قـلعـة الشيــوخ ( قلعة الشيخ مهران)

توضيح

  مساء الخيرات والمسرات عليكم جميعاً

من الـبـارحه لليـوم اشوف تعليقاتكم وملامتكم على الشيخ مهران شلون ما دور وين جان وليش هيج تركهم الشيخ ما تركهم ابد ابد طول السنين ديورهم وبغداد مو فرع وفرعين حتى تردونه يلگاهم من الصبح

غلطة الشيخ جان يدورهم بالمناطق الشعبية
وبالدوائر الحكومية المسؤله عن المناطق الشعبية
وتاضي واطفالها وين جانوا عايشين جانو بالاعظمية

وهو مستحيل تخطر على باله يگعدون بالاعظمية
لان المنطقه راقيــه وغالية وبنفس الوقت
الطائفة الساكنه بهذي المنطقه تختلف عن طائفتهم لذالك ما جانت بحسبته هالمنطقة

بقى يدورهم باطراف بغداد وبمناطق بغداد الشعبية لان يعرف ما عدهم امكانية يعيشون
بغير مناطق

الشيخ يگول ما فكرت للحظه وحده تعيشون بالاعظمية ولا خطر على بالي بيوم من الايام الگاكم بيها واخر مكان بالعالم يمكن جنت ادوره بسبب حالتكم المادية لان اعرف ما عدكم امكانية تشترون لو تأجرون هناك

الرجال انجلط مرتين بسب القهر عليهم
والتفكير بيهم شنو يطلع بيده بعد

وبالنسبه الوضعه جان اصعب من وضع تاضي
بعيداَ عن العوز والضيم الشافته تاضي بس تبقى احسن شلون احسن منه اني اگول الكم شلون لان سمعت عنه ميت ونامت وهي مأمنه هو يم ربها  اما هو يعرف بيهم عايشين ويعرف بيهم محتاجين بس ما بيده شي عليهم وباقي مضيعهم
بهاي الدنيا الصعبه

الشيخ جان  يگول التاضي

-- ما حطيت زاد بحلگي يو ما ذكرت جوعتكم
ما نزل ماي بزردومي يو ما ذكرت عطشتكم
جنت اهج بالليل من الگصر عبن الهوى يضيگ
بريتي و اول مره انجلطت بيها جانت بالليل
بنص السلف طحت وانه وحدي ومحد وياي

-- جنت اروح صوب المشروع واشمر روحي بيه
بلكن يبرد گلبي ببرودت الماي

-- انه ما ضيعتكم انه ضيعت روحي

اما عن فريال اكيد ما راح اوضح شي هسه
لان بالايام الجايه راح يتوضخ كل شيء الكم
واكيد ما راح يتوضح بــ بارت لو بارتين بكل بارت
راح نذكر حدث الكم

القصة بعدهي بداية احدثها انطوني مجال اخذ راحتي بسرد التفاصيل المبهمه الكم

هواي احداث مخفينه عن الشيخ من ناحيه شيخة  ومن ناحية فريال وحتى حسنة وفريدة   بعد ما حجينه بيها ولا وضحناها هسه يله 15 بارت
غير كلش شيء يتوضح بالتسلسل خو ما اگعد
انزل كل الاحداث بارت واحد واگعد اوضح كل الصار بارت واحد

لكم يعني خو ما تردون حار ومكسب ما يصير هيج انتظرو شويه  💔😢

وبخصوص إعمارهم

الشيخ مهران مواليد ١٩٣٢

تاضي مواليد ١950

راح تگولن شلون 50 انتِ مو كاتبة 49 بنات صح كاتبة 49 بس بنهاية وفترة الحمل تسع اشهر لا تنسونها يعني حجيه تاضي مواليد 50

أسير مواليد ١٩٦٥

عاصي مواليد ١٩٦٧

مؤنس مواليد ١٩٦٩

سند مواليد ١٩٧٣

متين مواليد ١٩٧٧

انتبهولي على الاعمار ورجاء اخوي لا تتجاوزون على احد حتى وان كان ظالم لان ما تعرفون منو عايش ومنو ميت بيهم اقصد على جميع الشخصيات  الموجوده بالقصة

وبالختام واليرحم اهلكم من تقرون ركزو
ما يصير تقرون كلمه واطفرون كلمه وبعدين تجون تگولن شلون هيج صار وليش هيج صار  وتردون من عندي تبرير

كل شيء يتوضح بس بالتسلسل
لا تستعجلون على شيء ♥️

كل الحب الكــم يــاسـة 🍃