(بين احضان الجحيم)
----بسم الله الرحمن الرحيم----
لا تنسون التعليق والتصويت بين الفقرات حلواتي ❤
غيم: بقيت كاعده الشهكه بصدري واجر نفس بقوه اريد اترس ريتي هوى حسيته انكطع عني
رفعت وجهي وباوعت لعسل بأبتسامه رجعتلي الابتسامه وطبطبت على ظهري باوعتلها وكتلها..
عسل خفتي علية؟
عسل: وليش ما اخاف عليج قابل اني اكرهج ليش هيج تفكرين تره انتي غيمت بابا..
غيم: ابتسمت وهزيت راسي مديتلها ايدي وكمت لأمي
ماما اعذريني عليت صوتي عليج وعد متنعاد وانتي شفتي الصار
نشمية: روحي غيم ما اريد اعتذارج شوكت مترجعين خوش ادميه ذاك الوكت اقبل اعتذارج
غيم: باوعتلها بغصة وكتلها طلب اخير واترجاج مترفضي
نشمية: كولي انوب شنو طلباتج؟
غيم: شهم ما اريده يعرف بالصار حتى ليتعاركون هو مصعب
نشمية: لا شلون اكله اصلا انتن انتبهن لتحجن شي كدامة
غيم: رحت امشي بخطوات ثكيلة كوه ضامه دموعي طلعت ملابسي ورحت اسبح انفتح المي علية وجنه يكلي ابجي غيم ابجي لحد مترتاحين لحد ما تتعبين جانت قطرات المي تنزل علية مثل التيزاب احس روحي مهضومه حيل ماكو شي يطفي حركتي...
مر اليوم طبيعي وشكد ضغطت على نفسي حتى ما ابين لشهم بس هو مستمر يسألني شبيج يتفحصني من فوك ليجوه وجنه گلبه يدري بيه شي
على كعدتنا ودخل مهاب بهدوم العماله سلم عليهم وباوعلي مبتسم
مهاب: غيمه جبتلج شغله
غيم: شنو شجبتلي؟
مهاب: شغلة عاجبتج وحابتها
غيم: كوول شنو الله عليك تدري بيه فضولية
مهاب: تعالي وياية لطرمه وتشوفين
غيم: كمت امشي بفرح اريد اشوف شجايبلي وكفني يم الحديقة وكال غمضي
غمضت عيوني بقوة وحماس ثواني وكال فتحي
فتحت عيوني جان دب كلش جبير تقريباً بطولي وبي شريط ابيض بركبتة ومكتوب عليه غيمت الشتاء قدمليا وهو مبتسم
اخذت من ايدة فرحانة بي اوكفة بصفي واضحك على طولة
حضنت مهاب واضحك من كل گلبي مفتقدة الاهتمام من زمان
بادلني الحضن وباس راسي
مهاب: عجبج؟
غيم: يجنن من زمان عاجبني بس شلون جتي فكرة الكتابة على الشريط ببالك
أنت تقرأ
بين احضان الجحيم
Ficción Generalتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
