قـلعـة الشيــوخ ( قلعة الشيخ مهران)

حلقه (٤٥)

وحده من المتابعات لگيتها دازتلي ياسة اليوم مو عيد وفرح بمناسبة هذا الفرح و تتويج الأمام المهدي نريد عيدية منج

إني هنا اكيد ما اگدر ارفض هيج طلب وهاي احلى عيدية الكم  وكل عام وانتم بالف خير جعلكم الله من جنودة وأنصارة وأدعولي بطريقكم الله يسهل عليه الشغلة الناوية عليها واحصلها عليها بدون عراقيل وتعب  ♥️

قلعة الشيوخ (قلعة الشيخ مهران)
حلقه ٤٥ بقلم ياسـة

الى أحدهم
تحتاج قليلاً من الجنـون لتنجز أشياء عظيمة

.................................

مَتين :- وين

أمامة :- اودع خــاله

مَتين :- على غرفتج

باوعت اله متفاجأة شنو هالكلام ليش ميقبل اطلع وليش اصلاً معصب وضايج مني ما مسويه شيء أني

أمامة :- شبـيك عمو

مَتين :- مابيه شيء ادخلي الغرفتج ارتاحي

أمامة :- اريد اودع خاله

_ ناس غرب برى

_ اي هذول عبدالله وعمو وعمر عادي مو غريبين

_ اخوانج اخوالج اعمامج يقربولج من العشيرة شلون مو غريبين أمامة روحي الغرفتج حبابه

لزمتني العبرة شويه وابچي من كلامه ما اعرف شلون تمالكت نفسي وما بجيت رجعت للغرفه دخلت وسديت الباب شويه ورجع العياط بالبيت وجدو يسب وينعل بــ إسلام وگفت وراه الباب
احاول اسمع إسلام شنو حچى وياهم وهيج جدو وعمو سند معصبين من عنده

عاصي :- گول يا الله بوية شني السالفه ما تسوى

مهران :- وانتَ وبزرتك تعرفون الله ولكم يشهرني ويفضحني چدام العالم و روح ابوي اليوم اذب بيه سند من العشيرة وبعد ماله گعده هنا

إيهاب :- جدي ترى هالمره اسلام ما غلطان أنتَ انطيت كلمه الاهل كرم شلون تسكت من يخطبونها بعدين هي شكو معرسه عوفها تكمل بعدهي صغيرة مو وضع هذا يوميه جايينا واحد
لو ترفض العالم لو تنطيها

مهران :- ما سكتت ولكم بعدني ما راد وهو سبگني وگام يصيح على الوادم ما عندنا مره و هي مخطوبه انه خاطبها ادب سزز السايب شوكت خطبها اجيت وراه اگله تريدها يگلي لا

سند :- وين راح اليوم اكسره ومحمد اذا ما يريدها شكو عارض بقسمتها

عاصي :- لا ما يريدها هي اخته خله يولي يحچي وحده