_بين_احضان_الجحيم
----بسم الله الرحمن الرحيم----
اعله يا ذمة توصيني؟؟؟....
وحياتي انت ونبض يسري بشراييني...
ويظل اسمك علامة توسم اسنيني.....
ولونك مو دمع ....ما شالتك عيني....
ويلوموني....أحسك تكبر بروحي...
ويلوموني....ونه بلا شوفتك
شينفعن اعيوني...؟؟؟؟
يشوكي...ورجوتي...ودنياتي ولوني....
وعذابي ولهفتي....وشكواي واضنوني....
يخيعونك عليه ...وبيك خيعوني....
يواهس تضحك الدنيه عله اشفافك....
يبو الليل الحلو اليلعب عله اجتافك....
أحس روحي تآمن بيك واتخافك....
واحسك ....مدري شنهو انت.....
لغز لا حجي ولا سكته...
ولا غيرك نبع بالشوك يرويني...
وتوصيني ....
لونك مو دمع ما شالتك عيني....
.
.
.
.
.
.
.
.
شهكت وخليت ايدي على حلكي بخوف فاتحه عيوني على وسعهن واني اشوف مهاب خله السجينه على بطن اشهب
ويا صرختي صرخ عمي منير
لااااااا مهااااب لا عميييي ديربالك
تراجع مهاب يجر نفس بقوه وينهت ايده ترجف
اشهب على وكفتة ماتحرك خطوة وحدة واكف ومبتسم يباوع عليهم
ركضت بسرعتي حضنت مهاب من بطنه واني ابجي وارجف كلني
فدوة رحتلك لا تتسرع اسمع مني خلي احجيلك
مهاب بس انت عندي بقيت ما اريد اخسرك
انت العاقل والفاهم
بقه منزل ايده مني واحس بنفسة يصعد وينزل سريع
حجة وهو ضاغط على اسنانه
وييييين جنتي غيييييم وووووين
احترك گلبي عليج ما خليت مكان ما دورتج بي
مصعب رااااد يموووت وانتي السبب
ابتعدت منة وامسح بعيوني الغوشت من الدموع
رخة كل جسمي من جاب اسم مصعب
وينه مصعب وين شفتة هااا شبي مصعب مهاب شبي
مسح على وجهه ونزل عيونة مبتعد مني
سمعت صوت امي وراية تحجي ويا عمي منير
انداريت عليها وهي تقدمت علية تباوعلي بنظرات عتب وخوف
حضنتها واني اشهك من كل گلبي
يمة مصعب شبي ليش مهاب يكول راد يموت ليش احد يبرد گلبي مننننننكم
نزلت دموعها بقهر وكوه تجمع الكلمات وتحجي
مصعب ضربته جلطتين وحالته خطرة صارلة اسبوع بالمستشفى
نزلت على ركبي ابجي بجركة احس گلبي راح يطلع من مكانة وجسمي يختض كلة
لييييش لييش وشلون صار هيج شلون يمة فهميني
رفعت راسي اباوع على امي وشفت ليال شايلة شهم وبصفها روح يبجون بدون صوت وعيونهم علية
أنت تقرأ
بين احضان الجحيم
ChickLitتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
