"مرَّت بي أيام كدت ألفظ فيها قلبي من شدة مرارتها، كنت أشعر أنها لن تمرّ، لكنها مرّت، هذه الأيام أيضًا ستمر ✨🩵
حلواتي لاتنسون التصويت والتعليقات بين الفقرات
غيم: بقينه فتره ما يقارب الاسبوعين عند بيت أهل امي ما انكر جانت بيبي كلش تحبنه وحنينه علينا بس مشاكل خوالي ونسوانهم مخلصت لأن احنه هناك جنت اشوف امي تلوب متكدر تحجي بس تاكل بروحها وتحس نفسها ثكيله عليهم بعد فتره اجه بابا جنت كاعده بالمرجوحه وافكر بابا مو كلي بعد اسبوع اسجلج مدرسه ليش راح ليش تأخر سارحه بالسماء وسمعت صوته ورايه
محمود: وين صافنه عزيزة روحي بشنو تفكر
غيم: التفتت ع مصدر الصوت وكمت بلهفه باوعلي والضحكه تارسه وجهه فتح ايديه ثنينهم وكال
محمود: هلا بويه هلا هلا بالما مش بشر ياخذ مكانج يبعد ابوج ورويحته اشتاكيتلي بويه
غيم: يحجي وهو مبتسم وحاضني لصدره اردفت بدون ما اجر نفس اشتاقيتلك بابا هوايه شوكت نروح لبيتنا ليش متجينه شوكت تسجلني مدرسه... ضمني لصدره اكثر وضحك
محمود بضحكه: يواش بويه يواشج عليه كليتيني بكشوري خليني اجرن نفس احجيلي كلمه امج خواتج وين ماشوفنهم يمج
غيم: جوه بابا كاعدين ومهاب طالع
محمود: اويلي يا بويه هل مهاب شلع گلبي بسوالفه ليمته اضل اعلم بي تعاي بويه نسلم عليهم
غيم: اخذني وطببنه جوه اول ما كال يا الله طلعو غزل وعسل يركضون وامي وراهم اخذهم ابويه ثنينهم لحضنه وابتسم لأمي صاحلها تعالي بويه عليمن واكفه بعيد جنج ما هاويه جيتي
نشمية: لا شلون مهاويه جيتك بس زعلانه عليك لا تجي لا تكول اشوفهم ادز مصرف بيد مصعب لو بيد شهم وانت ما تجي
محمود: بويه يشهد الله راسي ما حاكه اجرت بيت وجهزته عبن رايدكم ترجعون يمي اهجس كليبي طاك عليكم واني يهلي گلبي افاركم ماردت تتبهذلين انتي والبنات كملت كلشي اني ومصعب وشهم وهاي اني جيت اخذكم
نشمية بصدمة: يا شوكت اجرت شوكت كملت واني اسأل ولدك يكلولي بعده ما مسوي شي وجاي يبات يم عمتي جاهده
محمود: اني وصيتهم ما يحجون ردت اجهز كلشي واجي اخذكم بيدي يلا بويه بين ما اسلم ع عمتي والولد الكاكم جاهزين مو
غزل: بابا جاهز كلشي اصلا احنه ملابسنه بالجنط جنت ادري راح تجي هاي اليومين
محمود: بنيتي العاقله الفاهمه عبن تحسين بگلب ابوج ما هيج
نشمية: وشنو قصدك عيني اني ما احس بگلبك هسه صارن بس بناتك يحسن... حجيت ودرت وجهي زعلانه منه
محمود بضحكه: واني اكدر عليج وعلى زعلج بويه غير انتي الگلب والروح ام جمارات گلبي انتي تعقليها اگول ما تحس بگلبي
أنت تقرأ
بين احضان الجحيم
General Fictionتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
