_بين _احضان _الجحيم
----بسم الله الرحمن الرحيم----
وصبحت يهلي على
اجفون الخواطر.. غاليات
وطيفكم .. طيفكم عاود
على اعيوني حنينه
وجرعت روحي لجلكم
حنظل الوحشه
ولكيت الروح بالصفنات امينه
وذاك من ذاك ال لكه النجمه العزيزه
بلا سما ودكلها عينه
وذاك من ذاك ال يحط كلب
اعله جفه
ويغسل ابآخرنزف وجه المدينه
وبينه بينه
شما تعب لف المغازل بينه بينه
وبينه وبينه
شما ثكل صوت الهلاهل
بينه بينه
ومرت الوحشة على اجفوفي
خرز سبحه وتعب روجة بلم
وسالفه وضحكه ابدويه
تموت باطراف الندم.......
(عريان السيد خلف)
غيم: گلبي ينبض بقوه ما اعرف شعوري شنو من اشوفه واسمع صوته
طبيت يم البنات وعيوني متركزه على الباب اسمع اصواتهم يحجون وبالي وياهم
طب مصعب ضايج وكالب خلقته معاجبته جيت اشهب وادري لا هو ولا مهاب يطيقو وشنو السبب ما اعرف
مصعب: سوو جاي لهذا بلكي يشربه ويولي
عسل: شبيك هو هيج نستقبل الخطار
مصعب: اموت منه ما اطيقه شعنده جاي
ليال: ميخالف حبيبي عيب من امك اكيد جاي عليها وعلى بيبي هدلة ميصير هيج تحجي لا يسمعوك وياخذون على خاطرهم
باوعلي رافع حاجبة واشر علية
مصعب: شو بس انتي ما حجيتي وكلتي عيب وخطار
غيم: شعلية اني كل واحد حر نفسه يحجي اليعجبه
مصعب: ها يعني انتي هم تكرهي
غيم: ليش اكرها لا تنسى لو مو هو جان بعدني بالبتاوين اني
الولد صاحب فضل علية بعمري ما انسا
هز راسة بشك وطلع
كعدت بالكاع جريت نفس واخذت روح بحضني
روحي شو ماكو حضن ماكو بوسات حلوة مثلج
روح: زعلانه
غيم: اويلي بنيتي زعلانه منو مزعلها كلولي
روح: يصير ما تحبين ادم لو ميصير
غيم: لا خطية ميصير لازم نحبه
روح: يعني اذا ما تحبي يبجي ويموت
غيم: ضحكت ضحكة طويلة وهزيت راسي بمعنى اي
اخذتها عسل تعض بيها وتكرص بخدودها وهي خربانه ضحك
ثواني وسمعنا عياط امي هز البيت
نشمية: لحكوووولي امي راح تمووووت لك مصعب بيبيتك راح تروووح من ايدي لحكووو
غيم: طلعنا كلنا نتراكض صراخ امي يزيد وتزيد رجفتي ويا
رجلية كامت متعيني امشي
أنت تقرأ
بين احضان الجحيم
Fiksi Umumتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
