بين_احضان_الجحيم
----بسم الله الرحمن الرحيم----
يمدري شكد معزتكم
جبيره مرورة الدنيا واحليها بسوالفكم
ياكون بشارع الگاكم واعاتبكم
واغثكم بالعتب وين الله ودمعون
وشاقيكم وصالحكم كل ساعة تجون بالي واذكركم
من اجيكم دمعي يتراكض وصادفكم
وتكلولي شنو بجيك واحضنكم
وكلكم دخل بعيوني صم تراب ،
هذا الدمع مو منكم
جابولي صوركم حيل مرتاحين
ولا الفراگ غيركم!
وانه حسبالي يوجعكم
انه لمن شفتكم ماكو احساس
صرت اتمنه اشبهكم
يكلولي اشو كثران بيك الشيب
اذا الفراگ ماشيب شعركم؟
شنو يشيبكم!
الورق ياريت عده لسان ويكلكم
شكثر باجي برسايلكم
كالو عالبجي يعمى وجيت بلهفه اخبركم
انه ماهمني اعيوني بس فشله اذا رديت وانه اعمى!
بعد بيمن اشوفنكم.....
.
.
.
.
طول فتره سفري واني افكر ليش اشهب ما اتصل ليش عسل متحجي شي عنه من تخابرني
حالتي الصحيه تحسنت شويه بس اكو كسره بگلبي جبيره وقلقي على اشهب موضوع ثاني
مر شهر كامل على نفس الوضع ايام متستحق الذكر
وبيوم جوي بيت خالتي سعاد علينا وجابو طاري اشهب
سعاد: نشميه ما ترحين على سهيله نشوفها يكولون مضروبه جلطه وبالمستشفى
نشميه: قصدج سهليه ام اشهب
سعاد: اي غير على اساس جايهم خبر اشهب مستشهد ولحد الأن جثته ما لاكيها وما يقبلون يسووله فاتحه ولا شي امه ما تقبل وخطيه مجلوطه من القهر
نشمية: لاااا لج عيني كولي غيرها والله دره مال الله هل اشهب غير تموت ورا سهيله
غيم: واكفه يم باب الصاله منتظره داليا تلبس عبايتها نريد نروح للأسواق من كالت خالتي سعاد اشهب مستشهد
ضربت على صدري وشهكت ردت اصرخ
محسيت غير داليا تخلي ايدها على حلكي تكتم صوتي سحبتني من ايدي ودفعتني للغرفه
لج داليا سمعتتتتتي مووووو سمعتتتتتي انتي لج مستشهد مستشهد والله جنت حاسه بي شي جنت ادري
داليا: غيم لتفضحينا فدوه لا يسمعون مصعب لو مهاب مو اكيد الخبر على كيفج لتسوين بنفسج هيج
غيم: شلون مو اكيد شلون لج صارله شهر مختفي داليا هو يوم واحد ميكدر اذا ميخابرني ويحجي ويايه
داليا: وروح بيبي اني كلفت جماعة يسألون عليه من البارحة بس انطي مجال لنفسج لتسوين هيج غيم بعدج مريضه مو زين عليج
غيم: خليت راسي على جتفها وحاوطتني بيدها كوه كاتمه شهكاتي لا احد يسمعني
دفنت راسي بحضنها وصرت ابجي من كل گلبي
بس هو بقالي يارب لتاخذه مني
كلي ارجعلج وهم مراح يرجع
.
.
.
.
.
.
.
في مكان اخر.....
اشهب: من بعد وفاة ياسر الدنيا ظلمت بعيني
كمت اذب روحي بكل الواجبات وين مجان اطلع
أنت تقرأ
بين احضان الجحيم
General Fictionتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
