_بين_احضان_الجحيم
----بسم الله الرحمن الرحيم----
من قال أن فاقد الشيء لا يعطيه !!!
لقد منحت غيرى كل ما تمنيت أن أحظى به ...
أعطيت الحب بلا مقابل وأنا القلب الملئ بالندوب ...
منحت الدفئ بلا حدود وأنا ارتعش من البرد ..
زرعت الطمأنينة فى نفوسهم وأنا فى قمة احساسي بالخوف
كنت ومازلت ارصف لهم دروب المحبة والود وأنا التائه ابحث عن الطريق ...
فى كل مرة كنت أبذل شيئآ جميلآ من نفسى لأحد كأني أقول لها ستعود لك كل الأشياء الجميلة التي منحتها للآخرين ...
كنت وكأني أعتذر لها عن بشاعة هذا العالم كنت وكأني أقدم لها اعتذارآ عن كل السوء الذي صادفته ...
فاقد الشيء يفرغ قلبه بالكامل على طاولة الحياة ..
ويمنح فوق طاقتة لانه أدرى الناس بمرارة فقد هذا الشعور
فاقد الشيء يعطيه ببذخ لأنه
يعلم ألم فقدانة..... 👌🏻
.
.
.
.
.
.
.
.
(اشهب بيداء حامل)
الصدمة اعتلت وجهي وگلبي رجف
مو هذا الجنت محسب حسابه ولا جنت رايدة
طلعت من يم الشباب واتصلت بيها اول رنتين واجاني صوتها
ها اشهب
ودق منو كلكم هي حامل شلون عرفتوا يعني تأكدتوا خاف فلم من افلامها هذا
تأكدت بنفسي شلون فلم
وبعدين اشهب انت تزوجتها شتتوقع يعني ما راح يصير عندك طفل العمر كله
ودق لا تخبلوني مو كل الحجي ينحجي فهميني شلون تأكدتي منها تعرفوها شكد ملعبه وما ينكدر عليها
اكلك اني رحت وياها للمختبر وحللت
ضربت رجلي بالكاع وقفلت الخط بدون ما اجاوب ودق
بقيت اروح وارجع بمكاني نار وجت بيه
شلون راح اطلكها شلون اخطب غيم منو يكول ترضه بيه وتقبل تصير زوجه ثانيه
ورثت الجكاره ورجعت ظهري للحايط الحيرة اكلت گلبي رفعت راسي للسماء والهوى ضاك بصدري
ربي حلها من يمك ثكل حملي
شني اشوفك تحاجي نفسك
التفتت ابو ذيب واكف ورايه زفرت الدخان وكعدت بالكاع اجه تربع وكعد كبالي
همك جبير جنه
ورطه ابو ذيب ورطه
خيرك شني السالفه ويامن متورط
بيداء حامل
العب راح يشرف ولي العهد صاحب السمو
كفيلك العباس اذا ما كمت من وجهي الا اسوي وجهك خريطه
اكله ورطه يكلي يشرف ولي العهد
چا شني ابن الاثول صاحبتك ومتورط وياها غير حرمتك عليمن ورطه بعد
وغيم شلون اخطبها منو يكول توافق
انه اكلك ما ترضه كف عن البنت وشوف حياتك وهذا رزق واجاك
ما اعوفها
أنت تقرأ
بين احضان الجحيم
Ficción Generalتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
