قـلعـة الشيــوخ ( قلعة الشيخ مهران)

حلقه (٢٣)

قلعة الشيوخ ( قلعة الشيخ مهران)
حلقه (٢٣) بقلم ياسـة

مهران  👇
أني وياك لا غالب ولا مغلوب
أنجرحنا أثنينه وانتهت سـد بسد

.......................

مهران :- أبتهال بنيت حكاية أخذتها العاصي وهسه عندها ثنين وليدات

تاضي :- يا صلاوات شلونج خالة إن شآء الله زينة

أبتهال :- الحمدلله خالة على الله

تاضي :- چا وين وليداتج خلني أشوفهم

أبتهال :- يلعبون هناك بره

شيخة :- يله يمه زهبتن الزاد خالج ما بيه فايدة يطلع هناك جيبنه هنا

أبتهال :- وانتم تاكلون وياه لو نصب الكم وحدكم

مهران :- خالتج أم أسير و الولاد يمي ياكلون

هزت راسها ضايجة جنها ما عجبها نگعد يم مهران
عافتنا ومشت شوية ودشن باگي البنيات والوليدات سلموا علينا وطلعوا

تغدينا وكفن مواعينهن وجابن الجاي وانه عيوني تروح وترد على الحجرة غريضاتي بعدهن هنه هنه
موعيناتي بمجانهن ما متغيرات

الولاد شربوا جايهم وگاموا ويا الباگين طلعوا للمظيف يگعدون وبس انه ومهران ضلينا بالحجرة عاين عليه وتبسم

مهران :- حجرتج مثل ما عفتيها ضلت قفلت بابها
ما خليت احد يدش بيها من بعدج وحتى انه مالي عين ادش بيها جنت اگرب صوبها اريد ادش الها بس گلبي يظل يوجعني اطيح واشرد منها بعيد حتى الگصر هجرته من غاب حسج منه

تاضي :- الفات مات واكو رب يحاسب بسك لا تحجي وتگدر رويحتك وانتَ ماهو طيب

_كاره روحي يا تاضي عبن جنت غشيم وعدوي گاعد بداري وياكل من لحم جتافي هذا جزاتي جيف حميتها من إخوتها وسويتها مرة وگعدتها بگصري

_ اكو وادم ما يجي بعينهم الزين وهمهم بس ارواحهم وهي رادت تكوش على كُل شيء ونست اكو رب فوگ الرأس ما يرضا بالظلم

_يو بيدي اموتها حلال بس وگفوا بعيني الولاد والبنيات الوادم يو سمعت انه الجاتلها راح تجيب وتحط بهالسوالف وينكسر بختهم لهذا السبب ما جتلتها حد الموت خليت اثر بيها ما تنساه طول عمرها

_ لا تخلِ مَتين يدري بسوالف فريال ولا تخلِ مؤنس يدري  هجتنا من السلف بسبتها عبنهم بعدهم بطيشهم ويروحون يعملون شيء غلط

_وهذا الجاسر ظهري ومربطني خوفي عليهم هو المسكتني ومربط إديه عنها

_ ما عاش اللي يجسرلك چلمة موش يجسر ظهرك خلها تولي الله اللي يجازي وانه سلمتها
بيد ربي