عليها بسرعه غفيت الصبح بالسبعه اسمع طقطقه بالكنتور گعدت من وره  الصوت شفته واگف و يطلع فلوس من الخانه

إمامة :- صباح الخير

متين :- صباح العافيه

_ وين رايح

_ عندي شغل

_ شغليش

_ بعدين احچيلج

_ تريد ريوك

_ لا عمري رجعي نامي

اباوعله اخذ مبلغ مبين من شكله جبير خلاه على الميز وطلع خمس دقايق ورجع لازم اكلاص الجاي بيد والايد الثانية بيها علاگه ضم الفلوس بيها وطلع
بعد ما گدرت انام گمت بوجهي للحمام غسلت وگعدت بالمطبخ محد گاعد حتى نينه وبيبي شيخة گامن ينامن للظهر  مو مثل قبل يگعدن من الفجر

اجيت اسوي جاي لگيته مسوي فتحت باب الطرمه وطلعت الجو يجنن وريحه الزرع من كل مكان تجي شغلت الماطور و سقيت الحديقه بعدني واگفه اسقي بيها شفته طلع من المضيف هو وعمو أياد بس شافني تفاجئ عباله رجعت نمت

متين :- شنو گعدتي مو كتلج رجعي نامي

إمامة :- شبعت نوم ، صباح الخير عمو

أياد :- صباح النور

إمامة :- حطلعون لو اسوي الكم ريوك

أياد :- سوي ريوك رحم الروح ابوج ميت من الجوع

إمامة :- صار تدلل

رجعت للمطبخ احظر بــ الريوك وعمو إياد دخل للصاله اجى متين عليه حظني من ظهري وباسني بركبتي

متين :- إمامتي

إمامة :- عيونها

أبتسم ورد