-بين احضان الجحيم-
----بسم الله الرحمن الرحيم----
#سفر والليل كل انجومه مطفيه
ولا نسمة محنه #اتمر على الريه
#طويت سنين من عمري بحلم #مرعوب
واتوسد على #الشوغات ليليه
#ضكت مر الصبر والضيم والحيره
ولا مره ضكت لذه #آلحنيـه
#يمه... راح اموت وحزني ليهسه بـ مچانه
#يمه .... ثوبيلي ضحك ما ضاحك انه.
نزلت على ركبي وكعدت يم راسه
وكل اجزاء جسمي ترجف
خليت ايدي على صدره ورفعتها لوجهي انترست دم
متت لو بعد بيك نفس
اذا بعد بيك نفس حتى اخلص عليك بالكامل
شسويت بية دمرتني بكت سنين عمري مني
جنت ماشي بطريقي ليش طلعت وخربت حياتي
خليتني اظلم اكثر بشر جان لازم احافظ عليه
خليتني اكتلها بيدي هاي
هسة اجه دوري اخذ حقي منك
عمري كله ما راح اندم على السويته بيك ولو يرجع بية الزمن هم ما اتردد واكتلك خلاص
انت لازم تموت اشتر لازم تموت
تقربت عليه اتحسس النفس مالته
مابي نفس ولا بي نبض
ابتسمت ونزلت دمعتي
مسحت ظهر ايدي بوجهي وكمت وكفت
اخذت حقج منه غيم
وهسه دورج تاخذين حقج مني
جايج وبيدج تسلميني للعداله
واذا جان موتي يريحج هم موتيني
شمرت السلاح يم راسه وطلعت
اباوع بوجوه الناس وضايع
اشرت لتكسي وكفلي
وصلني لمنطقة *****
رجعت راسي ليوره وغمضت عيوني صارت صورتها كبالي جان عمرها سنتين
شايلها على جتافي وافتر بيها جانت تبجي على ابويه ومنتظرة جيتة
فزيت على صوت الولد وهو يصيح خويه شبيك تحاجي روحك محتاج شي
اني حجيت
صارلك ساعة تحجي بأسم غيم
نزلني يمك شكد حسابك
مابقه شي ونوصل ليش تنزل هنا
نزلني خوية غيرت طريقي
انطيته حسابه ونزلت امشي حيلي مهدود
وصلت يم باب بيت عمي منير دكيتها
انفتحت الباب وصارت بوجهي روح وبلسم
مصعب وين جنت وين رحت هاي شبي حالك
بابا ليش انتوا ماكو وين ماما ليال وين امي غيمه صدك متعوره
شلتها بيدي وركزت بملامحها
شكد تشبه غيم
خليت راسي على راسها وبجيت بصوت
سامحيني بابا سامحيني اني سبب كسرتكم كلكم
عيشتكم حياة ما لازم تعيشوها ابريني الذمة يابة بعدج صغيرة ما تدرين ابوج شكد نذل ما استاهل كلمة البابا منج
أنت تقرأ
بين احضان الجحيم
Художественная прозаتــــبــدأ الحـــكايـة مـن «ارض الـــسلام » الارض الـــتــي تـــخلــو مــن صـــفات اســمــها فــلا امـان ولا ســلام ولا اسـتقــرار.. ارواح مــتهالــگــة واخــرى ظـالــمـة جــدران يــحاوطها الــظلام حــياة اعـيـشها يــساودها الــظلــم الــخــذل...
