#بين احضان الجحيم
----------بسم ﷲ الرحمن الرحيم-------------
لا تنسون التصويت +التعليق بين الفقرات حلواتي ♥🫂
الحَاضر :
واکفة كدام مرايتي وصافنة مَر شريط حياتي كامل گبالي سافرت لعدة محطات بدون ما أتحرك شگد مريت بتجارب صعبة وشگد حاربت وتحملت هواي وثبتت لنفسي أني أمرآة من نسل حواء قوية محد يگدر يهزمني رغم الي صار بحياتي والي واجهته اني وصغيرة بقيت بكل ثبات وبكل قوة احارب الكُل التفتت على صوته واني اتأمل وجهه شگد يشبهني بالشكل بس التصرفات نفس أبو حتى أبسط التفاصيل متشاركين بيهن الأب وابنه..
أبتسم بوجهي گلي ماما شبيچ صافنة گتله صافنة بشكلك الحلو شگد تشبه بابا
_ بس ماما بابا يگول تشبه امك ومن نتزاعل اني وامك ابقيك يمي لان تشبها
_ وانتَ تقبل ابوك يزعلني ؟
_ لا غير انتِ غيمتنا ..
رحت ابوس بي واضحك نفتح الباب ودخل علينا شافنا نضحك گال
_ تضحكون وتبوسون بدوني ها ولكم صار يضحك تقرب مني وطبع قبلة خفيفة على عيوني وگال
"اضمچ بيهن ياب أشر على رموشة"
العَودة إلى الماضي :
الدنيا المغرب والجو بارد حيل نايمة ومتلفلفة بالبطانة اني واختي وحدة تجر طول وحدة تجر عرض وانتظر أبوية يجي يجيب لبلبي ويا
نَشمية : گومو ماما دنيا المغرب ميجوز تنامون
طلعنا للصالة والنعاس بعيوني حچة اخوي
شَهم : اكو واحد ينام هيچ وكت وبهذا برد
عَسل : هوَ الواحد ينام هيچ وكت حَتى يتدفئ
شَهم : دروحي الصوبة تسوة ابو البطانية
اشوفهم يحچون ومالي خلگ اجاوبهم من البرد والنعاس جتي أمي بيدها الحب وتحمي على الصوبة وتنطينا نكرز
عَسل : أمي بَس يجي بابا اگله يجبلي روب اتدفئ بي
گمزت من يمي وگلت
غَيم : اني هم يجيبلي
عَسل صاحت : انتِ شكوو
جرني شهم لحضنة وحچة
شَهم: أني اجيبلچ وأصلاً أبوية يشتريلچ قبلها غير انتِ غيمتة
غَيم:برطمت وكتله شوفها شلون تعيط عليه واني مگتلها شي ، نزع الچاكيت وغطاني بي وباوع لـ عَسل وگال
شَهم : هاي اني دفيت غيمتي بچاكيتي وانتِ انتظري البابا صاحت امي
نَشمية : هسه الي يسمعكم يگول ضالين بدون ملابس واحد يغطي الثاني شبيكم يايمة
بهل أثناء ندگ الباب من دگته عرفنا ابوية صرنا نتسابق اني و عسل منو تفتح الباب اول.. فتحت الباب وابتسمت اله ذب العلاليگ وفتح ايدينة
محمود : هلا يابة هلا ببنياتي هلا بدوة جروحي
حضنا اني وعَسل كُل وحدة من جهه وامي واگفىٰ ورانا مبتسمة شالني راح يمشي بأتجاه امي باس راسها وجر خشمها حركته المعتاده ويه امي ضحكت امي وطبينه للهول وهو شايلني ع كلبه
نَشمية: الله يساعدك عيوني
محمود : ويساعدچ حبيبة شلونكم
نشمية : نعمة من الله بس ليش تأخرت
محمود : صارت عندي شغلة گلت حرامات ارجع خوما احتاجيتوا شي؟
نشمية : لا بس ضل بالي عليك ، دنزلها ياعيني مو صارت شكبرها گاطع نفسك وشايلها
محمود : احلى من العسل على گلبي شعندي غيرهن بنيات روحي ذني وهاي غيمتي بعد...
عسل: ها بابا بس غيمتك مو واني شنو لعد
محمود : انتِ الروح والرية اويلي شلون ويا رية وسكينة ثنينكم احبكم
أنت تقرأ
بين احضان الجحيم
General Fictionتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
