قـلعـة الشيــوخ ( قلعة الشيخ مهران)

حلقة (١٠)

مســاء الخير عليكم

اول شي اعرف البارت قصير بس إني اليوم طالعه من البيت لذلك التمس العذر منكم  😥
وثانياً البنات اللي تطلع يمهم البارتات مخربطه حذفوها ورجعوا نزلو و قبل لا تبدون تقرون
هذا البارت راح يكون هادئ تگدرون تعتبرونه بارت تعريفي عن الاولاد من وراها راح تبلش الاحداث وهسه متابعه ممتعه لا تنسون تصويتكم وتفاعلكم وتوقعاتكم الحلوووه ❤️ ❤️

قلعة الشيخ مهران
حلقة ١٠ بقلم ياسـة

....................

مهران :- اللهم صلِ على محمد وآل بيت محمد هذا هو أسـمه عــاصـي

فريال :- وشنهي هي تسمي أبني وين رحت انه متت قابل

مهران :- هي خالته وهي صاحبة فضل عليجن كلجن عبن اخذتن زلمتها منها وضلت ساكته عنجن

شيخة تبسمت مقهورة وانه ادنيت يم فريال حبيتها وتباركت الها ردت عليه من وره خشمها گمت منها و رديت على الولد اخذته حبيته وطلعت من الحجرة گلبي بغير عالم يسولف اجت وراي شيخـة

شيـخة :- شنهي شگالو الكم

تاضي :- شنهي الما گالو يا اخيتي وشچايت همي

_اسم الله الرحمـن شبيج

بساع طاحت دموعــي والنفس ضاگ بريتي

شيخة :- يا شمالج خية ياهو وياج

تاضي :- طلع مريض ابني ما يفهم

_ دخيلك يا ابا الحسن شنهي هذا الحچي گولي يا الله

_الدختور اللي بالولايه هو گال هالحجي موش مني

_بسم الله الرحمن الرحيم سور سليمان إبن داوّد عليه

_تعالي ليه وجابليني شلون بيه انكسر ظهري بالخبر

_الحمدلله والشكر گول يا الله

عفتها ورديت الحجرتي وانه ياهو اللي يسكتني عيوني عمت من البچي والنوح يوم يجر يوم وليلة تجر ليلة لحد ما صار شهر وبهذا الشهر رضوان عرس على بت حجي شامي حسنـة و نهاية اخذت أبن حچي شامي صارن گصه بگصه مهران ما جاي هاوي يزوج اخيته الهم بس هي فاتها الوكت ورضوان يدگ عليه وانه وشيخة نقنع بيه لحد ما قنع وانطاها الهم وبيوم الزفه ما نام للصبح

تاضي :- شبلاك يبو أسير قابل اول وحيده تاخذ موش اخياتها اخذن گبلها وخلفن والله سترهن لا تضل تفكر بالبت خلها تنسعد

مهران :- گلبي موش راضي على العرس احس راح تنظلم

_يااع شنهي تنظلم بت اخذت وراحت بحالها بيش مفاولها

_ما مرتاح وروح ابوي ما مرتاح خايف لا اكون غلطت وما حافظت عليها

_ما غلطت عملت الصح البت اجت قسمتها وراحت البيتها و زلمتها گول يا الله وانعل الشيطان