သူ့ကို စိုက်ကြည့်နေသည့် လူသားက သူနဲ့နီးနီးကပ်ကပ်ထိ တိုးလိုက်ရင်း သူ့ပါးစပ်ကိုဟကာ လျှာဖျားလေးဖြင့် ဆိုလာသည်။
"ဟယ်လို" "သားကောင်ကို မဆုတ်မနစ်လိုက်သူလေး လီယို"
လီယိုကတော့ တိတ်ဆိတ်နေခဲ့သည်။ ဒီလူကို နှစ်ပေါင်းများစွာ ခြေရာခံပြီးနောက် သူရလိုက်တာက ဒေါသမထိန်းနိုင်မှု၊သံသယဝင်တက်မှုများနှင့် စိတ်ခံစားချက်ပေါင်းစုံသာ။ ထိုသူကို သူဖမ်းမိလျှင် သူ့စိတ်ခံစားချက် ဘယ်လိုဖြစ်မည်ဆိုတာလည်း သူအကြိမ်ပေါင်းများစွာ တွေးကြည့်ခဲ့ပြီးပြီ။ သို့ရာတွင် လက်ရှိအခြေအနေမှာတော့ သူစကားတစ်ခွန်းမှ ထွက်မလာနိုင်ပေ။ သူ့နားသို့ မထင်မှတ်စွာ နီးကပ်လာမှုကြီးက သူ့စိတ်တွေကို ကယောက်ကယက်ဖြစ်စေပြီး သူ့အဖြစ်က ကြေမွအောင်နယ်ပြီးသား အသုတ်ကြီးထဲသို့ စေးပျစ်ပျစ်ဆော့စ်များ ထပ်ထည့်လိုက်သလို အတော်ပင် နေရခက်စေသည်။
သို့ဖြစ်၍ ရှားချွမ်ကသာ အရင်ဉီးဆောင်ပြီး စကားစလာသည်။
"လာ ငါ့နောက်ကလိုက်ခဲ့။ ဒီပိုက်လိုင်းကနေ ထွက်သွားရအောင်။ ဒီနေရာမှာ ယန္တရားတွေအများကြီးရှိတယ်။ မင်းသာ လျှောက်ပြီး ဘာအစီအစဉ်မှမရှိဘဲ သွားနေဉီးမယ်ဆိုရင် မင်းအစိတ်စိတ်အမွှာမွှာဖြစ်သွားလိမ့်မယ်။ ဒီနေရာရဲ့ အဓိကနေရာက အပေါ်ဆုံးထပ်က အိပ်ခန်းရှိတဲ့အခန်းဘဲ။ မင်းအဲ့ဒီ့ ကျွမ်းကျင်လူသတ်သမားနှစ်ယောက်နဲ့ တစ်ယောက်တည်း စိန်ခေါ်ချင်မယ်လို့တော့ ငါမထင်ဘူး။"
လီယိုက သူ့ရဲ့ဒဏ်ရာရနေတဲ့ ခြေထောက်တွေကို စတင်လှုပ်ရှားလိုက်ရင်း ပိုက်လိုင်းထဲတွင် တွားသွားလိုက်သည်။ သူတို့အတော်ကြာ တွားသွားနေပြီးတဲ့နောက်မှာတော့ လီယိုက တစ်ဖက်သူရဲ့ဘာသာစကားကျွမ်းကျင်မှုကို အတော်ပင် သတိထားမိသွားသည်။ သူမေးချင်နေသည့် မေးခွန်းများ အများအပြားရှိသော်လည်း လက်ရှိအခြေအနေတွင် အရေးကြီးဆုံးသော မေးခွန်းကိုမေးလိုက်သည်။
"ဒီနေရာက ဘယ်နေရာလဲ???"
"ဟုမ်းစ် လူသတ်ရဲတိုက်လေ...မင်းကြားဖူးလား??"
"ရှားလော့ဟုမ်းစ်လား???"
"မဟုတ်ဘူး...နာမည်ကြီးတဲ့ စုံထောက်မဟုတ်ဘူး။ H.H.ဟုမ်းစ်လေ။"
YOU ARE READING
The Last Killer (Myanmar Translation)
ActionI don't own this novel.I just translate it and full credit to Original translator! Name- The Last Killer Original Author- 无射(Wú shè) အမှုတွဲ Total: 7ခု "လူတိုင်းရဲ့ နှလုံးသားထဲမှာ သူတို့ရဲ့ကိုယ်ပိုင် မကောင်းဆိုးဝါးရှိတယ် စုံထောက်ကြီး မင်းမှာ ရောပေါ့"
