وكيف يعزّي المرء نفسه أذا كانت روحه هي التي فُقدت.؟.!!!
----بسم الله الرحمن الرحيم----
لا تنسون التصويت والتعليقات بين الفقرات حبيباتي ❤
سمعنا صوت الباب الي انهجمت مو اندكت وصوت يصيح عمي محموووود الحك ابنك مصعب مصعب رااااح
نشمية: كمت مفزوعة اركض وما اندل دريي وين احس رجلي تخيطت جان ابو مصعب كدامي طالع واكفه يم الطباخ وسمعت صوتة يصيح لك شبي ابن مصعب ويييين احجي
رائد: عمي مصعب مصعب راح اخذوو عمي اخذوو الامريكان الحك عليه رحمه على والديك عمي مصعب راح يضيع من ايدنا
محمود: شنو اخذو الامريكان انت شكاعد تحجي رائد ابني متأكد شلون اخذو ليش ابني شمسوي احجي بوية جاوبني بعد ما اسيطر اوكف على طولي من الرجفه ابني وين رائد بوية
نشمية: ييييمة ابني يمة سودة بوجهي شنوو اخذوو ابني سودة علية يمة محموود امشي ندور عليه اموت والله اموت اذا صار بمصعب شي فدوة اروحلك ابني يروح من ايدي اذا مدورت عليه هسة
محمود: صلي على نبيج كومي بويه لا تعملين هيج بروحج وين اروح ادوره هسه قابل اطلع افتر على الامريكان خليني افتهم السالفه واجيج بويه كومي حيلي يرجف ما اكدر احجي
نشمية: شتفتهم محمود شتفتهم ابنك الامريكان اخذو وانت تعرف ليطب يمهم ينسي شلون بية اريد ابني اريد ابني محموود فدوة
محمود: يابويه وحك ربج گلبي محروك و حيلي راح عبنه هذا جبيري وعزوتي رايح افتهم السالفه وادوره لا تخلين بالي يمج كومي على بنياتج يتصارخن من الخوف
غيم: وره مندكت الباب وعرفنا مصعب اخذو الامريكان امي ضلت ادك وتلطم اخوتي طلعو يركضون عسى ولعل يفتهمون ليش اخذو جنت اباوع على ابوية شلون كل جسمة يرجف وشفتة صارت بيضة.. اني وعسل نصرخ على صراخ امي بثواني بيتنا انكلب.. طلع ابوية ومشينا اني وعسل حضنه امي ونبجي وياها غزل كاعدة بالغرفة وحالها مو احسن من حالنا
محمود: طلعت افتر واسأل بالرايح والجاي بلكت اكدر الزم خيط وين اخذو وليدي وين راح مصعب حسيت روحي انسحنت والرجفة زادت بجسمي كعدت على الرصيف ارتاح لمحت شهم جاي بتجاهي يركض خليت ايدي على راسي احاول اخفف الرجفة لبية
شهم: يابة تسمعني شبيك لتوكع فدوة اروحلك احنا بحاجتك شد حيلك يابة خلي ندور على مصعب امي تموت بدونه والله انت تعرف شنو مصعب يم امي
محمود: بوية شسوي المن انشد على وليدي ياهو لرحتله ويكلي ابنك لا صوج ولا ذنب خذوهم هو وولد الخايبات ما تشوف المنطقه كايمه كاعده يا بويه كل بيت ماخذيلهم منه واحد شسوي بويه كلي
شهم: يابه ادري بس هم لازم نتحرك نشوف وين يودوهم على الاقل نتلاحك نخليله محامي شي
غيم: مرت ساعات واحنا على هذا وضعنا ابوية واخواني ولا واحد منهم بين امي تون وماكو بحلكها غير مصعب طبت بيبي هدلة وراحت امي شمرت روحها بحضنها
أنت تقرأ
بين احضان الجحيم
Fiksi Umumتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
